Прыгунов Александр Васильевич

Рувикиын эмӧсь мукӧд йӧз йылысь статьяяс, кодъяслӧн овыс Прыгунов.

Александр Васильевич Прыгунов
Чужан лун	1907 вося косму тӧлысь 12-ӧд лун
Чужанін	Илларионовский посёлок, Тер обласьт, Россия империя
Кулан лун	1943 вося кӧч тӧлысь 29-ӧд лун
Куланін	Днепрлӧн шуйга вадор, СССР
Канму	СССР
Войска сикас	инженернӧй вӧйска
Звание
Часьт	• Карелияса фронт  • 6-ӧд штурмӧвӧй инженернӧй сапёрнӧй бригадаса 28-ӧд торъя штурмӧвӧй инженернӧй батальон
Тышъяс/вӧйнаяс	Айму вӧсна Ыджыд тыш
Наградаяс да премияяс
Медиафайлы на РУВИКИ.Медиа

Прыгунов Александр Васильевич (1907 вося косму тӧлысь 12-ӧд лун, Илларионовский посёлок, Тер обласьт, Россия империя — 1943 вося кӧч тӧлысь 29-ӧд лун, Днепрлӧн шуйга вадор, СССР) — старшӧй лейтенант, Айму вӧсна Ыджыд тышын участвуйтысь, Комиысь Сӧветскӧй Союзса Герой (1944).

Олантуй

Чужис 1907 вося косму тӧлысь 12-ӧд лунӧ Россия империялӧн Терс обласьтса Илларионовский посёлокын (ӧні Минеральные Воды кар) служащӧй семьяын. Роч. Медводдза мирӧвӧй вӧйна заводитчӧм батьсӧ босьтісны армияӧ да сійӧ мамыскӧд, Анна Сергеевнакӧд, вуджис овны рӧдвуж ордас Костромаӧ. Тані сійӧ помаліс земскӧй школаын нёль класс.

1921 воын гражданскӧй вӧйна вылысь воӧм бӧрын вуджӧдіс семьясӧ Кострома губерняса Варнава уездса Баки грездӧ . Помаліс 7 класса школа. Дасӧд класс помаліс Варнавино посёлокса школаын. Варнавиноса шӧр школаын велӧдчигӧн кутіс радейтны спорт. Сэні жӧ пырис комсомолӧ. Вӧлі комсомольскӧй ячейкаса веськӧдлысьӧн. Велӧдчӧмсӧ помалӧм бӧрын 1926 воын сійӧ бӧр локтіс Красные Баки грездӧ да пырис уджавны физкультура велӧдысьӧн школаӧ, ӧттшӧтш велӧдіс ликбез курсъяс вылын.

XX нэмся 1920-ӧд вояс помын сӧветскӧй газетъяс тырлісны Днепровскӧй ГЭС стрӧитігӧн комсомолецъяслӧн уджвывса подвигъяс йылысь юрнимъясӧн. Александр Прыгунов шуис жӧ лоны стрӧитчысьӧн. 1929 воын сійӧ вуджис овны Улыс Новгород карӧ. Пырис уджавны Нижегородскӧй горсовет исполком бердын физкультура сӧветӧ инструкторӧн. Ӧттшӧтш пырис рытъя подготовительнӧй курсъяс вылӧ. 1931 воын бура сдайтіс экзаменъяс да пырис велӧдчыны Ленинградса коммунальнӧй строительствоса инженеръяслӧн институтӧ, мый помаліс 1936 воын. Айму вӧсна Ыджыд тышӧдз удитӧма уджавны Ленинбадын строительнӧй объектъяс вылын, инженерӧн Балахнинскӧй бумажнӧй комбинатын да Горьковскӧй автомобильнӧй заводын.

1941 вося ода-кора тӧлысьын комсомольскӧй путёвка сертивоис стрӧитны Котлас-Вӧркута кӧрт туй, кӧні сійӧс и суис Айму вӧсна Ыджыд тыш заводитчӧм йылысь юӧр .

1941 вося моз тӧлысь 2-ӧд лунӧ Коми АССР-са Усвавомса районнӧй военкомат босьтіс Гӧрд Армияӧ. Младшӧй лейтенант А. В. Прыгуновӧс мӧдӧдісны инженернӧй войскаӧ. 1941 вося моз тӧлысь помсянь командуйтіс Карелияса фронт вылын сапёрнӧй взводӧн.

1943 вося моз тӧлысьын 28-ӧд торъя штурмӧвӧй инженернӧй сапёрнӧй батальонса сапёрнӧй рота Прыгунов командование улын Белгородско-Харьковскӧй операция дырйи отсаліс инженернӧя 163-ӧд стрелкӧвӧй дивизияса частьяслы.

