Кибизов Александр Николаевич

Босьтӧма Рувикиысь
Александр Николаевич Кибизов
осетин Хъибизти Никъолайи фурт Аликсандр
Кибизов Александр Николаевич.jpg
Чужан лун 1912 вося йирым тӧлысь 27-ӧд лун
Чужанін  Дигора сикт (ӧні Дигора кар, Войвыв Осетия-Алания Республика), Россия империя
Кулан лун 2001 вося рака тӧлысь 29-ӧд лун
Куланін  Владикавказ кар, Войвыв Осетия-Алания Республика, Россия
Канму  СССР
Войска сикас артиллерия
Служитан вояс 1942—1945
Звание
Старший сержант
старшӧй сержант
Часьт 11-ӧд гвардейской танк корпусса
1454-ӧд самоходно-артиллерийскӧй полк
Тышъяс/вӧйнаяс Айму вӧсна Ыджыд тыш
Наградаяс да премияяс
Отставкаын «Узбекистан» санаторийлӧн овмӧсӧн веськӧдлысь (Кисловодск кар)

Кибизов Александр Николаевич (осетин Хъибизти Никъолайи фурт Аликсандр; 1912 вося йирым тӧлысь 27-ӧд лун, Дигора сикт (ӧні Дигора кар, Войвыв Осетия-Алания Республика), Россия империя — 2001 вося рака тӧлысь 29-ӧд лун, Владикавказ кар, Войвыв Осетия-Алания Республика, Россия) — Айму вӧсна Ыджыд тышын участвуйтысь, Комиысь Сӧветскӧй Союзса Герой, артиллерист-самоходчик, СУ-100 сӧветскӧй противотанковӧй самоходнӧй артиллерийскӧй установкаса командир[1].

Айму вӧсна Ыджыд тыш дырйи быдмис СУ-85 самоходнӧй да артиллерийскӧй установка зарадитыссянь СУ-100 командирӧдз. Торйӧн нин петкӧдліс асьсӧ 1945 вося косму тӧлысьын Зеёлов кар дорын тышъясын (Германия) медводдза гвардейскӧй танк армиялӧн 11-ӧд гвардейскӧй танк корпусса 1454-ӧд самоходнӧй артиллерийскӧй полкын. Вӧйна дырйи старшӧй сержант А. Н. Кибизовлӧн расчёт бырӧдіс 24 немецкӧй танк, сылы 15-ысь вӧлі сетӧма Верховнӧй Главнокомандующӧй И. В. Сталинсянь аттьӧалӧм.

Олантуй

[вежны | Вежны кодировкаын]

Чужис 1912 вося йирым тӧлысь 27-ӧд лунӧ Христиановскӧй сиктын (ӧні Войвыв Осетия-Алания Республикаса Дигора кар) кресьтянин семьяын. Осетин. Абу тыр шӧр школа помалӧм бӧрын (ӧні Сӧветскӧй Союзса Геройяс Сергей Бицаев да Александр Кибизов нима Дигорса 1 №-а шӧр школа[2]) уджаліс Ашхабадын «Союзсера» котырлӧн экспедиторӧн да Коми АССР-ын (ӧні Коми Республика)[3].

Айму вӧсна Ыджыд тыш дырйи[вежны | Вежны кодировкаын]

Айму вӧсна Ыджыд тыш заводитчӧм бӧрын, 1942 вося моз тӧлысьын, Коми АССР-са Кожваса райвоенкомат босьтіс сійӧс Гӧрд Армияӧ[4] да мӧдӧдіс фронт вылӧ Москва дорса пехотнӧй часьтӧ. Рытыввыв фронт вылын ранитчис, да сійӧс мӧдӧдісны госпитальӧ[3].

Бурдӧдчӧм бӧрын 1943 вося косму тӧлысьын бӧр муніс фронт вылӧ. СУ-85 самоходнӧй артиллерийскӧй установкаса орудие зарадитысьӧн Кибизов воюйтіс Центральнӧй фронтлӧн 6-ӧд танк корпусса 1454-ӧд самоходнӧй артиллерийскӧй полкын[3][5]. Участвуйтіс Курскӧй битваын. Правительственнӧй награда дорӧ красноармееч А. Н. Кибизовлӧн представлениеысь: «Красноармееч А. Н. Кибизов — 3-ӧд батареяса замковӧй, экипажкӧд ӧтвылысь, петкӧдліс асьсӧ повтӧм, кутчысьысь воинӧн. Сора тӧлысь 17-од лунӧ Малоархангельск дорын тыш дырйи Кибизов бырӧдіс кык немецкӧй танк да кык противотанкӧвӧй орудие»[6]. Курскӧй битваын мужествоысь да повтӧмлунысь А. Н. Кибизовӧс наградитӧма Айму вӧсна Ыджыд тышса II тшупӧда орденӧн[3].

