Кейзерлинг Александр Андреевич

Кейзерлинг Александр Андреевич
Кейзерлинг Александр Андреевич
Чужан лун	15 (27) моз 1815
Чужанін	мыза Кабиллен[d];
Кулан лун	8 (20) ода-кора 1891 (75 арӧс)
Куланін	Усадьба Райкюль[d], Rapla parish[d], Эстония;
Канму	Россияса империя[d];
Наука юкӧн	геология[d]
Велӧдчӧм	HU Berlin[d];
	Произведения в Викитеке
	Медиафайлы на РУВИКИ.Медиа

Кейзерлинг Александр Андреевич (немеч Alexander Friedrich Michael Lebrecht Nikolaus Arthur Graf von Keyserling; 1815-ӧд вося моз тӧлысь 27-ӧд лун, Курляндия губернялӧн Тальсен уездса Кабиллен — 1891-ӧд вося ода-кора тӧлысь 8-ӧд лун, Эстлянд губерняса Райкюль) — естествоиспытатель, общественнӧй удж вӧчысь, медводдза геолог, коді туялӧма Печӧра вож.

Олантуй

Чужӧма 1815-ӧд вося моз тӧлысь 27-ӧд лунӧ Курляндия губернялӧн Тальсен уездса Кабил вӧлӧсьт улӧ пырысь Кабилленын (ӧні — Латвия). Челядь дырйиыс да том дырйиыс олӧма бать-мамыслӧн имениеас. Бура кужӧма ворсны пианиноӧн. 1833-ӧд воын пырӧма велӧдчыны Берлин университетӧ, кӧні медводз велӧдӧма право, а сэсся естественнӧй наукаяс. Та кадӧ жӧ ёртасьӧма Отто Бисмарккӧд, коді сёрӧнджык лоӧма Германия империяса канцлерӧн.

1835-ӧд воын ветлӧма туясьны экспедицияӧн Карпат гӧраясӧ да йӧзӧдӧма зоологияысь удж.

Университет помалӧм бӧрын немеч кыв туялысь Вильгельм Гумбольдт вӧзйӧм серти Кейзерлинг мӧдӧдчӧма Петербургӧ да 1840-ӧд воын сійӧс ыстӧмаӧсь туявны Фин заливлысь Эстлянд берегсӧ. Роч географическӧй обществоӧ пырысь 1845 вося кӧч тӧлысь 19-од лунсянь^[2].

Кулӧма 1891-ӧд вося ода-кора тӧлысь 8-ӧд лунӧ Эстлянд губерняса Райкюль имениеын.

Коми муӧ волӧм

1840-ӧд воын натуралистӧн медводдзаысь волӧма экспедицияӧн Коми муӧ, кор вӧлі туялӧны Россиялысь мупытшса озырлунъяссӧ. Тайӧ туялӧмсьыд да воддза уджъяссьыс сылы сетӧмаӧсь Берлин университетса докторлысь ним.

1841-ӧд воын англияса геолог Р. Мурчисон да Э. Вернейлялӧн экспедицияын тӧдмалӧма Россияса европейскӧй юкӧнлысь геология тэчассӧ.

1843-ӧд воын П. И. Крузенштернкӧд ӧтвылысь веськӧдлӧмаӧсь экспедицияӧн да туялӧмаӧсь Печора вожлысь геологиясӧ да топографиясӧ. Коми муӧ медводдзаысь волігӧн налӧн маршрутыс вӧлӧма татшӧм: Визин, Сыктыв да Эжва юяс, Печора да сылӧн вожъяс — Ылыдз, Войвыв Мылва, Егра-Ляга да Изьва. Ветлӧма Урал из вылӧ (Сабля из), лэччӧма Печора ю горув, вуджӧма Тиман тундра да воӧдчӧма Бармин Носӧдз. Бӧрсӧ бергӧдчӧма тадзи: Печора, Изьва, Уква, Емва да Эжва юясті Усть-Сысольскӧдз. Туялысьяс лӧсьӧдӧмаӧсь Тиман кряжлысь геологическӧй мусерпас — тайӧ вӧлі Рочмуын медводдза геологическӧй мусерпасъяс лыдысь.

