Палкин Леонид Николаевич
| Палкин Леонид Николаевич | |
|---|---|
| Чужан лун | 1932-ӧд вося вӧльгым тӧлысь 28-ӧд лун[1][2] |
| Чужанін | |
| Кулан лун | 1999-ӧд вося рака тӧлысь 2-ӧд лун[1][2] (66 арӧс) |
| Страна | |
| Мыйся уджыс | поэт, гижысь, журналист |
Q5Палкин Леонид Николаевич
Палкин Леонид Николаевич (1932—1999) — коми поэт, гижысь, журналист.
Олан туй
Леонид Палкин чужӧма Жук (рочӧн Георгиево) грездын 1932-ӧд вося вӧльгым тӧлысь 28-ӧд лунӧ.
Сизимӧд классянь пырӧма уджавны Удора районса исполкомӧ. 1949-ӧд воын помалӧма Косланса шӧр школа да пырӧма велӧдчыны 1 №-а Сыктывкарса ремесленнӧй училишӧӧ, кӧні босьтӧма рулевӧй да столяр-плотниклысь специальносьтъяс. Сёрӧнджык помалӧма штурманъяслысь курсъяс да уджалӧма капитанлы отсасысьӧн Войвыв юяслӧн пароходствоын. 1953-ӧд восянь служитӧма Сӧветскӧй Армияын. Воӧм бӧрас уджалӧма боцманӧн паракодъяс вылын.
«Выль туйӧд» газетын, вӧлӧма районса радиовещаниеын редакторӧн.
Кулӧма 1999-ӧд вося рака тӧлысь 2-ӧд лунӧ.
Гижан удж
Косланса школаын велӧдчигӧн ветлӧдлӧма «Пионеры Удоры» литературнӧй кружокӧ. Тані жӧ гижӧма медводдза кывбуръяссӧ. На пиысь ӧтиӧс йӧзӧдлӧма 1949-ӧд воын «Войвыв кодзув» журналын. Тайӧ жӧ журналас 1949-ӧд воын петӧны сылӧн и мукӧд кывбурыс.
Леонид Палкин петкӧдлӧма асьсӧ кыдзи журналист да гижысь. Гижӧма кывбуръяс, висьтъяс, очеркъяс. Сылӧн артмисны челядьлы неыджыд гижӧдъяс, кодъясӧс рочӧдӧма войвыв вӧр-ва сьылысь В.С. Журавлёв-Печорский (вуджӧдӧмъясыс пырисны «Таёжное чудо» небӧгӧ). «Лесной чай» небӧгын автор гижӧмас, мый «эта книга, если говорить образно, родилась на природе, где я то с удочкой, то с фотоаппаратом провожу своё свободное время».
Палкинлӧн петавлӧма нёль небӧг комиӧн да кык небӧг рочӧн («Таёжное чудо», «Лесной чай»).
Небӧгъяс
- Палкин Л. Н. Дона из: висьтъяс. — Сыктывкар: Коми книжнӧй издательство, 1964. — 32 л.б.
- Палкин Л. Н. Ракета. — Сыктывкар: Коми книжнӧй издательство, 1966. — 12 л.б.
- Палкин Л. Н. Гӧрд кодзув: висьт, мойд. — Сыктывкар: Коми книжнӧй издательство, 1967. — 20 л.б.
- Палкин Л. Н. Вӧрса чай: висьтъяс. — Сыктывкар: Коми книжнӧй издательство, 1970. — 32 л.б.
- Палкин Л. Н. Вӧрса чай: висьтъяс / Ред. А. В. Попов, Худ. А. А. Попова. — Сыктывкар: Коми Республикаса гижысь котыр, 2021. — 64 л.б.