Куръядор (восьсаин)
| «Куръядор» восьсаин | |
|---|---|
 | |
| МСОП категория — III (Вӧр-ва паметник) | |
| Медшӧр юӧр | |
| Шӧркодь вылна | 16 м |
| Лӧсьӧдӧма | 1989 вося кӧч тӧлысь 26-ӧд лун |
| Веськӧдлысь организация | Коми Республикаса вӧр-ва озырлун да гӧгӧртас видзан министерство |
| Ин | |
| 61°44′ с. ш. 54°55′ в. д.GЯO | |
| Страна | |
| РФ-са субъект | Республика Коми |
| Район | Кулӧмдін район |
«Куръядор» восьсаин (рочӧн Обнажение «Курьядор») — республикаса тӧдчанлуна геология паметник. Коми Республика мутасын лёссъяслӧн дзик ӧти вундӧс.
Гӧгӧрвоӧдӧм
Тайӧ матӧ 16 метра судта да 200 метра кузьтаа крут кыр. Сылӧн арлыдыс 70 000 воысь унджык[1]. Вӧр-ва паметниксӧ артмӧдӧма сы могысь, медым видзны шӧр да сёр валдайскӧй кадся пуктӧгъяслысь опорнӧй тыдовтчанінсӧ[2].
Коми наука шӧринын уджалысь Д. А. Дурягиналӧн вӧзйӧм серти 1989 воын вынсьӧдӧма Коми АССР-са Министръяс Сӧветлӧн 193 №-а Шуӧмӧн кыдзи вӧр-ва геология паметник (1993 воын выльысь вынсьӧдӧма)[1].
Видзӧдны позьӧ. Сэтчӧдз позьӧ воӧдчыны машинаӧн Сыктывкар — Кулӧмдін — Немдін — Мылдін туй кузя. Немдін сиктсянь 5 км ылнаын колӧ кежны му туй вылӧ (асыввылӧ) Эжва ю берегӧдз 1,5 км.
Ин
Куръядор меститчӧма Коми Республикалӧн асыв-лунвылын Кулӧмдін районын, Эжва юлӧн веськыд берегын, Куръядор грездсянь неылын.
Тӧдчанлун
Куръядор сетӧ позянлун подробнӧя тӧдмавны гӧгӧрвотӧм артманнога лёссъяслысь петанногсӧ. Медводдзаясӧн сійӧс туялісны Коми наука шӧринса Геология институтын уджалысьяс Б. И. Гуслицер, Л. Н. Андреичева, Д. А. Дурягина да В. А. Кочев 1979—1983 воясын[1].
Торйӧн ёна видзан вӧр-ва мутас[3]. Куръядорсӧ шуӧны Кулӧмдін районса да Коми Республикаса 7 дивӧ пиысь ӧтиӧн[4].
Пасйӧдъяс
- ↑ 1 2 3 Памятник природы «Обнажение Курьядор». ГБУ РК «Центр по ООПТ». Шыӧдчан кадпас: 7 ода-кора тӧлысь 2025.
- ↑ Природные достопримечательности и ООПТ. Управление культуры и национальной политики администрации муниципального района "Усть-Куломский". Шыӧдчан кадпас: 7 ода-кора тӧлысь 2025.
- ↑ Распопов П. Перечень памятников природы и заказников Республики Коми. Шыӧдчан кадпас: 7 ода-кора тӧлысь 2025.
- ↑ Семь чудес Коми. Шыӧдчан кадпас: 7 ода-кора тӧлысь 2025.