Геолог да палеонтолог А. А. Кейзерлинглӧн да военнӧй моряк капитан-лейтенант П. И. Крузенштернлӧн Печора ю кузя экспедицияыс нюжалӧма куим тӧлысь чӧж. Тайӧ ветлігас аддзӧмаӧсь Соплеск ю вылысь изшом, Емва да Пижма юяс бокысь — гипс. Медводдзаясӧн лӧсьӧдӧмаӧсь кряжлысь медводдза мусерпас, кодӧс Кейзерлинг шуӧма Тиманӧн. Та кындзи, Кейзерлинг вӧлӧма Уква ю вылын да медводдзаӧн юӧртӧма Укваса мусир петанін йылысь.

Ветлӧм бӧрас 1846-ӧд воын вӧлі йӧзӧдӧма Печора ковтыслӧн медводдза мусерпас, мыйӧн дыр кад чӧж сэсся вӧдитчисны туялысьяс. Экспедиция вӧлі котыртӧма сьӧм министерство да горнӧй инженеръяслӧн Корпус. Таӧдзыс воддза мусерпасъясыс Коми мунымӧс вӧлі серпасалӧны ылӧсас, эз лӧсявны географическӧй координатъяслы. Усть-Сысольск кындзи мукӧдыслы абу вӧлі индӧма широта да долгота. Кейзерлинг да Крузенштерн йӧзӧдісны 1846-ӧд воын «Научные наблюдения при поездке в Печорский край». Тайӧ уджсьыс налы вӧлі сетӧма Демидов премия.

Небӧгъяс

• Notiz uber Verbreitung der Geognostischen Formationen im europaeischen Russland // Bulletin de la Societe imperiale des naturalistes de Moscou. 1841. T. 14. № 4 (J. H. Blasius ӧтвылысь);
• Die Wirbelthiere Europas, F. Vieweg und Sohn. — Braunschweig, 1840. (Иоганн Генрих Блазиускӧд ӧтвылысь).
• Wissenschaftliche Beobachtungen auf einer Reise in das Petschoraland. — СПб, 1846. (рочӧн: Научные наблюдения при поездке в Печорский край)
• Fossile Mollusken. — St. Petersburg, 1848.
• Genus Adiantum L. Recensuit Alexander Keyserling… — St. Petersburg, 1875.

Ошканпасъяс

• Вежа Владимир 4-ӧд тшупӧда орден (1844)
• Вежа Анна 3-ӧд тшупӧда орден (1848)
• Вежа Станислав 2-ӧд тшупӧда орден (1857)
• Вежа Станислав 1 тшупӧда орден (1862)
• Вежа Анна 1 тшупӧда орден (1866)
• Вежа Владимир 2-ӧд тшупӧда орден (1887)
• Россияса наукаяс академиялӧн Демидов премия (1847)

Литература

• Шмидт Ф., Никитин С. Граф Александр Андреевич Кейзерлинг (Некролог) // Известия Геологического комитета. 1891. Т. 10.
• Райков Б. Е. А. А. Кейзерлинг, русский геолог-эволюционист // Бюллетень Московского об-ва испытателей природы. 1954. — Т. 59. (Отдел геологический. Т. 29. Вып. 1)
• Потолицын В., Фишман М. Кейзерлинг Александр Андреевич // Республика Коми. Энциклопедия: в 3-х т. — Сыктывкар, 1999. — Т. 2. — С. 71.
• Историческая хроника. Республика Коми с древнейших времен / И. Л. Жеребцов, М. В. Таскаев, М. Б. Рогачев, Б. Р. Колегов. — Сыктывкар: Коми кн. изд-во, 2002. — С. 50.
• Коми Республикаса Национальнӧй небӧгаин
• «Промышленное освоение Коми края» сайтын Кейзерлинга-Крузенштерн экспедиция йылысь

Пасйӧдъяс

↑ ¹ ² Bibliothèque nationale de France Autorités BnF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.
↑ Временный устав Русского географического общества. — СПб., 1845. — 20 с.

Ыстӧгъяс

Александр Андреевич Кейзерлинг

[_935360d4ad8a6913-1] ¹ ² Bibliothèque nationale de France Autorités BnF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.

[2] Временный устав Русского географического общества. — СПб., 1845. — 20 с.

[1]

[2]