Игушев Евгений Александрович
| Игушев Евгений Александрович | |
|---|---|
 | |
| Чужан лун | 1939-ӧд вося рака тӧлысь 11-ӧд лун (87 арӧс) |
| Чужанін | |
| Страна | |
| Мыйся уджыс | туялысь |
Игушев Евгений Александрович (1939-ӧд вося рака тӧлысь 11-ӧд лун, Пожня) — коми кыв туялысь, профессор, филология наукаяс доктор (1991).
Олантуй
Евгений Игушев чужӧма 1939-ӧд вося рака тӧлысь 11-ӧд лунӧ Изьва районса (ӧні — Сосногорск район) Пожня грездын.
1953-ӧд воын помалӧма Уквавомса 7 класса школа, 1957 воын — Укваса горно-нефтянӧй техникум[1].
1963 воын помаліс Коми канмуса педагогика институт. Уджаліс коми кыв да литература велӧдысьӧн Кедвавомса 8 класса школаын. Армиаын служитӧм бӧрын водзӧ велӧдіс коми кыв да литература Изьва районысь Гамса 8 класса школаын.
1969 восянь уджаліс СССР-са наукаяс академиялӧн Коми филиалын младшӧй научнӧй сотрудникӧн. 1973 воын филология кандидат ним вылӧ диссертация дорйӧм бӧрын вуджис уджавны Сыктывкарса канму университетлӧн коми кыв да литература кафедраӧ.
1991 воын Тарту университетын дорйис филология доктор ним вылӧ диссертация (коми кывйын морфология категорияяслӧн стилистика). Некымын во велӧдіс коми кыв Уппсала университетын фин-йӧгра факультетса студентъяслы да аспирантъяслы.
Кӧкъямыс во деканаліс Сыктывкарса университетлӧн филология факультетын (1978—1986). Коми да фин-йӧгра кыв туялӧм кафедраын веськӧдлысь (1992—1996) да профессор.
2003—2014 воясӧ вӧлі Йӧгра канму университетысь гуманитарнӧй факультетса филология кафедраын профессор. Та кадӧ жӧ уджаліс ведущӧй научнӧй сотрудникӧн Юграса канму университетын Обдорса йӧгра войтырлысь кыв велӧдан да видзан Лабораториаын[2].
2014 вося кӧч тӧлыссянь — Канму службаӧ да веськӧдлыны велӧдан Коми Республикаса академияын профессор, та кадӧ жӧ — Кыв, литература да история институтын ведушӧй научнӧй сотрудник.
Ӧні пенсия вылын, гижӧ мемуаръяс.
Туялан удж
Е.А. Игушев туяліс коми кывлӧн изьва сёрнисикасын рочысь пырӧм кывъяс, ӧнія коми кывлысь грамматическӧй стилистика, лӧсьӧдіс студентъяслы коми кывйысь практическӧй стилистика серти велӧдан небӧгъяс. Дасьтіс уна удж ӧнія кадӧ коми кыв сӧвмӧм да бергалӧм йылысь. Гижӧма 250 сайӧ туялан удж, на лыдын 20 сайӧ торъя небӧг.
Евгений Игушев — фин-йӧгра туялысьяслӧн войтыркостса котырӧ пырысь (Хельсинки, Финляндия), Хунгарологъяслӧн войтыкостса котырӧ пырысь (Будапешт, Венгрия).
Небӧгъяс
• Игушев Е. А. Тайӧ муса кылӧн чой-вок сёрнитӧны. — Сыктывкар, 1983.
• Игушев Е. А. Практическая стилистика коми языка: Учеб. пособие по спецкурсу. — Сыктывкар; Пермь: Перм. ун-т, 1986. — 63 с.
• Игушев Е. А. Введение в финно-угроведение: Учеб. пособие по спецкурсу. — Сыктывкар; Пермь: Сыктывкар. ун-т; Перм. ун-т, 1987. — 67 с.
• Игушев Е. А. Сопоставительная грамматика русского и коми языков: Учеб. пособие по спецкурсу [для студентов вузов, изуч. коми язык]. — Сыктывкар: Перм. ун-т, 1988. — 66 с.
