Ерофеева Любовь Андреевна

Ерофеева Любовь Андреевна
Ерофеева Любовь Андреевна
Чужан лун	1987-ӧд вося тӧвшӧр тӧлысь 23-ӧд лун (39 арӧс)
Чужанін	Мокчой, Изьва район, Коми АССР, РСФСР, Сӧветскӧй Социалистическӧй Республикаяслӧн Союз;
Страна	Сӧветскӧй Социалистическӧй Республикаяслӧн Союз; Россия;
Мыйся уджыс	гижысь

Ерофеева Любовь Андреевна (1987-ӧд вося тӧвшӧр тӧлысь 23-ӧд лун, Мокчой, Коми АССР) — коми гижысь. Нывдырся овыс — Ануфриева.

Олантуй

Чужӧма 1987-ӧд вося тӧвшӧр тӧлысь 23-ӧд лунӧ Изьва районса Мокчой сикт улӧ пырысь Гам грездын. 2005—2010-ӧд воясӧ велӧдчӧма Сыктывкарса канму университетысь филология факультетса коми юкӧнын.

2010-2012 воясӧ уджаліс «Войвыв кодзув» журнал редакцияын. 2012-2014 воясӧ уджаліс Сыктывкарса 18 №-а школаын роч кыв да литература велӧдысьӧн. 2014-2021 воясӧ уджаліс И.А. Куратовлӧн литературнӧй музейын научнӧй сотрудникӧн. Ӧні уджалӧ Коми Республикаса гижысь котырын литературнӧй консультантӧн^[1].

Гижан удж

Любовь Ануфриева гижӧ кывбуръяс. Гижӧдъяссӧ йӧзӧдлӧма «Войвыв кодзув» да «Арт» журналъясын. 2008-ӧд воын Таллиннын сылӧн петӧма медводдза небӧг — «Linnud ei tauni» (Лэбачьяс оз дивитны) коми, роч, эст да англия кывъяс вылын. Сэксянь сылӧн лоӧма сайним — Баяр Люба. 2011-ӧд воын йӧзӧдӧма «Мукӧд енкӧлаын» небӧг. Йӧзӧдчылӧ Любовь Ануфриева ним улын.

Аграпинна Лупинна гусяним улын йӧзӧдлӧма «Дедко» мойд да «Ниа-паяния» пьеса (2017).

2016-ӧд восянь пырӧ Россияса гижысь котырӧ^[2].

Шедӧдлӧма некымын литературнӧй премия: «Эзысь борд» республикаса литературнӧй конкурсын «Поэзия» нимпасын (2007), Александр Лужиков нима (2015), М.А. Кастрен котырлӧн (Финляндия) «Дас витӧд из» небӧгысь (2015), «Север» литературнӧй журналлӧн (Карелия) «Северная звезда» конкурсын «Проза» нимпасын (2017).

Небӧгъяс

• Linnud ei tauni. — Таллинн, 2008. — 63 л.б. (коми, роч, эст да англия кывъяс вылын) (Лэбачьяс оз дивитны)
• Мукӧд енкӧлаын. — Сыктывкар, 2011. — 32 л.б.
• Дас витӧд из. Кывбуръяс / Ред. Е.Е. Афанасьева, Серпасаліс Ю. Н. Лисовский. — Сыктывкар: Коми Республикаса гижысь котыр, 2012. — 32 л.б. («Шондіа енкӧла» чукӧр / Лӧсьӧдіс А. Г. Елфимова)
• Ануфриева Л.А. Еджыд бобула турӧб. Вьюга белых бабочек / Пер. А. Расторгуева; Серп. М.А. Живило. — Сыктывкар: Коми Республикаса гижысь котыр, 2021. — 160 л.б.
• Ануфриева Л.А. Бабушка Лампа и Шурш. Лампа пӧч да Шурш: Сказка для детей. — Сыктывкар: АУ РК «Редакция журнала «Радуга», 2023. — 32 с.

Наградаяс

• «Эзысь борд» республикаса литературнӧй конкурсын «Поэзия» нимпасын лауреат (2007);
• Александр Лужиков нима литературнӧй премияа лауреат (2015);
• М. А. Кастрен котырлӧн литературнӧй премияа лауреат (Финляндия) (2015);
• «Север» общественно-политическӧй да литературно-художественнӧй журналлӧн «Войвыв кодзув» литературнӧй конкурсын «Проза» нимпасын лауреат (2017);
• Коми Республикаса нимйӧза поэт Альберт Ванеев нима литературнӧй премияа лауреат (2022);
• «Миян поколение» (Мордовия) литературнӧй конкурсын «Поэзия» нимпасын лауреат (2022).

Пасйӧдъяс

↑ Ануфриева (Ерофеева) Любовь Андреевна (рус.). Союз писателей Коми. Шыӧдчан кадпас: 21 йирым тӧлысь 2025.
↑ Союз писателей России пополнился еще двумя авторами из Коми // «Комиинформ» (2016.11.03 лун; рочӧн)

Литература

• «Коми тӧданін» сайтын Л.А. Ануфриева гижӧдъяс
• «Коми гижысь котыр» сайтын Ануфриева (Ерофеева) Л.А. йылысь

[1] Ануфриева (Ерофеева) Любовь Андреевна (рус.). Союз писателей Коми. Шыӧдчан кадпас: 21 йирым тӧлысь 2025.

[2] Союз писателей России пополнился еще двумя авторами из Коми // «Комиинформ» (2016.11.03 лун; рочӧн)

[1]

[2]