Плотников Дмитрий Павлович

Босьтӧма Рувикиысь
Плотников Дмитрий Павлович
Plotnikov2.jpg
Чужан лун 1918-ӧд вося моз тӧлысь 2-ӧд лун(1918-08-02)
Чужанін 
Кулан лун 2012-ӧд вося кӧч тӧлысь 4-ӧд лун(2012-09-04) (94 арӧс)
Куланін 
Канму  СССР →  Россия
Войска сикас бронетанковӧй вӧйска
Служитан вояс 1939—1973
Звание
Гвардияса полковник
Полковник
Часьт 78-ӧд мотострелковӧй дивизия
Чин Коми АССР-са военнӧй комиссар,
Курган обласьтса военнӧй комиссар
Тышъяс/вӧйнаяс
Наградаяс да премияяс
Отставкаын «Курганавтодор» веськӧдланінса инженер.

Плотников Дмитрий Павлович (1918 вося моз тӧлысь 2-ӧд лун, ылыс Авзяно-Петровскӧй завод сикт, Оренбург губерня — 2012 вося кӧч тӧлысь 4-ӧд лун, Перым кар) — Айму вӧсна Ыджыд тышын да сӧвет-япон вӧйнаын участвуйтысь, Шэньян карса военнӧй комендант (1945), Коми АССР-са военнӧй комиссар (1960—1966) и Курган обласьтса военнӧй комиссар (1966—1973); гвардияса полковник (1955). Россияса Герой (1996)[1].

Олантуй

Дмитрий Павлович Плотников чужис 1918 вося моз тӧлысь 2-ӧд лунӧ Оренбург губерняса Вылыс Урал уездын Авзяно-Петровскӧй волостьса Вылыс Авзяно-Петровскӧй завод сиктын, тайӧ мутасыс вӧлі белогвардейскӧй Оренбургса казак кытшын (атаман А. И. Дутов). Ӧні Вылыс Авзян сикт — Россия Федерацияса Башкортостан Республикалӧн Белорецк районса Вылыс Авзян сиктсӧветлӧн административнӧй шӧрин.

Батьыс — гражданскӧй вӧйнаын участвуйтысь, красногвардееч Плотников Павел Сергеевич. Мамыс — Варвара Васильевна, гортолысь. Семьяын вӧлі сизим кага[2].

Гражданскӧй вӧйна бӧрын Плотниковъяс вуджисны овны Суран посёлокӧ. Батьыс кутіс уджавны вӧр овмӧсӧн веськӧдлысьӧн. 1-2 класс Дмитрий велӧдчис Башкир АССР-са Белорецкӧй районса Зигаза сельсӧветлӧн Зигаза сиктын.

1928 воын семьяыс вуджис овны Башкирскӧй АССР-са Белорецкӧй районса Тукан сельсӧветлӧн Тукан посёлокӧ. Велӧдчис школаын, сэсся велӧдчис стрӧитчысь Майгашлинскӧй электростанцияын слесаравны. 1932 вося кӧч тӧлысьын бара кутіс велӧдчыны школаын. Велӧдчӧм кындзи Дмитрий котраліс лызьӧн, вӧчис гимнастика, сдайталіс ГТО-лысь нормаяс, бура велӧдчис лыйсьыны, шойччан лунъясӧ ветлывліс кыйсьыны.

1935 воын помаліс 7 класса школа, пырис Свердловскӧй машиностроительнӧй техникумӧ, а 1939 вося лӧддза-номъя тӧлысьын, велӧдчӧмсӧ помалӧм бӧрын, мӧдӧдӧмаӧсь Уралса сьӧкыд машина строитан заводӧ конструкторскӧй отделӧ.

Гӧрд Армияын 1939 вося кӧч тӧлыссянь.

Свердловск карса Орджоникидзе райвоенкомат мӧдӧдіс Ленинградса военнӧй танко-техническӧй училищеӧ (1940 восянь — Пушкинскӧй команднӧй автомобильнӧй военнӧй училище). 1941 вося ода-кора тӧлысь 1 лунӧ сетӧма лейтенантлысь звание. 1941 воын училище помалӧм бӧрын мӧдӧдісны Киевса торъя военнӧй кытшӧ 26-ӧд армияса 8-ӧд механизируйтӧм корпуслӧн 34-ӧд танкӧвӧй дивизияса 34-ӧд разведка батальонса БА-10 бронемашинаяс взводса командир чинӧ.

