Муравьёв Владимир Николаевич
| Муравьёв Владимир Николаевич | |
|---|---|
 | |
| Чужан лун | 1968 вося тӧвшӧр тӧлысь 30-ӧд лун |
| Чужанін | Коми Республика, Сыктывдін район, Кӧмъяр посёлок |
| Страна | |
| Мыйся уджыс | Э. А. Налимова нима Сыктывдін районса история да культура музейлӧн директор |
Муравьёв Владимир Николаевич (1968 вося тӧвшӧр тӧлысь 30-ӧд лун, Сыктывдін районса Кӧмъяр посёлок) — Э. А. Налимова нима Сыктывдін районса история да культура музейлӧн директор. Сыктывдін районса Почёта гражданин (2023)[1].
Олантуй
Муравьёв В. Н. чужис (1968 вося тӧвшӧр тӧлысь 30-ӧд лун Коми Республикалӧн Сыктывдін районса Кӧмъяр посёлокын. Помаліс Выльгортса шӧр школа. 1991 воын помаліс Сыктывкарса канму университетын история факультет.
• 1985 восянь 1991 воӧдз уджаліс Республикаса художественнӧй музейын (ӧні — Коми Республикаса национальнӧй галерея).
• 1991—1994 — Кӧмъярса школаын история да обществознание велӧдысь.
• 1994—2001 — Кӧмъярса школаын завуч.
• 2001—2002 воясын вӧлі Ыбса школаын директорӧн.
• 2002 восянь 2006 воӧдз уджаліс Коми национальнӧй гимназияса директорӧс вежысьӧн.
• 2006—2009 — Выльгорт сиктса администрацияӧн юрнуӧдысьӧс вежысь.
• 2009—2014 — Коми национальнӧй гимназияса директорӧс вежысь.
• 2014—2016 — Сыктывдін районса администрацияӧн юрнуӧдысьлӧн сӧветник.
• 2016 восянь ӧнія кадӧдз уджалӧ «Сыктывдінса музей ӧтув» муниципальнӧй сьӧмкуд культура учреждениеса директорӧн[2].
Содтӧд тӧдӧмлунъяс босьтӧм
• 2001—2002 вояс — «Велӧдӧмын менеджмент» уджтас (Коми Республикаса велӧдӧм сӧвмӧдан институт),
• 2007 во — «Канму службалысь уджсӧ нормативнӧй инӧд боксянь могмӧдӧм» уджтас (Сыктывкарса канму университет),
• 2018 во — «Культура юкӧнын веськӧдлӧм» уджтас (Россия Федерацияса Президент бердын йӧзкост овмӧс да канму служба Россияса академия),
• 2021 во — «Канму, муниципальнӧй да корпоративнӧй могъяс вылӧ закупкаяс юкӧнын специалист» уджтас (Канму службаӧ да веськӧдлыны велӧдан Коми Республикаса академия),
• 2022 во — «Туристическӧй бизнесӧн квалификация сетӧмӧн веськӧдлӧм» уджтас («Гид. Экскурсовод» дистанционнӧя велӧдан войтыркостса шӧрин).
Туялан удж
- В. Н. Муравьёв, Т. А. Старинская Опыт коллаборации музеев: Беларусь — Россия. /Музей и проблемы культурного туризма. Материалы двадцать второго Круглого стола. — Санкт-Петербург: Издательство Государственного Эрмитажа, 2024.
- Академик архитектуры Евгения Ивановна Кириченко (из рода Жаковых): сборник материалов / отв. ред. М. И. Бурлыкина; сост. М. И. Бурлыкина, Л. В. Марцонь, В. Н. Муравьёв, С. А. Тюрнина, Т. Н. Шестакова. — Москва — Выльгорт. 2024. 267 с., ил.
- Бурлыкина М. И., Муравьев В. Н. Академик архитектуры Е. И. Кириченко: опыт биографического исследования. Вестник Томского государственного университета. Культурология и искусствоведение. — № 53, 2024 г. — С.236-245.
Общественнӧй удж
- «Коми войтыр» ӧтмунӧмлӧн Сыктывдінса представительствоӧн юрнуӧдысь (2011—2019 вояс);
- «Сыктывдін» МР МЮ Ӧтйӧза сӧветӧн веськӧдлысь (2016—2018 вояс);
- меставывса асвеськӧдлӧм сӧвмӧдӧм кузя пыр уджалысь комиссияӧн веськӧдлысь (2015—2020 вояс);
- муниципальнӧй районса Сӧветын «Единая Россия» депутат фракцияӧн юрнуӧдысь, «Единая Россия» ютырлӧн меставывса ӧтйӧза приёмнӧйӧн юрнуӧдысь (2015—2021 вояс);
- муниципальнӧй районса Сӧветын социальнӧй политика кузя пыр уджалысь комиссияӧн веськӧдлысь.
Наградаяс
• Сыктывдін районса администрацияӧн веськӧдлысьлӧн почёт грамота (2000) — уна вося бур уджысь, велӧдчысьясӧс велӧдӧмын да быдтӧмын гырысь вермӧмъясысь;
• Сыктывдінса территориальнӧй профсоюзнӧй организациялӧн грамота (2001, 2005, 2009);
• Коми Республикаса йӧзӧс велӧдан да вылыс тӧдӧмлунъяс министерстволӧн Почёт грамота (2005);
• «2006 вося ставроссияса видз-му овмӧс переписьын зіля участвуйтӧмысь» морӧсвыв пас (2006);
• «Коми войтыр» ӧтмунӧмлӧн Почёт грамота (2009);
• Коми Республикаса национальнӧй политика министерстволӧн Почёт грамота (2010, 2011);
• Коми Республикаса Каналан Сӧветлӧн Почёт грамота (2015);
• Коми Республикаса Юралысьлӧн аттьӧалӧм (2016);
• «Сыктывдін» муниципальнӧй районса администрацияӧн юрнуӧдысьлӧн Почёт грамота (2016);
• Коми Республикаса Почёт грамота (2020);
• «Выльгорт» сикт овмӧдчӧминса администрациялӧн Почёт грамота (2021);
• Сыктывдін районса Почёта гражданин (2023);
• Музыкальнӧй деятельяслӧн войтыркостса союзлӧн Почёт грамота — уна вося бур уджысь, культура озырлун, духовнӧй донаторъяс, историческӧй традицияяс видзӧмӧ да содтӧмӧ пай пуктӧмысь (2025);
• Канму Эрмитажса генеральнӧй директор М. Б. Пиотровскийлӧн аттьӧалана гижӧд — конференцияясӧ быд во пырӧдчӧмысь, зэв бур сюрӧса выступлениеясысь, музейнӧй делӧ дор зільӧмысь(2025).
Пасйӧдъяс
- ↑ Почётные граждане. Муравьёв Владимир Николаевич. Администрация Сыктывдинского района Республики Коми. Шыӧдчан кадпас: 28 ода-кора тӧлысь 2025.
- ↑ Музей истории и культуры Сыктывдинского района имени Эмилии Алексеевны Налимовой. Шыӧдчан кадпас: 28 ода-кора тӧлысь 2025.