Макаренко Александр Петрович
| Макаренко Александр Петрович | |
|---|---|
 | |
|
| |
| 2025 вося кӧч тӧлысь 29-ӧд лун | |
| Президент | Владимир Путин |
| Губернатор | Ростислав Гольдштейн |
| Водзвывса уджалысь | Сергей Усачёв |
| 2020 вося кӧч тӧлысь 24-ӧд лун — 2025 вося кӧч тӧлысь 28-ӧд лун | |
| Президент | Владимир Путин |
| Губернатор | Владимир Уйба |
|
|
|
| Чужис |
1957-ӧд вося рака тӧлысь 11-ӧд лун (69 арӧс) |
| Ютыр | Единая Россия |
| Велӧдчӧм | |
| Наградаяс |
 |
Макаренко Александр Петрович (1957-ӧд вося рака тӧлысь 11-ӧд лун, Майскӧй[d], Тюмень обласьт) — россияса канморт, Коми Республикаса Каналан Сӧветӧн VIII созывын веськӧдлысь[1].
Олантуй
Чужис 1957 вося рака тӧлысь 11-ӧд лунӧ Тюмень обласьтса Сургут районса Майскӧй посёлокын[1].
2005 воын помаліс Ӧнія гуманитарнӧй академия «Менеджмент» специальносьт серти[1].
Удж
1974—1976 воясын уджаліс Укваса машино-мелиоративнӧй станцияын слесарӧн да шоперӧн.
1976—1978 воясын служитіс армияын.
1978—1979 воясын уджаліс «Коминефть» котырлӧн Укваса технологическӧй транспортӧн веськӧдланінын шоперӧн да слесарӧн.
1979—1989 вояс — пытшкӧсса делӧяс органъясын служба[2].
1989—1991 вояс — «Четлас» кооперативса директорӧс вежысь (Уква кар).
1991—1993 вояс — пытшкӧсса делӧяс органъясын служба.
1993—2003 вояс — асшӧра уджалысь.
2003—2005 вояс — «Финком» ичӧт кывкутана котырса директор (Уква кар).
2006—2007 вояс — пыр уджсикас подув вылын III созывса Коми Республикаса Каналан Сӧветын депутат.
2007—2011 вояс — Уква кар кытшса муниципальнӧй юкӧнса юралысь — Сӧветӧн веськӧдлысь.
2011—2014 вояс — V созывса Коми Республикаса Каналан Сӧветын вӧр-ва озырлун, вӧр-ваӧн вӧдитчӧм да экология комитетӧн веськӧдлысь.
2014—2015 вояс — Коми Республикаса Каналан Сӧветын веськӧдлысьӧс вежысь.
2015—2020 вояс — VI созывса Коми Республикаса Каналан Сӧветын веськӧдлысьӧс медводдза вежысь.
2020—2025 вояс — VII созывса Коми Республикаса Каналан Сӧветын веськӧдлысьӧс медводдза вежысь.
2025 вося кӧч тӧлысь 29-ӧд лунӧ бӧрйисны Коми Республикаса Каналан Сӧветса веськӧдлысьӧн[3].
Бӧрйӧм органъяслӧн уджын участвуйтӧм
• 1999—2003 вояс — Уква кар Сӧветса депутат;
• 2003—2007 вояс — Коми Республикалӧн III созывса Государственнӧй Сӧветса депутат;
• 2007—2011 вояс — «Уква» кар кытшса муниципальнӧй юкӧнлӧн Сӧветса депутат, «Уква» кар кытшса юралысь — Сӧветса веськӧдлысь;
• V, VI, VII созывса Коми Республикаса Каналан Сӧветса депутат.
Общественнӧй удж
Вӧлі «Коми муниципальнӧй юкӧнъяслӧн сӧвет» ассоциацияӧн веськӧдлысьӧн, республикаса терроризмлы паныд удж нуӧдысь комиссияӧ пырысьӧн, веськӧдліс Укваса общественнӧй котыръяслӧн сӧветӧн да карса лызьӧн котралан спорт федерациялӧн координационнӧй сӧветӧн[4].
Лоӧ «Единая Россия» ютырлӧн Коми дінму юкӧнса секретарӧс вежысьӧн, Коми Республикаса политсӧвет президиумӧ пырысьӧн[5].
Наградаяс
• Коми Республикаса Каналан Сӧветлӧн Почёт грамота (2007);
• «Коми Республика водзын заслугаясысь» отличие пас (2007);
• Коми Республикаса Почёт грамота (2008);
• «Коми Республикаса нимӧдана уджалысь» Почёт ним (2012);
• Россияса Рытыв-Войвыв парламентскӧй ассоциациялӧн Почёт грамота (2014);
• Россия Федерацияса Федеральнӧй Собраниелӧн Федерация Сӧветлӧн Почёт грамота (2015);
• Коми Республикаса Юралысьлӧн аттьӧалӧм (2015);
• Россия Федерацияса Федеральнӧй Собраниелӧн Государственнӧй Думалӧн Почёт грамота (2017);
• «За безупречную службу» медаль (1987).
Пасйӧдъяс
- ↑ 1 2 3 Председатель Государственного Совета Республики Коми VIII cозыва (рус.). Госсовет РК. Шыӧдчан кадпас: 1 йирым тӧлысь 2025.
- ↑ Макаренко Александр Петрович (рус.). Комиинформ. Шыӧдчан кадпас: 1 йирым тӧлысь 2025.
- ↑ Председателем госсовета Коми избрали Александра Макаренко (рус.). ТАСС (29 кӧч тӧлысь 2025). Шыӧдчан кадпас: 1 йирым тӧлысь 2025.
- ↑ Кто есть кто: Макаренко Александр Петрович (рус.). Комионлайн. Шыӧдчан кадпас: 1 йирым тӧлысь 2025.
- ↑ Лица партии. Макаренко Александр Петрович (рус.). Единая Россия. Шыӧдчан кадпас: 1 йирым тӧлысь 2025.