Айму вӧсна Ыджыд тыш дырйи

1941 вося лӧддза-номъя тӧлысь 22-ӧд лунӧ рытнас лейтенант Д. П. Плотников пырӧдчис медводдза тышӧ Львов дорын[3].

1941 вося вӧльгым тӧлыссянь — Рытыв-Лунвыв фронтса 7-ӧд торъя танкӧвӧй бригадаын 7-ӧд танкӧвӧй полкса ротаса командирӧс вежысь.

1941 вося ӧшым тӧлысь 16-ӧд лунсянь — 21-ӧд армияса 21-ӧд торъя мотострелкӧвӧй бригадаын 38-ӧд мотострелкӧвӧй полкса взводса командир.

1942 вося урасьӧм тӧлысь 10-ӧд лунсянь 1942 вося сора тӧлысь 18-ӧд лунӧдз участвуйтіс тышъясын, ранитчис. 1942 вося ода-кора тӧлысь 14-ӧд лунсянь — медводдза торъя мотострелкӧвӧй бригадаса 38-ӧд мотострелкӧвӧй полкса танкъяс истребительяс ротаса командирӧс вежысь. 1942 вося ода-кора тӧлысь 24-ӧд лунӧ сетӧсны старшӧй лейтенант звание.

1942 вося моз тӧлысь 7-ӧд лунсянь 1942 вося моз тӧлысь 18-ӧд лунӧдз участвуйтіс тышъясын Сталинградса фронтлӧн 182-ӧд танкӧвӧй бригадаса танкӧвӧй ротаса командир чинын, индісны танкӧвӧй батальонса командирӧс вежысь чинӧ.

1942 вося вӧльгым тӧлысь 5-ӧд лунӧ сетӧмаӧсь капитанлысь звание. 1942 вося вӧльгым тӧлысь 17-ӧд лунӧ сійӧс индісны разведка кузя 2-ӧд мотострелкӧвӧй бригадаса штабса начальниклы отсасьысьӧн.

1944 вося тӧвшӧр тӧлысь 14-ӧд лунсянь 1944 вося моз тӧлысь 18-ӧд лунӧдз участвуйтіс тышъсын 5-ӧд механизируйтӧм корпусса 2-ӧд механизируйтӧм бригадаын разведка кузя бригадаса штабса начальникӧс вежысь чинын. Плотников боечьяскӧд аддзис ичӧтик чери кыян пыж да 1944 вося рака тӧлысь 20-ӧд лунлы паныда войӧ гусьӧн вуджис Днестрсӧ Винницкӧй областьса Могилёв-Подольскӧй кар дорын. Тайӧ группаыс босьтіс бура крепитӧм вылна вылын немечьяслысь укрепитӧм позициясӧ да вермис кутчысьны мотострелкӧвӧй батальон вотӧдз. Тайӧ подвигсьыс капитан Д. П. Плотниковӧс вӧзйисны сетны Сӧветскӧй Союзса Геройлысь ним. Россияса Президентлӧн 1996 во ода-кора тӧлысь 2-ӧд лунся 619 №-а Индӧдӧн сетӧма Россия Федерацияса Геройлысь ним.

Айму вӧсна Ыджыд тыш бӧрын

Германияӧс вермӧм бӧрын Д. П. Плотниковлысь батальонсӧ 6-ӧд гвардейскӧй танкӧвӧй армия составын вӧлі вуджӧдӧма Забайкальскӧй фронт вылӧ да участвуйтіс сӧвет-япон вӧйнаын. 1945 вося моз тӧлысь 9-ӧд лунсянь 1945 вося кӧч тӧлысь 3-ӧд лунӧдз воюйтіс 14-ӧд торъя гвардейскӧй мотоциклетнӧй батальонса, 9-ӧд гвардейскӧй механизируйтӧм корпусса, 6-ӧд гвардейскӧй танкӧвӧй армияса командир чинын.

Д. П. Плотников лоис Шэньян (Мукден) карса медводдза военнӧй комендантӧн.