1943 вося вӧльгым тӧлысь 4-ӧд лунӧ медводдза Украинскӧй фронтлӧн 9-ӧд механизируйтӧм корпусса 1454-ӧд полк нуӧдіс тыш Киев дорын Пуща-Водица районын. Тайӧ тышас торйӧн петкӧдліс асьсӧ лейтенант П. И. Фомичевлӧн взводыс, кытчӧ пырис красноармеец А. Н. Кибизовлӧн самоходнӧй артиллерийскӧй установкаыс[3]. Бӧрыньтчысь немецкӧй войскаӧс бырӧдӧм кузя боевӧй задание босьтӧм бӧрын взвод бура справитчис сійӧн — артиллеристъяс ыджыд ӧдӧн суӧдісны вӧрса туй вылысь противниклысь автомобиль колонна да жугӧдісны сійӧс. Таысь воли сетӧма Айму вӧсна Ыджыд тышса I тшупӧда орден[5].

1944 воын СУ-85 орудиеса командир чинын сержант А. Н. Кибизов участвуйтіс Бердичев, Проскуров, Яворов, Перемышль каръяс мездӧм вӧсна тышъясын, Рытыввыв Буг да Висла юяс форсируйтӧмын[3]. 1944 вося сора тӧлысь 19-ӧд лунӧ Рытыввыв Буг юлӧн шуйга берегын плацдарм паськӧдігӧн Мадзярка грезд дорын бырӧдіс «Пантера» немецкӧй танк, мыйысь сійӧс наградитісны Гӧрд Кодзув орденӧн[7].

1945 вося рака тӧлысьын А. Н. Кибизов участвуйтіс Восточно-Померанскӧй наступайтана операцияын, сы лыдын Нёренберг, Лобез, Кольберг, Путциг да Гдыня каръяс босьтӧмын[3].

1945 вося косму тӧлысь 16-17 лунъясӧ Зеёлов кардорса тышъясын (Германия) медводдза гвардейскӧй танк армиялӧн 11-ӧд гвардейскӧй танк корпусса 1454-ӧд самоходнӧй танк полкса СУ-100 самоходнӧй да артиллерийскӧй установкаса командир чинын старшӧй сержант А. Н. Кибизов вӧліс полкса передӧвӧй отрядын. А. Н. Кибизовлӧн экипажыс бырӧдіс 5 танк, 1 дот, 3 противотанкӧвӧй орудие да прӧтивниклысь 60 салдат, а сідзжӧ пӧдтіс бисӧ 6 сьӧкыд пулемётлысь. 1945 вося косму тӧлысь 22-ӧд лунӧ А. Н. Кибизовлӧн САУ медводдзаяс лыдын пырис Берлинӧ. Карлсхорст оланінсянь войвылынджык тышъясын сійӧ аслас биӧн отсаліс вуджны стрелкӧвӧй подразделениеяслы Шпрее ю вомӧн[3]. Штурм дырйи А. Н. Кибизов ёна ранитчис и лоис инвалидӧн[8].

СССР-са Медвылыс Сӧвет Президиумлӧн 1945 во ода-кора тӧлысь 31-ӧд лунся Индӧдӧн старшӧй сержант А. Н. Кибизовлы сетӧма Сӧветскӧй Союзса Геройлысь ним Ленин орден да «Зарни Кодзув» медаль (6717 №) сетӧмӧн[3].

Куим во чӧжӧн А. Н. Кибизовлӧн расчёт бырӧдіс 24 немецкӧй танк, 62 автомашина да бронетранспортёр, 28 артиллерийскӧй орудие да миномёт, уна дас блиндаж да противниклысь дзотъяс, 37 пулемёт, а сідзжӧ нёльсё сайӧ салдатӧс да офицерӧс[3].

Вӧйна бӧрын[вежны | Вежны кодировкаын]

Вӧйна бӧрын А. Н. Кибизов оліс Кисловодскын, уджаліс «Узбекистан» санаторийлӧн овмӧсӧн веськӧдлысьӧн. Пырис КПСС-ӧ 1945 восянь. 1980 воын петіс пенсия вылӧ. 1985 воын семьяыскӧд вуджисны овны Владикавказӧ (Войвыв Осетия-Алания)[3].

Куліс 2001 вося рака тӧлысь 29-ӧд лунӧ Владикавказын[3].

Наградаяс

[вежны | Вежны кодировкаын]

Сӧветскӧй канму наградаяс да нимъяс[3]:
• Сӧветскӧй Союзса Герой (1945.05.31[9]; «Зарни Кодзув» медаль 6717 №),
• Ленин орден (1945.05.31[9]),
• Гӧрд Дӧрапас орден (1943[9]),
• кык Айму вӧсна Ыджыд тышса I тшупӧда орден (1943.11.18[5], 1985.04.06[10]),
• Айму вӧсна Ыджыд тышса II тшупӧда орден (1943.08.23[11]),
• Гӧрд Кодзув орден (1944.08.11[7]),
• а сідзжӧ 17 медаль.