• Игушев Е. А. Чужан кыв — менам олӧм да вӧт. — Сыктывкар, 1988.
• Карманова А. Н., Игушев Е. А. Русско-коми разговорник. — Сыктывкар: Коми кн. изд-во, 1989. — 108 с.
• Игушев Е. А. Стилистика морфологических категорий коми языка: Автореф. дис. … д. филол. н. — Тарту, 1990. — 32 с.
• Игушев Е. А. Перым кывъяслӧн ӧткодялан грамматика. — Сыктывкар: Изд-во Сыктывкар. ун-та, 2000. — 71 с.
• Игушев Е. А. Коми кывлӧн стилистика: Велӧдчан небӧг. — Сыктывкар: СГУ, 2003. — 77 с.
• Игушев Е. А. Кывным миян сёрнитігӧн олӧ. — Сыктывкар, 2003.
• Насибуллин Р. Ш., Максимов С. А., Игушев Е. А., Аксенова О. П. Сравнительный словарь пермских языков. — Сыктывкар: Изд-во СыктГУ, 2004. — 256 с.
• Игушев Е. А. Введение в финно-угроведение: учеб. пособие для студентов. — Ханты-Мансийск: РИЦ ЮГУ, 2006. — 211 с.
• Игушев Е. А. Сравнительная грамматика финно-угорских языков: учеб. пособие для студентов филологических факультетов ун-тов. — Ханты-Мансийск: Югорский гос. ун-т, 2009. — 79 с.
• Лыскова Н. А., Игушев Е. А. Историческая грамматика мансийского языка: учеб. пособие для студентов. — Ханты-Мансийск: Информационно-издательский центр, 2010. — 165 с.
• Игушев Е. А. Ас кывлӧн ловзьӧдан гор (туялысьлӧн казьтылӧм). — Сыктывкар, 2018. — 78 лб.
• Игушев Е. А.Чужан кывйӧй − чужан му! : кывтуялысьлӧн олӧм йывсьыс пасйӧдъяс. — Сыктывкар, 2022. — 67 лб.
• Игушев Е. А. Том пӧра коллялӧмӧй! Кывтуялысьлӧн ас олӧм йывсьыс пасйӧдъяс. — Сыктывкар, 2023. — 78 лб.
Наградаяс
• «СССР-са вылыс школаын отличник» почёт пас (1989);
• «Уджвывса ветеран» медаль (1995);
• Коми Республикаса нимӧдана уджалысь (1996);
• Россияса народно-патриотическӧй котырлӧн «А. С. Пушкинлӧн чужан лунсяньыс 200 во тыриг кежлӧ» медаль (1999);
• «Пушкин медаль» (А.С. Пушкинлӧн 200 вося чужан лун кежлӧ юбилейнӧй медаль) (1999);
• Коми Республикаса канму премия босьтысь коми да фин-йӧра кывтуялӧм юкӧнын (2003);
• «Медводдза небӧг печатайтысь Ивана Фёдоров» медаль (2011 во).
Пасйӧдъяс
- ↑ Игушев Евгений Александрович (рус.). НБРК. Шыӧдчан кадпас: 27 йирым тӧлысь 2025.
- ↑ Николаева А. Научная одиссея Евгения Игушева (рус.). «Республика» (13 рака тӧлысь 2009). Шыӧдчан кадпас: 27 йирым тӧлысь 2025.
Литература
• Ученые СГУ: биографические очерки. — Сыктывкар, 1997.
• Коми язык. Энциклопедия. — Москва: ДиК, 1998. — С. 142—143.
• Республика Коми. Энциклопедия. В 3-х т. — Сыктывкар, 1999. — Т. 2.
• Ученые Института языка, литературы и истории Коми научного центра Уральского отделения Российской академии наук. Биографический справочник. — Сыктывкар, 2000. — С. 74—75.
• Доктора наук Республики Коми. — Сыктывкар, 2004. — С. 126—127.
• Кыв, литература да иснститут сайтын Е.А. Игушевлӧн олантуй
• Канму службаӧ да веськӧдлыны велӧдан Коми Республикаса академиа сайтын Е.А. Игушевлӧн олантуй
• Коми Республикаса национальнӧй библиотека сайтын Е.А. Игушев йылысь