1948 воӧдз командуйтіс Забайкальскӧй военнӧй кытшын аслас батальонӧн. 1949 вося моз тӧлысьын помаліс В. М. Молотов нима Гӧрд Дӧрапас ордена Ленинградса бронетанкӧвӧй да механизируйтӧм войскаса высшӧй офицерскӧй школа, бара босьтчис командуйтны аслас батальонӧн.

1951 вося вӧльгым тӧлыссянь — Забайкальскӧй военнӧй кытшса 6-ӧд гвардейскӧй механизируйтӧм армиялӧн 5-ӧд гвардейскӧй танкӧвӧй дивизияын 206-ӧд танкӧвӧй полкса строевӧй часть кузя командирӧс вежысь.

1954 восянь — 6-ӧд гвардейскӧй танкӧвӧй армиялӧн 5-ӧд гвардейскӧй Сталинградско-Киевскӧй танкӧвӧй дивизияса 22-ӧд гвардейскӧй танкӧвӧй полкса командир. 1955 вося рака тӧлысьын сетісны полковник звание.

1957 вося косму тӧлыссянь — 122-ӧд гвардейскӧй мотострелкӧвӧй дивизияса 76-ӧд гвардейскӧй мотострелкӧвӧй полкса командир, 1957 вося вӧльгым тӧлыссянь — Уральскӧй военнӧй кытшса (Кунгур грездса) 65-ӧд мотострелкӧвӧй дивизияса 443-ӧд мотострелкӧвӧй полкса командир.

1958 вося моз тӧлыссянь — 65-ӧд мотострелкӧвӧй дивизияса командирӧс вежысь, 1959 вося моз тӧлыссянь — 78-ӧд мотострелкӧвӧй дивизияса командирӧс вежысь (Чебаркуль кар).

1960 вося ӧшым тӧлыссянь служитіс Коми АССР-ын военнӧй комиссарӧн.

1966 вося урасьӧм тӧлыссянь — Курган обласьтса военнӧй комиссарӧн.

1973 вося косму тӧлысьын муніс запасӧ. Бӧрйылісны уджалысь йӧзлӧн депутатъяслӧн Курган обласьтса Сӧветӧ депутатӧн[4].

Военнӧй служба вылысь мунӧм бӧрын Д. П. Плотников уджаліс Курган обласьтса исполкомлӧн гаражӧн заведуйтысьӧн. 1974 вося лӧддза-номъя тӧлыссянь 14 во чӧж уджаліс «Курганавтодор» автомашина туйяс стрӧитан да уджӧдан Курганса управлениеын гражданскӧй оборона кузя инженерӧн.

1988 воын петіс пенсия вылӧ. 1988 воын вуджис овны Перым карӧ. Водзмӧстчис общественнӧй уджын, вӧлі Перым обласьтса войнаса ветеранъяслӧн комитетӧ пырысьӧн.

Дмитрий Павлович Плотников кувсис 2012 вося кӧч тӧлысь 4-ӧд лунӧ Перым карын[5].

Наградаяс

• Россияса Герой (1996.05.02)а[6];
• «Зарни Кодзув» медаль (269 №);
• кык Гӧрд Дӧрапас орден (1944.04.01[7], 1945.09.21[8]);
• Александр Невскӧй орден (1945.04.25)[9];
• куим Айму вӧсна Ыджыд тышса I тшупӧда орден (1944.09.17[10], 1945.02.16[11], 1985.04.06[12]);
• кык Гӧрд Кодзув орден (1943.08.23[13], 1955.10.26);
• «Тышын заслугаясысь» медаль (1950.10.15);
• «Сталинград дорйӧмысь» медаль;
• «Будапешт босьтӧмысь» медаль;
• «Вена босьтӧмысь» медаль;
• «Прага мездӧмысь» медаль
• «Японияӧс вермӧмысь» медаль
• «Уджвывса ветеран» медаль
• мукӧд медальяс.

Паметь

Курган обласьтса военнӧй комиссариат

• Плотниковлысь нимсӧ сетӧма Тукан сиктса уличалы, Башкортостан.
• Белорецкын Геройяслӧн аллеяын сувтодӧмаӧсь Д. П. Плотниковлысь бюст [14].
• Курган обласьтса военнӧй комиссариатын пуктӧма казьтылан пӧв[15].

