Джабаров Владимир Михайлович

Босьтӧма Рувикиысь
В Рувики есть статьи о других людях с фамилией Джабаров Владимир Михайлович.
Владимир Михайлович Джабаров
Российский политик Владимир Джабаров.webp
Флаг
Коми Республикаса олӧмӧ пӧртысь канму власьт органсянь Россия Федерацияса Федеральнӧй Собраниелӧн Федерация Сӧветӧ пырысь
Флаг
2025 вося кӧч тӧлысь 30-ӧд лунсянь
Президент Владимир Путин
Водзвывса уджалысь Ольга Епифанова
Флаг
Еврей асвеськӧдлан обласьтын Оланпас пыртан Собраниесянь Россия Федерацияса Федеральнӧй Собраниелӧн Федерация Сӧветӧ пырысь
Флаг
2009 вося ӧшым тӧлысь 24-ӧд лунсянь — 2025 вося кӧч тӧлысь 30-ӧд лунӧдз
Президент Дмитрий Медведев
Владимир Путин
Водзвывса уджалысь Борис Листов
Удж водзӧ нуӧдысь Роман Бойко
Чужис 1952-ӧд вося кӧч тӧлысь 29-ӧд лун(1952-09-29) (73 арӧс)
Партия Единая Россия
Образование Ташкентса канму техническӧй университет, Россияса федеральнӧй безопасносьт службалӧн академия
Учёнӧй степень техническӧй наукаса кандидат
Уджсикас инженер-стрӧитчысь
Удж политик
Наградаяс
Военнӧй служба
Служитан вояс 1980—2006
Принадлежность  СССР
 Россия
Войска сикас КГБ СССР СССР КГБ
ФСБ РФ РФ ФСБ
Звание Генерал-майор[d]
Специальнӧй звание либӧ класснӧй чин
Звание Генерал-майор
Логотип РУВИКИ.Медиа Медиафайлы на РУВИКИ.Медиа

Влади́мир Миха́йлович Джаба́ров (1952-ӧд вося кӧч тӧлысь 29-ӧд лун, Самарканд[d], Узбек ССР[d], Сӧветскӧй Социалистическӧй Республикаяслӧн Союз) — Россияса канму да политика уджалысь, Россияса Федеральнӧй собраниелӧн Федерация Сӧветӧ пырысь. Федерация Сӧветын канмулысь асшӧрлун видзӧм да Россия Федерациялӧн пытшкӧсса уджӧ сюйсьӧмысь видзчысьӧм серти комиссияӧн веськӧдлысь. «Единая Россия» ютырӧ пырысь.

Олантуй

Чужис 1952 вося кӧч тӧлысь 29-ӧд лунӧ Самаркандын[1]. Батьыс — кӧрт туйвывса — туй овмӧсын уджалысь, мамыс — кӧрт туйвывса больничаын врач. Национальносьт серти — армянин, но лыддьӧ асьсӧ рочӧн[2].

1974 воын помаліс Самаркандса архитектурно-строительнӧй институтын «инженер-стрӧитчысь» квалификация серти стрӧитчан факультет, 1978 воын — Ташкентса политехническӧй институтлысь аспирантура, а 1979 воын босьтіс СССР Госстрой бердын Бетон да кӧрт бетон НИИ-ын техническӧй наукаясса кандидатлысь степень, сы бӧрын уджаліс Самаркандын велӧдысьӧн[1].

1982 воын помаліс «юрист» квалификация серти Дзержинский нима СССР-са КГБ-лӧн Вылыс Краснознамённӧй школа суйӧрсайса (португалия) кыв тӧдӧмӧн лейтенант званиеын. 1980—2006 воясӧ служитіс СССР-са да РФ-са безопасносьт органъясын, медсясӧ контрразведкаын, уджаліс Федеральнӧй безопасносьт службалӧн шӧр аппаратын, вӧлі ФСБ-са экономическӧй безопасносьт службалысь кредитно-финансӧвӧй системасӧ контрразведывательнӧя могмӧдӧм серти «К» веськӧдланінса начальникӧс вежысьӧн да сылысь могъяссӧ олӧмӧ пӧртысьӧн. 26 во служитӧм бӧрын петіс отставкаӧ генерал-майор нимын[1].

