Леготин Владимир Энгельсович
| Леготин Владимир Энгельсович | |
|---|---|
 | |
| Чужан лун | 1970-ӧд вося косму тӧлысь 25-ӧд лун (56 арӧс) |
| Чужанін | |
| Страна | |
| Мыйся уджыс | лызьӧн котралысь |
Леготин Владимир Энгельсович (1970-ӧд вося косму тӧлысь 25-ӧд лун, Сыктывкар, Коми Автономнӧй Сӧветскӧй Социалистическӧй Республика) — лыжиӧн котралысь, спортын ставмирса мастер. СССР-са сборнӧйын 1988-ӧд восянь. Россияса чемпион да Россияса Кубок шедӧдысь.
Олантуй
Владимир Леготин чужӧма 1970-ӧд вося косму тӧлысь 25-ӧд лунӧ Сыктывкарын. Помалӧма Сыктывкарса 16-ӧд номера шӧр школаын 8 класс, 34-ӧд номера ГПТУ, сэсся Сыктывкарса канму университетысь физическӧй культура да спорт юкӧн[1].
Лызьӧн котралӧн
Лыжиӧн котравны босьтчӧма 10 арӧссянь, Олимпийскӧй резерва спорт школаын тренерӧн вӧлӧма Александр Павлович Кузнецов.
6-ӧд классын велӧдчигӧн лоӧма медводдзаӧн, а эстафетаын мӧдӧн Москваын ордйысигӧн.
1986-ӧд воын вермӧма 5 километра котӧртігӧн том йӧз пӧвстын РСФСР-са чемпионатын да вӧлі пыртӧма РСФСР-са командаӧ. 1988-ӧд воын шедӧдӧма медводдза места 10 км котӧртігӧн том йӧзлӧн II-ӧд ворсӧмъяс дырйи Свердловскын да пырӧма том йӧзлӧн СССР-са сборнӧйӧ.
Леготин шедӧдлӧма мӧд места ставмирса чемпионатын 1990-ӧд воын 4х10 км эстафетаын, медводдза места ставмирса Кубокын 1997-ӧд воын эстафетаын. Пырӧдчылӧма Ставмирса чемпионатъясӧ 1993 да 1995-ӧд воясӧ.
1994-ӧд воын СНГ-са команда лыдын ветлӧма Тӧвся Олимпиада ворсӧмъяс вылӧ Лиллехамерӧ (Норвегия). Гундерсон система серти котӧртігӧн 10 км вылын лоӧма 18-ӧн, 15 км вылын — 17-ӧн.
1998-ӧд воын Россияса сборнӧй команда лыдын пырӧдчӧма Тӧвся Олимпиада ворсӧмъясӧ Нагано карын (Япония). 30 км вылын вӧлӧма медбурӧн Россияса лыжникъяс пӧвстын да шедӧдӧма 9-ӧд места; 4 х 10 км эстафетаын — 5 места[2].
Владимир Леготин — лыжиӧн котралӧмын спортын войтыркостса мастер.
2006 воын помаліс профессиональнӧй карьерасӧ.
Общественнӧй удж
Сыктывкарын быд во котыртӧ «Альпийские гонки» ордйысьӧмъяс, найӧ тупкӧны республикаса юркарын лыжиӧн котралан сезон.
Пасйӧдъяс
- ↑ 25 апреля 1970 года родился уроженец г. Сыктывкара известный лыжник Владимир Леготин (рус.). НБРК. Шыӧдчан кадпас: 11 вӧльгым тӧлысь 2025.
- ↑ Леготин Владимир Энгельсович (рус.). prosport11. Шыӧдчан кадпас: 11 вӧльгым тӧлысь 2025.