Игнатов Михаил Константинович
| Игнатов Михаил Константинович | |
|---|---|
| Чужан лун | 1929-ӧд вося йирым тӧлысь 14-ӧд лун (94 арӧс) |
| Чужанін | |
Q5Игнатов Михаил Константинович
Игнатов Михаил Константинович (1929) — партийнӧй уджалысь, чужан му туялысь.
Олан туй
Михаил Игнатов чужис 1929 вося йирым тӧлысь 14 лунӧ Кулӧмдін районса Помӧсдін сикт овмӧдчӧмин улӧ пырысь Выльгорт грездын.
1945-1946-ӧд воясӧ уджаліс егерьӧн, 1947-1949-ӧд воясӧ — кыпӧдіс Помӧсдінса ГЭС. Сизим да джын во служитіс Сӧветскӧй армияын, сэсся воысь этшаджык вӧлі Помӧсдін районса комитетын инструкторӧн.
1962 воын помаліс КПСС Шӧр комитетлысь Горькийын вылыс партийнӧй школа.
Кызь вит во чӧжӧн вӧлі: райисполкомса веськӧдлысьӧс вежысьӧн (на лыдын кык во — внештатнӧй вежысьӧн да колхозын веськӧдлысьӧн), мӧд секретарӧн, Кулӧмдін районса исполкомын веськӧдлысьӧн, КПСС-лӧн Кулӧмдін райкомса медводдза секретарӧн.
1985-1989-ӧд воясӧ М.К. Игнатов уджаліс Сыктывкарын КПСС-лӧн Коми обком бердын партийнӧй контрольса веськӧдлысьӧн, сэсся — связь управлениеын.
Сизимысь бӧрйылісны КПСС-лӧн Коми обкомӧ.
1999 вося ода-кора тӧлысьсянь пенсиа вылын. Пырӧдчис общественнӧй уджӧ: 1998-ӧд восянь 2008-ӧд вося рака тӧлысьӧдз вӧлі Сыктывкарын Кулӧмдін землячестволӧн сӧветын веськӧдлысьӧс вежысьӧн.
1999 воын М.К. Игнатовлы сетӧма «Кулӧмдін районса почётнӧй олысь» ним.[1]
Коми Республикаса Национальнӧй архивын эм М.К. Игнатовлӧн ас фонд (Ф. 3788, 170 ед. хр., 1930-1992 вояс) [2].
Небӧгъяс
- Игнатов М.К. Взгляд сквозь годы. — Сыктывкар: Коми небӧг лэдзанін, 1998. — 224 с.
- Игнатов М.К. Гордость и трудовая слава Усть-Куломского района. — Сыктывкар, 2005. — 124 с.
- Игнатов М.К. Усть-Куломский район: помни прошлое, зная настоящее, делай будущее (1620—2008). — Сыктывкар, 2009. — 366 с.
- Игнатов М.К. Усть-Куломский район в годы Великой Отечественной войны. Труженики тыла. — Сыктывкар: ООО «КРТ», 2015. — 264 с.
Наградаяс
- Уджвывса Гӧрд Дӧрапас кык орден
- Коми Республикаса нимӧдана уджалысь
- «Кулӧмдін районса почётнӧй олысь» ним (1999)
Ӧшмӧсъяс
- Игнатов М.К. Усть-Куломский район: помни прошлое, зная настоящее, делай будущее (1620–2008). – Сыктывкар, 2009. — С. 299.