Попов Анатолий Егорович

Попов Анатолий Егорович
Попов Анатолий Егорович
Чужан лун	1932-ӧд вося косму тӧлысь 8-ӧд лун
Чужанін	Нёбдін, Кӧрткерӧс район, Коми (Зыряна) асвеськӧдлан обласьт, РСФСР, Сӧветскӧй Социалистическӧй Республикаяслӧн Союз;
Кулан лун	2023-ӧд вося тӧвшӧр тӧлысь 16-ӧд лун (90 арӧс)
Куланін	Нёбдін, Кӧрткерӧс район, Коми Республика, Россия;
Страна	Сӧветскӧй Социалистическӧй Республикаяслӧн Союз; Россия;
Мыйся уджыс	руководитель
Ошканпасъяс да премияяс	ВДНХ-са медальяс[d]

Попов Анатолий Егорович (1932-ӧд вося косму тӧлысь 8-ӧд лун, Нёбдін, Коми (Зыряна) асвеськӧдлан обласьт — 2023-ӧд вося тӧвшӧр тӧлысь 16-ӧд лун, Нёбдін, Коми Республика) — видз-му овмӧсын нималана веськӧдлысь, Ленин орден новлысь.

Олантуй

Анатолий Попов чужӧма 1932-ӧд вося косму тӧлысь 8-ӧд лунӧ Коми АССР-ын Шойнаты районса (ӧні — Кӧрткерӧс районса) Нёбдін сиктын.

Уллянаса видз-му техникум помалӧм бӧрын 1952-ӧд восянь и 1992-ӧд воын пенсия вылӧ петтӧдз нелямын во чӧж уджалӧма Коми мулӧн видз-му овмӧс юкӧнын, на пиысь 31 во вӧлӧма веськӧдлысьӧн. 1959—1966-ӧд воясӧ веськӧдлӧма «Выль ордым» колхозӧн, а сэсся Кӧрткерӧс районын «Дружба» колхозӧн. Дас вит во чӧж, 1968—1983 воясӧ, директоралӧма сӧмын на лӧсьӧдӧм Висерса совхозӧн. 1983-ӧд восянь веськӧдлӧма Зеленечса совхозӧн, 1987-ӧд восянь и пенсия вылӧ петтӧдз — Ыджыдвидзса совхозӧн.

Народнӧй овмӧс сӧвмӧдӧмӧ ыджыд пай пуктӧмысь сылысь нимсӧ 1978-ӧд воын пыртӧма Коми АССР-са Уджалан слава Небӧгӧ.

Кулӧма 2023-ӧд вося тӧвшӧр тӧлысь 16-ӧд лунӧ.

Общественнӧй удж

А. Е. Попов вӧлӧма Кӧрткерӧс район сӧветса да и Коми АССР Вылыс Сӧветса депутатӧн (куим созывын).

Ошканпасъяс

• «1941-1945 воясӧ Айму вӧсна Ыджыд тыш дырйи бур уджысь» медаль (1946)
• «Доблестнӧй уджысь (Воинскӧй доблесьтысь). В. И. Ленин чужӧмсянь 100 во тыриг кежлӧ» юбилейнӧй медаль (1970)
• Уджвывса Гӧрд Дӧрапас орден
• Коми АССР-са народнӧй овмӧсын нимӧдана уджалысь
• «Почёт пас» орден
• Ленин орден
• «Кӧрткерӧс районса Почётнӧй гражданин» ним (2008, кӧч тӧлысь 9-ӧд лун)
• «Зеленеч сикт овмӧдчӧминса Почёта гражданин» ним

Пасйӧдъяс

Ӧшмӧсъяс

• Твои люди земля Корткеросская: справочник. — Кӧрткерӧс, 2006.