2006—2009 воясӧ вӧлі «Ренессанс Капитал» инвестиция группаса медводдза вице-президентӧн, 2009 воын — «Тройка Диалог» инвестиция компанияса медводдза вице-президентӧн, кывкутіс канму органъяскӧд йитӧдъяс кутӧм вӧсна[3].

Вӧлі абу пырся уджалан подув вылын Еврей асвеськӧдлан обласьтса (ЕАО) витӧдысь да квайтӧдысь бӧрйӧм Оланпас пыртан собраниеса депутатӧн[1]. 2009 воын бӧрйисны Федерация Сӧветӧ кыдзи ЕАО-са Оланпас пыртан собраниеӧс петкӧдлысь, а сэсся кыкысь, 2011 да 2016 воясӧ ЕАО-са Оланпас пыртан собраниеӧ выльысь бӧрйӧм бӧрын, бара сетісны сенаторлысь уджмогъяссӧ собраниеса депутатъяслӧн помшуӧм серти. 2021 вося кӧч тӧлысьӧ бара сетісны ЕАО-са Оланпастэчас пыртан собраниесянь сенаторлысь уджмогъяс[4]. 2025 вося кӧч тӧлысь 30-ӧд лунӧ вӧлі сетӧма Коми Республикаса олӧмӧ пӧртысь канму власьт органсянь сенаторлысь уджмогъяс[1].

Федерация Сӧветын лоис войтыркостса уджъяс серти комитетӧн веськӧдлысьӧс медводдза вежысьӧн, сідзжӧ Россия Федерацияса артасян палатакӧд ӧтув уджалӧм серти комиссияӧ пырысьӧн, СНГ-са уджъяс серти комитетӧ пырысьӧн. Таысь кындзи лоис Беларусь да Россия Союзса Парламентскӧй Собраниелӧн ортсыса политика юалӧмъяс серти комиссияӧ пырысьӧн[5].

2025 вося йирым тӧлысь 22-ӧд лунӧ индӧма Федерация Сӧветын канмулысь асшӧрлун видзӧм да Россия Федерациялӧн пытшкӧсса уджӧ сюйсьӧмысь видзчысьӧм серти комиссияӧн веськӧдлысь чинӧ, сыӧдз юрнуӧдіс Андрей Климов[6].

Ошкис «Украина мутасын Россия Федерацияса Вооружённӧй вынъясӧн вӧдитчӧм йылысь шуӧм»[7], вӧлі Украина серти ФС-лӧн Недырся комиссияӧн веськӧдлысьӧн[8], Крымын референдум дырйи ФС-сянь наблюдательяслӧн миссияӧ пырысьӧн, медым «сійӧ муніс бура да оланпас серти»[9][10]. Сійӧс чуймӧдіс «референдум вылӧ мунысь войтырлӧн кыпыдлуныс»[11], пасйис, мый «гӧлӧсуйтан бӧртасъясыс шемӧсмӧдӧны» — «республикаса 95 % — ысь унджык олысьыс гӧлӧсуйтісны Крымлӧн Россияӧ пырӧм вӧсна»[12].

Санкцияяс

2014 вося рака тӧлысь 17-ӧд лунӧ веськалі Евросоюзса став страналӧн санкция лыддьӧгӧ[13].

2014 вося рака тӧлысь 20-ӧд лунӧ веськалӧма АӦШ-лӧн[14], а сідзжӧ Черногориялӧн, Исландиялӧн, Албаниялӧн, Лихтенштейнлӧн, Норвегиялӧн[15], Канадалӧн[16], Австралиялӧн[17], Швейцариялӧн[18] санкция улӧ. 2018 воын Италияса суйӧрсайса делӧяс министерство ӧткажитчис сетны Джабаровлы пыран виза, коді кӧсйис лоны дзик ӧти наблюдательӧн парламентӧ бӧрйысьӧмъяс дырйи ОБСЕ-са Парламентскӧй ассамблеялӧн миссияын[19]. 2018 вося лӧддза- номъя тӧлысь 21-ӧд лунӧ пыртӧма Украинаса санкция лыддьӧгӧ, 2022 вося урасьӧм тӧлысь 14-ӧд лунӧ — Великобританияса санкция лыддьӧгӧ, 2022 вося йирым тӧлысь 12-ӧд лунӧ — Новая Зеландияса санкция лыддьӧгӧ.

