Канев
Канев — Комиын тшӧкыда паныдасьлысь ов.
Этимология
Овыс артмӧма кань кывйысь. Кӧть эськӧ татшӧм артмӧдӧмыс абу ёна зумыд.
Овыс вермис артмыны и роч каня кывйысь. Каня — тайӧ канюксьыс ыджыдджык да рудджык лэбач. Канюкӧн шуӧны ыбъясвывса, муясвывса неыджыд сюзьӧс, кырнышӧс, варыш сямаӧс, коді дӧзмӧдчӧ аслас каньгӧмӧн.
Вуджӧдӧм вежӧртасыс — каньгысь, норасьысь, ойзысь, ымзысь, няргысь, нявзысь; сэтшӧм жӧ, кыдз коми каньгыны кыв — дӧзмӧдтӧдз корны, ымзыны, норасьны[1].
История
1678 воын Емва кузя гижасигӧн переписчикъяс татшӧм ова йӧзсӧ пасйӧмаӧсь куимысь. Вашертын (ӧні - Луг) сэк олӧма: «бобыль Васька Павлов сын Канев,Фомка нима тыр арлыда вокыскӧд». Сереговысь: «бобыль Ивашка Григорьев сын Канев, 10 арӧса Якушка пасынокыскӧд» и «Овтӧм керка Федосейко Васильев Туркинлӧн, важӧн кувсьӧма, челядьтӧм, керкасӧ да пашнясӧ ньӧбӧма Иван Панкратьев, а тайӧ керкаас олӧ бобыль Аничко Григорьев сын Канев». Ӧтиысь казьтыштӧма Зӧвсьӧртысь: «Коземка Викулин сын Канев тыр арлыда Вахрамейка да Васька вокыскӧд»[1].
Ӧні Каневъяс олӧны быдлаын. Эжва катыдса Каневъяс локтӧмаось Эжва вылысь, 1720 воын Пӧддельнӧйса Якуневскӧй пӧчинокын олӧмаӧсь «Гаврила Анкиев сын Канев, Никита, Евстафий да Иван вокъясыскӧд». Позьӧ чайтны, мый тайӧ Каневъясыс — Сереговса Аничко Григорьев Каневыслӧн пиян. Изьваса Каневъяс — Емва вылысь локтӧм войтыр. 1721 воӧ найӧ Изьва слӧбӧдаын овлӧма 8 семья, а сэсся паськалӧмаӧсь сэтчӧс грездъясын[2].
Нималана йӧз
Ыстӧгъяс
- ↑ 1 2 Плесовский Ф. В. Комиын овъяс. — Сыктывкар: РИПКРО МО РК, 1997. — 139 с.
- ↑ Соловьёв В.В. Семейнородственные группы у коми // Проблемы этногенеза народа коми. — Сыктывкар, 1985. — С. 130.
|
Кывлӧн либӧ кывтэчаслӧн вежӧртасъяс лыддьӧг лӧсялана статьяяс вылӧ ыстӧгӧн. Ті кӧ сюринныд татчӧ Рувики проектын мӧд статьяысь, корам бергӧдчыны и стӧчмӧдны ыстӧгсӧ, медым сійӧ вайӧдіс колана статьяӧ. Тайӧ лист бокын вайӧдӧма: |
 |
Ӧткодь ова йӧз йылысь статьяяс лыддьӧг. |
 |
Мӧд вежӧртасъяс. Видзӧд тшӧтш: статьяяслысь тырвыйӧ лыддьӧг, кодъяслӧн нимыс заводитчӧ «Каневсянь». |
|
Видзӧд тшӧтш: статьяяслысь тырвыйӧ лыддьӧг, кодъяслӧн нимыс заводитчӧ «Каневсянь». |