Поздеев Иван Александрович
| Иван Александрович Поздеев | |
|---|---|
 | |
|
| |
| 2011.04.20 — 2015.09.28 | |
| Президент | Дмитрий Медведев |
| Губернатор | Вячеслав Гайзер |
| Водзвывса уджалысь | Иван Поздеев у. в. |
| Удж водзӧ нуӧдысь | Магомед Османов у. в. |
| 2011.03.29 — 2011.04.20 | |
| Президент | Дмитрий Медведев |
| Губернатор | Вячеслав Гайзер |
| Водзвывса уджалысь | Роман Зенищев |
|
|
|
| Чужис |
1963 вося урасьӧм тӧлысь 5-ӧд лун Чилимдін, РСФСР СССР |
| Велӧдчӧм |
Ленинградса политология институт, Сыктывкарса канму университет |
| Уджсикас | правовед |
_(2005).png){kind=small}
.png){kind=small}
Поздеев Иван Александрович (1963 вося урасьӧм тӧлысь 5-ӧд лун, Чилимдін, Коми АССР, РСФСР, СССР) — россияса канморт, Коми Республикаса Юралысьӧс вӧвлӧм вежысь, «Сыктывкар» кар кытшса муниципальнӧй юкӧнлӧн администрацияса вӧвлӧм юралысь (2011.04.20 — 2015.09.28). Юриспруденция наукаяс кандидат (2011).
Олантуй
Чужис 1963 вося урасьӧм тӧлысь 5-ӧд лунӧ Коми АССР-са Чилимдін районса Чилимдін сиктын.
1984-1986 воясӧ служитіс Сӧветскӧй Армияын.
1980 воын помаліс Сыктывкарса 1 №-а педучилищеын физкультура отделение[1].
1987 восянь велӧдчис Ленинградса Высшӧй партийнӧй школаын заочнӧй отделение вылын. 1991 воын помаліс Ленинградса политология институт (вӧвлӧм Высшӧй партийнӧй школа) «социально-политическӧй отношениеяслӧн теория» специальносьт серти[2].
2000 воын помалӧма Сыктывкарса канму университет «юриспруденция» специальносьт серти[2]. 2011 воын дорйис юриспруденция наукаяс кандидат ним вылӧ диссертация[3].
Удж
1980 восянь уджаліс Чилимдін районса Хабарихаса кӧкъямыс вося школаын физрукӧн[1].
1983-1984 воясӧ — Чилимдін районса «Улыс Печӧра» совхозлӧн комсомольскӧй организацияса секретар.
1988 восянь — «Улыс Печӧра» совхозлӧн парткомса секретар, безопасносьт техника кузя инженер.
1990 восянь — Чилимдін районса народнӧй депутатъяслӧн Хабариха сельсӧветӧн веськӧдлысь.
1991-1997 воясӧ — «Стройматериалъяс» АП АОЗТ-са директорӧс вежысь, директор (Сыктывкар).
1997 восянь — «Перымса Степанлӧн фондса» директорӧс вежысь.
1999-2003 воясӧ — «Стройматериалы-К» ПАК-ын проектса шӧр менеджер, директоръяслӧн сӧветса председатель, генеральнӧй директор.
2003 восянь — Коми Республикаса архитектура, стрӧитчӧм, коммунальнӧй овмӧс да энергетика министрӧс медводдза вежысь.
2004 восянь — Коми Республикаса Юралысьӧс вежысь, Коми Республикаса архитектура, стрӧитчӧм, коммунальнӧй овмӧс да энергетика министр.
2010 восянь — Коми Республикаса Юралысьӧс вежысь.
2011 вося тӧвшӧр тӧлысьын став правительствоыскӧд тшӧтш мӧдӧдісны отставкаӧ. Выль составӧ эз пыр[4].
2011-2015 воясӧ — «Сыктывкар» КК МЮ администрацияса юралысь.
2015 вося кӧч тӧлысь 25-ӧд лунӧ Поздеевӧс кутӧмаӧсь муӧн ылӧдчӧм йылысь висьталӧм бӧрын. Та йылысь висьталӧма инвестиция проектъяслы отсӧг сетан регионса фондӧн водзджык кутӧм веськӧдлысь Игорь Кудинов[5]. Иван Поздеевӧс шуӧмаӧсь мыжаӧн чина уджмогъяс вевтыртӧмын да наӧн лёкногӧн вӧдитчӧмын, а сідзжӧ торйӧн нин ыджыд растратаын. Суд индіс Поздеевлы куим во кежлӧ условнӧя пукавны дзескыдінын да мынтыны 100 сюрс шайт штрап кык во кежлӧ испытательнӧй срокӧн[6].
2016–2019 воясын уджаліс «Центр» ИКК-ын директорӧс вежысьӧн да директорӧн[3].
2020 восянь пенсия вылын[3].
Мыжалӧм
2015 вося кӧч тӧлысь 19-ӧд лунӧ газетъяс гижисны, мый Иван Поздеевӧс кутӧма сідз шусяна «Гайзер делӧ» кузя[7]. Но кутӧмаӧсь 2015 вося кӧч тӧлысь 25-ӧд лунӧ, да сійӧ абу йитчӧма Вячеслав Гайзеркӧд ӧтвылысь чина йӧзӧс арестуйтӧмкӧд. Поздеевӧс мыждӧмаӧсь регионын му участокъясӧн оланпас торкалӧмӧн сделкаяс вӧчӧмысь[8].
Наградаяс
• «Ставроссияса олысьяслысь перепись нуӧдӧмын заслугаясысь» (2013 во),
• «Коми Республика водзын заслугаясысь» отличие пас (2012 во),
• Россияса МЧС-лӧн ведомствоса медальяс да пасъяс,
• Коми Республикаса нимӧдана уджалысь (2011 во),
• Коми Республикаса почёта стрӧитчысь[3].
Семья
Гӧтыра, эм кык ныв.
Пасйӧдъяс
- ↑ 1 2 Поздеев Иван Александрович. Комиинформ. Шыӧдчан кадпас: 23 ода-кора тӧлысь 2025.
- ↑ 1 2 Бывший замглавы Коми Иван Поздеев пришёл в администрацию Сыктывкара в качестве и.о. мэра « БНК. Шыӧдчан кадпас: 19 косму тӧлысь 2011. Архивируйтӧма 4 рака тӧлысь 2016.
- ↑ 1 2 3 4 Поздеев Иван Александрович. Глава администрации муниципального образования городского округа «Сыктывкар» в 2011–2015 гг.
- ↑ Поздеев Иван Александрович. Комионлайн. Шыӧдчан кадпас: 23 ода-кора тӧлысь 2025.
- ↑ Мэра Сыктывкара задержали за мошенничество с землёй | Русская служба новостей. Шыӧдчан кадпас: 25 кӧч тӧлысь 2015. Архивируйтӧма 25 кӧч тӧлысь 2015.
- ↑ Экс-мэр Сыктывкара Иван Поздеев приговорён к трём годам условно и штрафу в 100 тысяч // Информационное агентство «Север-Медиа». — 2016. — 1 лӧддза-номъя тӧлысь.
- ↑ Владимир Тукмаков продолжает руководить правительством Коми. Шыӧдчан кадпас: 20 кӧч тӧлысь 2015. Архивируйтӧма 26 кӧч тӧлысь 2015.
- ↑ Мэра Сыктывкара подозревают в мошенничестве с землей. Шыӧдчан кадпас: 25 кӧч тӧлысь 2015. Архивируйтӧма оригинала 25 кӧч тӧлысь 2015 года.