Наградаяс

  • «Айму водзын заслугаясысь» II тшупӧда орден (2022 вося вӧльгым тӧлысь 17-ӧд лун) — «парламентаризм сӧвмӧдӧмӧ ыджыд пай пуктӧмысь, оланпас пыртӧмын зіля уджалӧмысь да уна вося бур уджысь»[20]
  • «Айму водзын заслугаясысь» III тшупӧда орден (2013 вося рака тӧлысь 19-ӧд лун) — «Россияса парламентаризм сӧвмӧдӧмӧ ыджыд пай пуктӧмысь да оланпас пыртӧмын зіля уджалӧмысь»"[21]
  • «Айму водзын заслугаясысь» IV тшупӧда орден (2007 во))[22]
  • Александр Невский орден (2018 во)
  • «Военнӧй заслугаясысь» орден (2001 во)[22]
  • Почёт орден (1995 во)[22]
  • «Айму водзын заслугаясысь» II тшупӧда орденлӧн медаль (2004 во)[22]
  • «Воинскӧй службаын бура петкӧдчӧмысь» I тшупӧда медаль (1993 во)[22]
  • «СССР-са Вооружённӧй Вынъяслы 70 во» юбилейнӧй медаль
  • «Москвалы 850 во паметь вылӧ» медаль
  • «Россия Федерацияса безопасносьт органъясын нимӧдана уджалысь» почёт ним (2005 во)[22]
  • «Контрразведкаын почёта уджалысь» почёт ним
  • ЕАО-са Оланпас пыртан собраниелӧн «Парламентаризм сӧвмӧдӧмӧ пай пуктӧмысь» пас (2017 во)[23]
  • «Еврей асвеськӧдлан обласьтса Почёта гражданин» почёт ним (2022 во)

Ас олӧм

Гӧтыра[24]. 2016 воын декларируйтіс вося чӧжӧссӧ 6 миллион шайт мындаын, а сідзжӧ ӧти му участок, кык олан керка, нёль патера, автомашина куим сувтӧданін да куим машина — Lexus LS, Porsche Cayenne да Volkswagen Touareg. Кызвын эмбурсӧ гижӧма гӧтыр ним вылас[25].

