Логинова Лидия Петровна
| Логинова Лидия Петровна | |
|---|---|
| Лидия Петровна Логинова | |
 | |
| Чужан лун | 1954-ӧд вося вӧльгым тӧлысь 13-ӧд лун (71 ар) |
| Чужанін | |
| Страна | |
| Мыйся уджыс | сьылысь |
| Ошканпасъяс да премияяс |
 |
Логинова Лидия Петровна (1954-ӧд вося вӧльгым тӧлысь 13-ӧд лун, Висер, Коми АССР) — коми сьылысь, «Зильган турун» ансамбльлӧн художественнӧй веськӧдлысь да сьылысь, Коми Республикаса нимйӧза артист (1994), Россияса культураын нимӧдана уджалысь (2010).
Олантуй
Лидия Логинова чужис 1954 вося вӧльгым тӧлысь 13-ӧд лунӧ Кӧрткерӧс районса Висер сиктын[1].
• 1973 — помаліс 2 №-а Сыктывкарса педагогическӧй училище.
• 1973—1988 — челядь садикъясын кага видзысь[2].
• 1982 — «Эжваса дзоридзьяс» йӧзкостса хорын сьылысь (Кулӧмдін сикт).
• 1988—1992 — Сыктывкарса телестудияын режиссёрлӧн отсасьысь.
• 1992—1995 — Коми фольклор театрын сьылысь. 1992 воын пырӧдчис «Сыктывкарса тулыс» конкурсӧ, а 1993, 1994 да 1997 воясын ветліс Фольклор театркӧд Суомиö гастрольӧн[3], 1996 воын — Венгрияӧ[1],
• 1995—1999 — Коми республикаса филармониялӧн «Зарни ёль» ансамбльын сьылысь.
• 2000 — Коми республикаса финн-йӧгра шӧринын «Зильган турун» ансамбльлӧн художественнӧй веськӧдлысь да сьылысь.
Торъя сьылан уджтасъяс
• «Ой, олӧм-олӧм»;
• «Медбур кад»;
• «Коми ань».
2025 вося тӧвшӧр тӧлысь 24-ӧд лунӧ Коми Республикаса опера да балет театрын вӧлі Лидия Логиновалӧн «Эзысь войӧ чужис сьылан» юбилейнӧй концерт[4].
Сьыланкыв чукӧръяс
• 1993 — «Апрелевка-Саунд» фирма лэдзис «Тувсов муӧй менам шондібан» пластинка;
• 1994, 1997 — петісны сьыланкывъяса аудиокассетаяс;
• «Арыс зэв нин кӧдзыд лола» (1999);
• «Воскресное утро» (2003).
Гижан удж
Лидия Логинова — талантливӧй гижысь зэв бур серамбанӧн. Сійӧ гижӧ коми кыв вылын висьтъяс, кывбуръяс, сьыланкывъяс, притчаяс да пьесаяс. 2023 воын Вермӧм лун пасйигкежлӧ сылӧн сценарий серти Коми Республикаса вужвойтырлӧн шылада-драмаа театр пуктіс «Тэ да ме, да ми…» спектакль.
Челядьлы Лидия Логинова гижӧ кывбуръяс да висьтъяс. Сідз, кывбур-серпасъяс позьӧ лыддьыны «Серпасалӧм коми-роч экологическӧй кывкудысь».
Общественнӧй удж
Уна во чӧж пырӧдчис «Коми войтыр» ӧтмуномлӧн уджӧ.
Наградаяс
• Коми Республикаса нимйӧза артистка (1994);
• «Айму водзын бур уджысь» орденлӧн II тшупӧда медаль (2005);
• Россияса культураын нимӧдана уджалысь (2010);
• «Человек года» I республикаса конкурсын «Признание» премия босьтысь «Войтырсикас культура сӧвмӧдӧмысь» нимпасын (1998).
Видзӧдӧй тшӧтш
Пасйӧдъяс
- ↑ 1 2 Кучер Л. Логинова Лидия Петровна // Республика Коми. Энциклопедия. Том II. — Сыктывкар: Коми книжное издательство, 1999. — С. 226.
- ↑ 13 ноября 1954 года – день рождения Лидии Петровны Логиновой (рус.). НБРК. Шыӧдчан кадпас: 29 йирым тӧлысь 2025.
- ↑ Логинова Лидия Петровна (рус.). Комиинформ. Шыӧдчан кадпас: 29 йирым тӧлысь 2025.
- ↑ Концерт Лидии Логиновой (рус.). Театр оперы и балета РК. Шыӧдчан кадпас: 30 йирым тӧлысь 2025.