Пасйӧдъяс

  1. ↑ Репортаж 31. Наш Герой – гвардии полковник бронетанковых войск Плотников Дмитрий Павлович
  2. ↑ Герои Белоречья. Есть память, которой не будет забвенья, и слава, которой не будет конца… (Герой России Плотников Дмитрий Павлович) Библиографический указатель. Шыӧдчан кадпас: 22 моз тӧлысь 2020. Архивируйтӧма 18 моз тӧлысь 2019.
  3. ↑ Людмила ВЛАСОВА. Апостолы Победы. Военком Коми Дмитрий Плотников получил звание Героя России за подвиг в годы войны.
  4. ↑ Лица Зауралья. ПЛОТНИКОВ Дмитрий Павлович. Шыӧдчан кадпас: 5 косму тӧлысь 2020. Архивируйтӧма 26 косму тӧлысь 2019.
  5. ↑ В Перми скончался Герой России Дмитрий Плотников // 59.ru. Шыӧдчан кадпас: 31 ода-кора тӧлысь 2013. Архивируйтӧма 2 косму тӧлысь 2015.
  6. ↑ Указ Президента Российской Федерации от 2 мая 1996 года № 619 «О награждении государственными наградами Российской Федерации»
  7. ↑ Наградной лист в электронном банке документов «Подвиг народа».
  8. ↑ Наградной лист в электронном банке документов «Подвиг народа».
  9. ↑ Наградной лист в электронном банке документов «Подвиг народа».
  10. ↑ Наградной лист в электронном банке документов «Подвиг народа».
  11. ↑ Наградной лист в электронном банке документов «Подвиг народа».
  12. ↑ Наградной лист в электронном банке документов «Подвиг народа».
  13. ↑ Наградной лист в электронном банке документов «Подвиг народа».
  14. ↑ Аллея Героев в Белорецке. Шыӧдчан кадпас: 5 косму тӧлысь 2020. Архивируйтӧма 26 кӧч тӧлысь 2020.
  15. ↑ Мемориальная доска Дмитрию Павловичу Плотникову. Шыӧдчан кадпас: 1 косму тӧлысь 2022. Архивируйтӧма 12 косму тӧлысь 2021.

Литература

• Всероссийская Книга Памяти. 1941-1945. Обзорный том. – 2-е изд., испр. и доп. – М., 2005.
• Книга памяти Республики Коми. Т. 8 / составители В. М. Котельников, А. М. Калимова. — Сыктывкар, 1999.
• Книга памяти Республики Коми. Т. 12 / составители А. А. Карпов, О. А. Сергичева, Л. Н. Двинская. — Сыктывкар, 2013.
• Кто был кто в Великой Отечественной войне 1941-1945. Люди. События. Факты : справочник / под ред. О. А. Ржешевского. – 2-е изд., доп. – М., 2000.
• Герои Прикамья : [биографический справочник] / [сост. З. Р. Козлова]. – Пермь, 2006.
• Освобождение городов: Справочник по освобождению городов в период Великой Отечественной войны 1941-1945. – М., 1985.
• Легендарный разведчик / составитель З. Козлова. – Пермь, 2013. – (70-летию Великой Победы посвящается).
• Егоров, А.В. Мы мечтали о жизни достойной / А. Егоров. – Уфа, 2000.
• Завизион, Г. Т. И на Тихом океане… / Г. Т. Завизион, П. А. Корнюшин. – М., 1967.
• Чистые небеса : стихи, рассказы, очерки о защитниках Родины в Великую Отечественную войну / составитель Н. Н. Зимина. – Белорецк, 2005.
• Солдаты XX века : Многотом. изд. Выпуск 2. / редактор С. С. Михайлович – М., 2001.
• Симонов, К. М. От Черного до Баренцова моря : записки военного корреспондента / К. Симонов. – М., 1942.
• Симонов, К. М. Разные дни войны. Дневник писателя. В 2-х томах / К. М. Симонов. – М., 1977.
• Мыциков, М. И. Конец «Тайфуна». – Киев, 1985.
• Победители – потомкам. Прикамье в годы Великой Отечественной войны. – Пермь, 2000.
• Есть память, которой не будет забвенья, и слава, которой не будет конца… : (Герой России Плотников Дмитрий Павлович) : библиографический указатель. – Белорецк, 2010.

Ыстӧгъяс

Босьтӧма "https://kv.ruwiki.ru/w/index.php?title=Плотников_Дмитрий_Павлович&oldid=471579"-ысь