Кривощёкова-Гантман Антонида Семёновна
| Кривощёкова-Гантман Антонида Семёновна | |
|---|---|
 | |
| Чужан лун | 1921-ӧд вося моз тӧлысь 17-ӧд лун |
| Чужанін | |
| Кулан лун | 1995-ӧд вося ода-кора тӧлысь 31-ӧд лун (73 арӧс) |
| Страна | |
| Мыйся уджыс | краевед, диалектолог |
Кривощёкова-Гантман Антонида Семёновна (1921 вося моз тӧлысь 17-ӧд лун, Перым губерняса Соликамск уездысь Юсьва вӧлӧсьтувса Вижелово — 1995 вося ода-кора тӧлысь 31-ӧд лун, Перым) — перым коми кыв туялысь.
Олантуй
Антонида Кривощёкова чужӧма 1921-ӧд вося моз тӧлысь 17-ӧд лунӧ Перым губерняса Соликамск уездысь Юсьва вӧлӧсьтувса Вижелово грездын (ӧні — Перым Коми кытшса Юсьва районын).
1935 воö помалiс Архангельскöй сизим класса школа, 1938 воö — Кудымкарса педагогика училище. Педучилище помалöм бöрын уджалiс Кудымкарса 1 №-а челядь садйын воспитательöн.
1930 воö пырис велӧдчыны А. А. Жданов нима Ленинградса канму университетö асыввыв факультетлöн финно-угорскöй отделение вылö. Велöдчöмсӧ падмӧдіс Айму вӧсна Ыджыд тыш. 1941—1942 воясö уджалiс медицинскӧй сестраöн блокаднöй Ленинградын.
1942 воö бӧр воис Перым Коми кытшӧ, заводитіс велöдны история Кудымкарса 2 №-а шӧр школаын. Война бöрын, 1945 воö, мунiс велöдчыны Ленинградö.
1947—1950 воясын велӧдчис аспирантураын. 1962 воӧ дорйис филология кандидат диссертация (рочӧн «Словарный состав и словоизменение иньвенского диалекта коми-пермяцкого языка»). Тайӧ вöлi медводдза диссертация перым коми кыв материал вылын.
Аспирантура помалöм бöрын А. С. Гантман бӧр воис Перым Коми кытшӧ, пондіс уджавны методистöн бӧр воис Перым Коми кытшса велöдысьяслысь удж бурмöдан институтын. Сы бöрын заведуйтiс роч да перым коми кывъяс кафедраöн. 1952 воö вуджис уджавны Кудымкарса велӧдысьяслӧн институтö, кӧні уджалiс 1955 воöдз. Тайӧ кадӧ лöсьöдiс велӧдчан планъяс да программаяс, велӧдан небöгъяс, методическöй пособиеяс.
1955 восянь оліс Перымын. Уджаліс Перымса педагогика институтын старшöй преподавательöн, роч кыв кафедра вылын доцентöн. Антонина Семёновна пуктіс подув перым коми-роч отделениелы.
Кулӧма 1995-ӧд вося ода-кора тӧлысь 31-ӧд лунӧ.
Туялан удж
Туяліс ономастика, уджаліс кывчукӧръяс да велӧдчан небӧгъяс лэдзӧмын. А. С. Кривощёкова-Гантманлӧн медшӧр уджъяс: «Коми-пермяцкий язык» (1961), «Коми-пермяцко-русский словарь» (ӧтлаын Р. М. Баталовакӧд, 1985), «Географические названия Верхнего Прикамья» (1983) и с. в.
Туялан небӧгъяс
• Кривощёкова-Гантман А. С. Коми-пермяцкий язык. Пермь, 1961.
• Кривощёкова-Гантман А. С. Откуда эти названия? Пермь, 1973.
• Баталова Р. М., Кривощёкова-Гантман А. С. Коми-пермяцко-русский словарь. М., 1985.
• Кривощёкова-Гантман А. С. Географические названия Верхнего Прикамья. Пермь, 1983.
• Баталова Р. М., Кривощёкова-Гантман А. С. Коми-пермяцко-русский орфографический словарь. Кудымкар, 1992.
• Кривощёкова-Гантман А. С. Собрание сочинений в 2 тт. Пермь, 2006.
Литература
• «Пермский край: энциклопедия» сайтын А. С. Кривощёкова-Гантман йылысь