Грибкова Екатерина Георгиевна
| Грибкова Екатерина Георгиевна | |
|---|---|
 | |
|
| |
 Россия Федерацияса Федеральнӧй Собраниелӧн Федерация Сӧветӧ пырысь — Коми Республикаса оланпас пыртысь канму власьт органсянь РФ-са ФС-лӧн ФС-ын петкӧдлысь
 |
|
| 2025 вося кӧч тӧлысь 29-ӧд лунсянь | |
| Водзвывса уджалысь | Шумилова Елена Борисовна |
|
|
|
| Чужис |
1989-ӧд вося косму тӧлысь 17-ӧд лун (37 арӧс) |
| Ютыр | Единая Россия |
| Уджсикас | политик |
Грибкова Екатерина Георгиевна (1989-ӧд вося косму тӧлысь 17-ӧд лун, Визин, Коми Автономнӧй Сӧветскӧй Социалистическӧй Республика) — россияса канморт, Федеральнӧй Собраниелӧн Федерация Сӧветӧ пырысь (2025 восянь)[1].
Олантуй
Грибкова Екатерина чужис 1989 вося косму тӧлысь 17-ӧд лунӧ Сыктыв районса Визин сиктын.
Визинса шӧр школа помалӧм бӧрын пырис велӧдчыны Сыктывкарса канму университетӧ, кӧні ӧттшӧтш босьтіс кык вылыс тшупӧда тӧдӧмлун: 2012 воын — «Социальнӧй удж» специальносьт серти, а 2014 воын — «Юриспруденция» бакалавриат уджтас серти[2].
Заводитіс уджавны 2012 вося сора тӧлысьын «Максаковка» республикаса социально-оздоровительнӧй шӧринын социальнӧй удж кузя специалистӧн, кӧні бурдӧдчӧны Айму вӧсна Ыджыд тышса ветеранъяс да мукӧд вермытӧм йӧз.
2013—2017 воясӧ сьӧрсьӧн-бӧрсьӧн уджаліс канму учреждениеясын уна сикас чинын:
• Инӧд боксянь могмӧдан шӧринын эксперт удж (2013—2014);
• Йӧзлы отсӧг сетан агентствоын медыджыд специалист-эксперт (2014—2016);
• Коми Республикаса Юралысьлӧн администрацияын удж (2016);
• Йӧзлысь дзоньвидзалун видзан министерствоын юкӧнӧн веськӧдлӧм (2016—2017);
• Коми Республикалӧн Сыктыв районса олысьяслы социальнӧй отсӧг сетан юкӧнын канму услугаяс сетан шӧринӧн веськӧдлӧм (2017—2021)[3].
2021 вося рака тӧлысьын индісны Коми Республикаса удж, йӧзӧс уджӧн могмӧдан да социальнӧя доръян министрӧн. Сылӧн веськӧдлӧм улын йӧзӧс уджӧн могмӧдан шӧринъяс лоины «Россияса удж» кадрӧвӧй шӧринъясӧн, медводдзаысь нуӧдісны уджӧн могмӧдан ставроссияса ярмангаяс, Сыктывкарын восьтісны семьяяслы уна мога медводдза шӧрин[4]. 2024 воын Коми Республикаса удж, йӧзӧс уджӧн могмӧдан да социальнӧя доръян министерство лоис «Удж видзан юкӧнын Россия Федерацияса субъектлӧн олӧмӧ пӧртысь власьтлӧн медбур орган» ставроссияса конкурсын эзысь призёрӧн.
2023 вося йирым тӧлыссянь уджаліс Коми Республикаса веськӧдлан котырын вице-премьерӧн. Сылӧн кывкутіс социальнӧй юкӧн вӧсна. Уджмогъяссӧ дугӧдӧма 2025 вося кӧч тӧлысьын Коми Республикаса Юралысь Ростислав Гольдштейнлӧн тшӧктӧм серти Россияса парламентлӧн вылыс палатакӧд йитӧдын[5].
2025 вося кӧч тӧлысьын бӧрйисны «Единая Россия» ютырлӧн список серти Коми Республикаса Каналан Сӧветса VIII созывын депутатӧн.
2025 вося кӧч тӧлысь 29-ӧд лунӧ депутатъяс бӧрйисны Екатерина Грибковаӧс Россия Федерацияса сенаторӧн Федерация Сӧветын прӧстмӧм места вылӧ, мый Елена Шумилова прӧстмӧдіс тавося лӧддза-номъя тӧлысьын[6][7]. Грибковалысь кандидатурасӧ ошкисны 30 депутат пиысь 29-ыс[3]. Депутатскӧй мандатысь сійӧ ӧтдортчис парламентлӧн вылыс палатаӧ вуджӧм вӧсна.
Наградаяс
Коми Республикаса удж, уджӧн могмӧдан да социальнӧя доръян министерстволӧн аттьӧалӧм (2015)[3].
Ас олӧм
Верӧс сайын[2].
Пасйӧдъяс
- ↑ Грибкова Екатерина Георгиевна (рус.). Совет Федерации. Шыӧдчан кадпас: 6 йирым тӧлысь 2025.
- ↑ 1 2 Кто есть кто: Грибкова Екатерина Георгиевна (рус.). Комионлайн. Шыӧдчан кадпас: 6 йирым тӧлысь 2025.
- ↑ 1 2 3 Екатерина Грибкова стала сенатором (рус.). БНКоми (29 кӧч тӧлысь 2025). Шыӧдчан кадпас: 6 йирым тӧлысь 2025.
- ↑ Поздеева А. Екатерина Грибкова: «Нам важно понять потребности людей» (рус.). Регион (29 лӧддза-номъя тӧлысь 2023). Шыӧдчан кадпас: 6 йирым тӧлысь 2025.
- ↑ Екатерина Грибкова освобождена от должности зампредседателя правительства Коми (рус.). БНКоми (29 кӧч тӧлысь 2025). Шыӧдчан кадпас: 6 йирым тӧлысь 2025.
- ↑ Грибкова, Екатерина Георгиевна. Сенатор РФ (рус.). ТАСС. Энциклопедия. Шыӧдчан кадпас: 6 йирым тӧлысь 2025.
- ↑ Екатерину Грибкову наделили полномочиями сенатора (рус.). Регион (30 кӧч тӧлысь 2025). Шыӧдчан кадпас: 6 йирым тӧлысь 2025.