Одыб (Кӧрткерӧс район)

Нившера
	Сикт
Нившера
	Одыб
	62°21′25″ с. ш. 52°55′11″ в. д.GЯO
Страна	Россия
РФ-са субъект	Республика Коми
Муниципальнӧй район	Кӧрткерӧс район
Сикт овмӧдчӧмин	Одыб
История да география
Лӧсьӧдӧма	1720
Медводдзаысь пасйӧма	1747
Сикт	1859
Шӧрин вылна	107 м
Йӧз
Олысь лыд	▼1288 чел. (2021);
Лыдпаса идентификаторъяс
Пошта индекс	168059
ОКАТО код	87216855001
ОКТМО код	87616455101
Мукӧдтор
Петкӧдлыны/сайӧдны картаяс
	Нившера Москва

Одыб (рочӧн Нившера) – Коми Республикаса сикт, Кӧрткерӧс районысь Одыб сикт овмӧдчӧминса шӧрсикт.

Ним артмӧм

Одыб босьтіс ассьыс нимсӧ Одъю ю серти, Ньывсерлӧн шуйга вож: коми од «всход; зелень», ыб «возвышенность», ю «река». Одыб «возвышенность у р. Одъю»^[2].

География

Сикт пукалӧ Ньывсер юлӧн веськыд берегын. Одыбсянь Кӧрткерӧс юрсиктӧдз 130 км, Сыктывкар юркарӧдз 180 км.

История

1719—1725 воясся Ревизияса сказкаясын нимыс оз паныдасьлы. Сэк жӧ 1720 вося ӧти ёрдса делӧын казьтыштӧма кресьтянаяс Ларуков да Подоров овъясыс, кодъясӧс олӧны Вишера погост улын. Тайӧ овъясыс XVII-XVIII нэмъясын эз вӧвны Вишера погостын да орчча грездъясын. Та вылӧ подуласьӧмӧн коми войтырлысь история туялысь Л.Н. Жеребцов чайтӧ, мый 1720 воын Нившера грезд вӧлі нин и пырис Вишера вӧлӧсьтӧ. Медводдза олысьяснас вӧліны Ларуковъяс да Подоровъяс (бӧръяясыс воисны Емва вожысь).
1747 — Медводдзаысь казьтыштӧма Ревизияса сказкаясын: «Нившера» грезд, 36 мужичӧй (нывбабаяс йылысь юӧр абу).
1782 — «Нившерская» грездын 11 овмӧс, 102 морт.
1859 — 60 овмӧсын олӧ 418 морт. «Нившера» («Од-ыб») лои сиктӧн, тані кыпӧдісны вичко.
1861 — Воссис школа («Начальное образование в Вологодской губернии» небӧгын индӧма мӧд во — 1885 во).
1878 — Одыбын оспаысь куліс 11 кага, 1878 — став олысьыс висис тифӧн, куліс 9 морт.
1904 — Воссис библиотека.
1916 — Одыбын 110 овмӧс, 602 морт; 1926 — 134 овмӧс, 718 морт.
1930 — Сиктын эм: школа, фельдшерско-акушерскӧй пункт, изба-читальня, потребительяслӧн котыр, кресьтяналы общественнӧй отсӧг сетан комитет, милициа участок.
1989 — Одыбын 1205 морт (590 мужичӧй, 615 нывбаба).
2013 — Сиктын эм: Связь юкӧн, пошта юкӧн, Сывъюдор да Одыб лесничество, врачебнӧй амбулатория, Кӧрткерӧс районса содтӧд тӧдӧмлун сетан шӧринлӧн филиал, Шӧр школа, челядь сад, библиотека да Культура керка.^[3]

Олысь лыд

Грездын олӧны комияс.

Вояс да олысь лыд
1782	1859	1892	1916	1926	1970	1979	1989	1992	2000	2007	2022
102	418	374	602	718	1162	1323	1205	1102	1650	1503	1488

Медводдза овъяс

1720 — Ларуков, Подоров
1892 — Габов, Жижев, Ивашев, Игушев, Микушев, Михайлов, Попов.

Культура

Велӧдӧм

Одыбын вичкобердса школа воссис 1885 вося тӧвшӧр тӧлысьӧ. Сэні велӧдчис 10 зонка. Школаын велӧдіс вичкоын уджалысь, медшӧр предметъясӧн вӧліны «Закон Божий» да «вичкоса сьылӧм», велӧдісны сідзжӧ арифметика да письмо. Кӧсйылісны велӧдны сӧмын рочӧн, но роч кыв лёка тӧдӧм понда медводдза кадас позис велӧдны и комиӧн. Велӧдчыны вӧлі сьӧкыд, челядь уна кад воштісны керка гӧгӧрса удж бергӧдӧм вылӧ. 1894 воын школаын эз вӧвны выпускнӧй экзаменъяс, с.в. мый челядьыс эновтісны велӧдчӧмсӧ гӧльлун вӧсна. Вичко бердын уджаліс библиотека, кӧні 1878 воын видзисны 49 небӧг (ен небӧг ёнджыкасӧ).

Нималана йӧз

Попов Геннадий Иванович (Висер вожса Ӧнись дядь; 1952) — коми гижысь да шылад тэчысь.

Тӧдчана эмторъяс

«Сипертас» йӧзкостса сьылан котыр

Тӧдчана инъяс

Айму вӧсна война дырйи усьӧмаяслы мемориальнӧй комплекс
Василий Святительлӧн храм
Арт-объект "Сипертас"
Ӧзын грездын "куим коз" ин

Ӧтуввез

Литература

Атлас Республики Коми. – Москва, 2000.
Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
История Коми с древнейших времен до конца XX века: В 2-х т. / Под общей редакцией А.Ф. Сметанина. – Сыктывкар, 2004.
Республика Коми: Административно-территориальное деление на 1 августа 1992 г. Издание пятое. – Сыктывкар, 1992.
Республика Коми: Энциклопедия. – Сыктывкар, 1997-2000. – Т. 1-3.