Карманова Альбина Николаевна
| Карманова Альбина Николаевна | |
|---|---|
| Чужан лун | 1940 |
| Мыйся уджыс | лингвистка, филолог |
Q5Карманова Альбина Николаевна
Карманова Альбина Николаевна (1940) — коми кыв туялысь, велӧдысь.
Олан туй
Альбина Карманова чужӧма 1940-ӧд вося ӧшым тӧлысь 8-ӧд лунӧ Коми АССР-ын Сыктыв районса Визин сиктын. Помалӧма Визин сиктса шӧр школа (1957), И.А. Куратов нима 1 №-а Сыктывкарса педагогика училишӧ (1960), Коми канмуса педагогика институтысь филология факультет. Институт помалӧм бӧрын пырӧма уджавны СССР-са наукаяс академиялӧн Коми филиалысь кыв юкӧдӧ младшӧй научнӧй сотрудникӧн.
1970-ӧд восянь уджалӧма вылыс тшупӧда велӧдчанінъясын: медводз велӧдӧма Коми канмуса педагогика институтын, а 1972-ӧд восянь — Сыктывкарса канму университетын — методистӧн, ассистентӧн, старшӧй преподавательӧн, доцентӧн. Нуӧдӧма практическӧй уджъяс, семинаръяс да спецкуръяс, лыддьӧма лекцияяс ӧнія коми кывлӧн грамматикаысь. А.Н. Карманова вӧлӧма университетын коми кыв да литература кафедра котыртысьяс лыдын.
2004—2016-ӧд воясын уджалӧма научнӧй сотрудникӧн Коми Республикаса Велӧдӧм сӧвмӧдан да тӧдӧмлун кыпӧдан институтлӧн национально-региональнӧй компонент серти велӧдан комплектъяс дасьтан Шӧринын.
Туясян удж
А.Н. Карманова пуктӧма пай коми кывлӧн фразеология, лексикология да лексикографии туялӧмӧ, велӧдан небӧгъяс дасьтӧмӧ, вежӧртас восьтан, кыв артмӧдан, кыв гижанног да тематикаа кывкудъяс дасьтӧмӧ, кодъяс серти велӧдчӧны вылыс тшупӧда велӧдчанінъясын да школаясын.
Небӧгъяс
Йӧзӧдӧма 150 сайӧ удж, на лыдын 10 велӧдан небӧг да 5 кывкуд.
Кывкудъяс
- Карманова А.Н., Игушев Е. А. Роча-коми сёрнитчан. — Сыктывкар: Коми кн. изд-во, 1989. — 108 л.б.
- Карманова А.Н., Игушев Е. А. Русско-коми разговорник // Вестник политической информации. 1989. №23. Лб. 17. №24. Лб. 16-17. 1990. №1-8, 11, 15, 17, 18.
- Карманова А. Н., Панюкова О. В. Торъякывъяс артмӧдан кыввор. — Сыктывкар: КРИРОиПК, 1999. — 156 л.б.
- Карманова А. Н., Кренделева Т. В., Черных М. В. Комиа-роча тематическӧй кывкуд. — Анбур, 2007. — 86 л.б.
- Карманова А. Н., Коснырева Р. И., Кренделева Т. В. Коми орфография кывкуд. — Сыктывкар: Кола, 2008. — 351 л.б.
- Карманова А. Н., Кренделева Т. В., Черных М. В. Коми-русский, русско-коми тематический словарь. — Сыктывкар: [б. и.], 2009. — 204 л.б.
- Карманова А. Н., Якубив Т. В., Черных М. В. Комиа-роча, роча-комиа тематическӧй кывкуд. — Анбур, 2011. — 263 л.б.
- Карманова А. Н., Якубив Т. В., Черных М. В. Комиа-роча велӧдчан кывкуд. Мӧд петас. — Анбур, 2011. — 269 л.б.
Велӧдан небӧгъяс
Туялан небӧгъяс
- Карманова А.Н., Лудыкова В.М., Федина М.С. Ӧнія коми кыв. Фонетика. Графика. Орфография. Лексикология. Морфология. Синтаксис / МО и ВШ РК. — Сыктывкар, 2001. — 216 л.б.
Ошканпасъяс
Ӧшмӧсъяс
- Карманова Альбина Николаевна — педагог и ученый: биобиблиографический указатель / Сост. Г.В. Пунегова. — Сыктывкар: ИЯЛИ КомиНЦ УрО РАН, 2020.
- Карманова А.Н. йылысь
- А.Н. Кармановалӧн йӧзӧдӧм уджъяс