Пасйӧдъяс

  1. ↑ 1 2 3 4 5 Структура Совет Федерации Федерального Собрания Российской Федерации (рус.). Совет Федерации Федерального Собрания Российской Федерации (В источнике не указана). Шыӧдчан кадпас: 23 урасьӧм тӧлысь 2026.
  2. ↑ Божий дар – это не нефть и газ... - Союзное Вече (рус.). souzveche.ru (25 ода-кора тӧлысь 2012). Шыӧдчан кадпас: 23 урасьӧм тӧлысь 2026.
  3. ↑ Джабаров Владимир (неопр.). Forbes.ru (В источнике не указана). Шыӧдчан кадпас: 23 урасьӧм тӧлысь 2026.
  4. ↑ Джабаров Владимир Михайлович. Совет Федерации. Шыӧдчан кадпас: 23 урасьӧм тӧлысь 2026.
  5. ↑ Джабаров Владимир Михайлович (англ.). belrus.ru. Шыӧдчан кадпас: 23 урасьӧм тӧлысь 2026.
  6. ↑ Владимир Джабаров возглавил Комиссию Совета Федерации по защите государственного суверенитета. Совет Федерации (22 йирым тӧлысь 2025). Шыӧдчан кадпас: 23 урасьӧм тӧлысь 2026.
  7. ↑ Совет Федерации дал согласие на использование Вооруженных Сил России на территории Украины, Совет Федерации Федерального Собрания Российской Федерации (1 марта 2014). Шыӧдчан кадпас: 23 урасьӧм тӧлысь 2026.
  8. ↑ В. Джабаров: Окончательно утвержден состав Временной комиссии СФ по Украине, Совет Федерации Федерального Собрания Российской Федерации (3 марта 2014). Шыӧдчан кадпас: 23 урасьӧм тӧлысь 2026.
  9. ↑ В Совете Федерации определены задачи миссии наблюдателей, направляющихся на референдум в Крым, Совет Федерации Федерального Собрания Российской Федерации (11 марта 2014). Шыӧдчан кадпас: 23 урасьӧм тӧлысь 2026.
  10. ↑ В. Джабаров: Основная задача миссии СФ в Крыму — наблюдать за подготовкой и ходом проведения референдума, Совет Федерации Федерального Собрания Российской Федерации (15 марта 2014). Шыӧдчан кадпас: 23 урасьӧм тӧлысь 2026.
  11. ↑ Члены миссии СФ по наблюдению за ходом проведения референдума в Крыму завершили день в Севастополе, Совет Федерации Федерального Собрания Российской Федерации (16 марта 2014). Шыӧдчан кадпас: 23 урасьӧм тӧлысь 2026.
  12. ↑ Референдум в Крыму прошел качественно и честно, считают в Совете Федерации, Совет Федерации Федерального Собрания Российской Федерации (17 марта 2014). Шыӧдчан кадпас: 23 урасьӧм тӧлысь 2026.
  13. ↑ Council implementing regulation (eu) 2020/398. Шыӧдчан кадпас: 23 урасьӧм тӧлысь 2026.
  14. ↑ Ukraine-related Designations (англ.). Office of Foreign Assets Control U.S. Department of the Treasury (20 рака тӧлысь 2014).
  15. ↑ [chrome-extension://efaidnbmnnnibpcajpcglclefindmkaj/https://data.consilium.europa.eu/doc/document/ST-14387-2014-INIT/en/pdf Declaration by the High Representative on behalf of the European Union on the alignment of certain third countries with Council Decision 2014/658/CFSP amending Council Decision 2014/145/CFSP concerning restrictive measures in respect of actions undermining or threatening the territorial integrity, sovereignty and independence of Ukraine] (англ.). Council of the European Union (15 йирым тӧлысь 2014).
  16. ↑ Regulations Amending the Special Economic Measures (Russia) Regulations (англ.). Government of Canada (19 рака тӧлысь 2014).
  17. ↑ Autonomous Sanctions (Designated Persons and Entities and Declared Persons – Ukraine) List 2014 (17 лӧддза-номъя тӧлысь 2014). Шыӧдчан кадпас: 23 урасьӧм тӧлысь 2026.
  18. ↑ Verordnung vom 2. April 2014 über Massnahmen zur Vermeidung der Umgehung internationaler Sanktionen im Zusammenhang mit der Situation in der Ukraine. Федеральный совет Швейцарии (2 косму тӧлысь 2014). Шыӧдчан кадпас: 23 урасьӧм тӧлысь 2026.
  19. ↑ МИД Италии отказал в визе сенатору Джабарову, поскольку он внесен в санкционный список ЕС (рус.). ТАСС (4 рака тӧлысь 2018). Шыӧдчан кадпас: 23 урасьӧм тӧлысь 2026.
  20. ↑ Указ Президента Российской Федерации от 17.11.2022 № 830 «О награждении государственными наградами Российской Федерации». Шыӧдчан кадпас: 23 урасьӧм тӧлысь 2026.
  21. ↑ Указ Президента Российской Федерации от 19.03.2013 г. № 257 «О награждении государственными наградами Российской Федерации». Президент России. Шыӧдчан кадпас: 23 урасьӧм тӧлысь 2026.
  22. ↑ 1 2 3 4 5 6 Джабаров Владимир Михайлович. Совет Федерации.
  23. ↑ Сенатор от ЕАО В. Джабаров награждён знаком «За вклад в развитие парламентаризма». Биробиджанская звезда. Шыӧдчан кадпас: 23 урасьӧм тӧлысь 2026.
  24. ↑ Александр Алексеев. Владимир Джабаров: «Жизнь России определяют её регионы». Биробиджанская звезда (7 лӧддза-номъя тӧлысь 2011). Шыӧдчан кадпас: 23 урасьӧм тӧлысь 2026.
  25. ↑ Сенаторы от ЕАО увеличили свои доходы, а всё имущество записали на жён. Regnum (19 косму тӧлысь 2017). Шыӧдчан кадпас: 23 урасьӧм тӧлысь 2026.

Ыстӧгъяс

Босьтӧма "https://kv.ruwiki.ru/w/index.php?title=Джабаров_Владимир_Михайлович&oldid=478629"-ысь