Сылы 15-ысь вӧлі сетӧма Верховнӧй Главнокомандующӧй И. В. Сталинсянь аттьӧалӧм. Вӧйна бӧрын сылы сетісны уна сикас Почёт грамота меставывса власьт органъяс и ДОСААФ[3].

Паметь

[вежны | Вежны кодировкаын]

• Дигор карын ӧти уличкостлы сетӧма А. Н. Кибизовлысь ним, а Дигорса 1 №-а шӧр школалы сетӧма кык помалысьлысь ним — Сӧветскӧй Союзса Геройяс Сергей Бицаевлысь да Александр Кибизовлысь[2].
• 2015 вося косму тӧлысьын Владикавказ карын Александр Кибизовлысь нимсӧ сетӧма 4 №-а гимназиялы. 2017 вося ода-кора тӧлысь 4-ӧд лунӧ сэні кыпыда сувтӧдісны геройлысь бюстсӧ[12].

Пасйӧдъяс

[вежны | Вежны кодировкаын]
  1. ↑ Книга памяти Республики Коми. Кибизов Александр Николаевич
  2. ↑ 1 2 Вероника Пахомова. Четыре берёзы отважному экипажу. Пульс Осетии, № 19 (ода-кора тӧлысь 2014). Шыӧдчан кадпас: 9 урасьӧм тӧлысь 2015. Архивируйтӧма 9 урасьӧм тӧлысь 2015.
  3. ↑ 1 2 3 4 5 6 7 8 9 10 11 12 13 14 Примаченко В. В. Кибизов Александр Николаевич. Сайт «Герои страны».
  4. ↑ Репортаж 20. Наш Герой – старший сержант артиллерии Кибизов Александр Николаевич.
  5. ↑ 1 2 3 Наградной лист с представлением к ордену Отечественной войны I степени в электронном банке документов «Подвиг народа» (архивные материалы Центральный архив Министерства обороны Российской Федерации. Ф. 33. Оп. 686044. Д. 4607. Л. 260).
  6. ↑ Северная Осетия в Великой Отечественной войне 1941— 1945 гг. / Под редакцией А. Д. Колесник. — Владикавказ: Северо-Осетинский институт гуманитарных исследований, 1992. — С. 114. — 319 с. Архивировано 9 урасьӧм тӧлысь 2015 года. Архивированная копия. Шыӧдчан кадпас: 9 урасьӧм тӧлысь 2015. Архивируйтӧма оригинала 9 урасьӧм тӧлысь 2015 года.
  7. ↑ 1 2 Наградной лист с представлением к ордену Красной Звезды в электронном банке документов «Подвиг народа» (архивные материалы Центральный архив Министерства обороны Российской Федерации. Ф. 33. Оп. 690306. Д. 268. Л. 25).
  8. ↑ Ульяна Джиоева. Последний бой - он трудный самый. Южная Осетия (8 ода-кора тӧлысь 2010). Шыӧдчан кадпас: 9 урасьӧм тӧлысь 2015. Архивируйтӧма оригинала 9 урасьӧм тӧлысь 2015 года.
  9. ↑ 1 2 3 Наградной лист с представлением к званию Героя Советского Союза в электронном банке документов «Подвиг народа» (архивные материалы Центральный архив Министерства обороны Российской Федерации. Ф. 33. Оп. 793756. Д. 21. Л. 46).
  10. ↑ Наградной лист в электронном банке документов «Подвиг народа».
  11. ↑ Наградной лист с представлением к ордену Отечественной войны II степени в электронном банке документов «Подвиг народа» (архивные материалы Центральный архив Министерства обороны Российской Федерации. Ф. 33. Оп. 686044. Д. 338. Л. 242).
  12. ↑ Во Владикавказе установили бюст Герою Советского Союза Александру Кибизову, Официальный сайт Муниципального образования г. Владикавказ (05.05.2017). Архивируйтӧма 8 ода-кора тӧлысь 2017 вося. Шыӧдчан кадпас: 6 ода-кора тӧлысь 2017.

Литература

[вежны | Вежны кодировкаын]

• Кибизов Александр Николаевич // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Кибизов Александр Николаевич // Книга памяти Республики Коми. — Сыктывкар, 2006. — Т. 12. — С. 19. — 250 с.
• Муриев Д. 3. Осетии отважные сыны. 2-е изд., испр. и доп. Орджоникидзе, 1974. — C. 178—184.
• Ими гордится Туркменистан. Ашхабад, 1973. — C. 89-90.
• Их имена никогда не забудутся. Ставрополь, 1968, кн.1. — C. 127—188.
• Гетман А. Л. Танки идут на Берлин. — М.: Наука, 1973. — 392 с. — (Вторая мировая война в исследованиях, воспоминаниях, документах). — 30 000 экз.

Босьтӧма "https://kv.ruwiki.ru/w/index.php?title=Кибизов_Александр_Николаевич&oldid=272627"-ысь