Елькин Михаил Андреевич

Елькин Михаил Андреевич
Елькин Михаил Андреевич
Чужан лун	1958-ӧд вося вӧльгым тӧлысь 21-ӧд лун (67 арӧс)
Чужанін	Сёська (Сыктывдін район), Сыктывдін район, Коми АССР, РСФСР, Сӧветскӧй Социалистическӧй Республикаяслӧн Союз;
Страна	Сӧветскӧй Социалистическӧй Республикаяслӧн Союз; Россия;
Мыйся уджыс	поэт, вуджӧдчысь

Елькин Михаил Андреевич (1958-ӧд вося вӧльгым тӧлысь 21-ӧд лун, Сёська (Сыктывдін район), Коми АССР) — коми поэт, вуджӧдчысь.

Олантуй

Михаил Елькин чужӧма Сыктывдін районса Сёська сиктын 1958 вося вӧльгым тӧлысь 21-ӧд лунӧ.

Сёська сиктын 8 вося школа помалӧм бӧрын кык во велӧдчӧма Выльгортса видз-му техникумын. Сӧветскӧй Армияысь воӧм бӧрын керкаяс кыпӧдӧма да вӧр кылӧдӧма. Уджалӧма кочегарӧн, гидрологӧн.

1986-ӧд восянь уджалӧма «Войвыв кодзув» журналын. 1996 восянь 2014 воӧдз вӧлі журналса медшӧр редакторӧн. Ӧні уджалӧ профессиональнӧй гижысьӧн^[1].

1987-ӧд воын помалӧма Сыктывкарын уджалысь том войтырлысь рытъя школа, 1993-ӧд воын — Москваын А. М. Горький нима Литературнӧй институт^[2].

Гижан удж

Медводдза кывбурсӧ йӧзӧдӧма 1974-ӧд воын «Войвыв кодзув» журналын. Сылӧн петавлӧма некымын кывбур чукӧр комиӧн да роч кыв вылӧ вуджӧдӧмӧн: «Ӧзын» (1986), «Восьса сьӧлӧмӧн» (1989), «Лысва» (1994), «Бурас эскӧмӧн» (2000), «Арся дзоридзьяс» (2004), «Кодзула эжа» (2013), «Зарава» (2018).

1991-ӧд воянь пырӧ Россияса гижысь котырӧ^[3].

Небӧгъяс

• Ӧзын: кывбуръяс. — Сыктывкар: Коми кн. изд-во, 1986. — 48 л.б.
• Восьса сьӧлӧмӧн: кывбуръяс [«Ордым» ӧктӧдысь]. — Сыктывкар: Коми кн. изд-во, 1989. — 32 л.б.
• Лысва: кывбуръяс / Ред. А. В. Тентюков; Серпасаліс Г. Н. Шарипков. — Сыктывкар: Коми книжнӧй издательство, 1994. — 64 л.б. (тираж — 1000 экз.)
• Бурас эскӧмӧн: кывбуръяс, вуджӧдӧмъяс. — Сыктывкар: Коми небӧг лэдзанін, 2000. — 128 л.б.
• Арся дзоридзьяс: кывбуръяс. — Сыктывкар: Коми небӧг лэдзанін, 2004. — 158 л.б.
• Кодзула эжа: кывбуръяс. — Сыктывкар: Коми Республикаса гижысь котыр, 2013. — 142 л.б.
• Зарава: кывбуръяс. — Сыктывкар: Коми Республикаса гижысь котыр, 2018.

Наградаяс

• Коми Республикаса культураын нимӧдана уджалысь (2001);
• Коми Республикаса канму премия кыкысь босьтысь (литература юкӧнын И. А. Куратов нима премия) К. Жаковлысь «Биармия» поэма комиӧдӧмысь (1996);
• Коми Республикаса Веськӧдлан котыр премия босьтысь (2007).

Пасйӧдъяс

↑ Сегодня празднует день рождения коми поэт и переводчик - Михаил Андреевич Елькин (рус.). Музей Сыктывдина (21 вӧльгым тӧлысь 2022). Шыӧдчан кадпас: 20 йирым тӧлысь 2025.
↑ Елькин Михаил Андреевич (рус.). НБРК. Шыӧдчан кадпас: 20 йирым тӧлысь 2025.
↑ Ельцова Е. Михаил Андреевич Елькин // Писатели Коми : биобиблиогр. слов. : в 2 т. Том I. — Сыктывкар, 2017. — С. 292—295.

Ыстӧгъяс

Михаил Андреевич Елькин на Читающей Завалинке с. Выльгорт (2023)

[1] Сегодня празднует день рождения коми поэт и переводчик - Михаил Андреевич Елькин (рус.). Музей Сыктывдина (21 вӧльгым тӧлысь 2022). Шыӧдчан кадпас: 20 йирым тӧлысь 2025.

[2] Елькин Михаил Андреевич (рус.). НБРК. Шыӧдчан кадпас: 20 йирым тӧлысь 2025.

[3] Ельцова Е. Михаил Андреевич Елькин // Писатели Коми : биобиблиогр. слов. : в 2 т. Том I. — Сыктывкар, 2017. — С. 292—295.

[1]

[2]

[3]