Украиналысь шуйга берегсӧ мездігӧн 6-ӧд штурмӧвӧй инженернӧй сапёрнӧй бригадасӧ вӧлі сетӧма Воронеж фронтса 40-ӧд армиялы. Бригада водзын вӧлі сувтӧдӧма мог — форсируйтны Днепр 309-ӧд да 68-ӧд гвардейскӧй стрелкӧвӧй дивизияяслӧн штурмӧвӧй отрядъясӧн Букра кӧджса войвыв юкӧнын Балыко-Щучинка сикт дорын.

1943 вося кӧч тӧлысь 27-ӧд лунлы паныда войӧ старшӧй лейтенант Александр Прыгуновлӧн ротаса гренадеръяс вуджӧдісны Днепр вомӧн дас штатнӧй пӧльтан пыжъяс вылын медводдза штурмӧвӧй отрядъяс да ӧдйӧ лӧсьӧдісны паромӧн вуджанін. Регыд мысти веськыдвыв берегас сапёръяс заводитісны вайны артиллерийскӧй орудиеяс, боеприпасъяс да салдатъясӧс. Враг регыд аддзис вуджанінсӧ да заводитіс сы кузя яра лыйлыны артиллерияысь да миномётъясысь. Снаряд осколокъясӧн вӧлі жугӧдӧма дас пыж пиысь кӧкъямысӧс. Плавсредствояс ремонтируйтӧм бӧрын Прыгунов аслас боечьяскӧд водзӧ уджаліс вуджанінса паром вылын да кык кольӧм пыж вылын. Асывсяньыс Днепр юлӧн веськыдладор берегын пансис чорыд тыш. Плацдарм кутӧм вӧсна, кодлы бӧрынджык сетісны Букраса ним, тышъяслӧн помыс зависитіс эз сӧмын сӧветскӧй салдатъясысь, но и плацдарм вылын тышкасьысь войскаӧс могмӧдӧмысь. 1943 вося кӧч тӧлысь 28-ӧд лунлы паныда войӧ сапёрнӧй рота, немтор вылӧ видзӧдтӧг, прӧтивниклӧн лыйлӧм улын водзӧ вайис веськыдладор берегас колана подкреплениеяс да ӧружье. Ставнас кык войӧн Александр Прыгунов аслас боечьяскӧд вуджӧдіс Днепр вомӧн 17 артиллерийскӧй орудие, 557 салдатлысь да офицерлысь боеприпасъяс тыра 117 ящик, а сідзжӧ уна мукӧд эмбур. 1943 вося кӧч тӧлысь 29-ӧд лунӧ Александр Прыгунов вуджигӧн ёна ранитчӧма снаряд осколокӧн морӧсас. Боечьяс петкӧдісны командирныссӧ Днепр шуйга берегӧ, но сійӧ ранитчӧмысла некымын минута мысти кувсис.

СССР-са Медвылыс Сӧвет Президиумлӧн «Гӧрд Армияса генералъяслы, офицеръяслы, сержантъяслы да рядӧвӧйяслы Сӧветскӧй Союзса Герой ним сетӧм йылысь» 1944 вося тӧвшӧр тӧлысь 10-ӧд лунся Индӧдӧн «немецко-фашистскӧй захватчикъяскӧд тыш нуӧдігӧн командованиелысь боевӧй заданиеяс образцӧвӧя олӧмӧ пӧртӧмысь да та дырйи повтӧмлун да героизм петкӧдлӧмысь» кувсьӧм бӧрас сетӧма Сӧветскӧй Союзса Геройлысь ним.

Дзебисны сійӧс Украинаса ССР-лӧн Киев обласьтса Переяславскӧй районса Яшники грездсянь неылын, Днепр юлӧн шуйга берег вылын. Ӧні сійӧс дзебанінсӧ ойдӧдӧма Каневскӧй водохранилищеӧн. Гусӧ мӧдлаӧ вуджӧдӧм йылысь юӧръяс абуӧсь.

Наградаяс

• Сӧветскӧй Союзса Герой ним (1944.01.10);
• «Зарни Кодзув» медаль (1944.01.10);
• Ленин орден (1944.01.10).

Паметь

Сӧветскӧй Союзса А. В. Прыгунов СССР-са пошта конверт вылын

• Улыс Новгородын А. В. Прыгуновлысь нимсӧ сетӧма уличалы, Слава паркын садитӧма му.

Пасйӧдъяс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Царевский Д. А. Герой днепровской переправы // За Отчизну, свободу и честь!: очерки о Героях Советского Союза — горьковчанах: в 7 кн. Книга 1 / ред. комис.: А. П. Бринский, А. И. Елисеев, В. Я. Левшенков и др. — Горький: Книжное издательство, 1961. — С. 276—285. — 431 с.
• Тюльников Л. К. Герои Советского Союза — горьковчане / Л. К. Тюльников, Я. И. Басович. — 2-е изд., перераб. и доп. — Горький: Волго-Вятское книжное издательство, 1981. — С. 216. — 366 с.
• Улица Прыгунова // Улицы носят их имена: Герои Советского Союза — горьковчане / сост.: Л. А. Яценко, Г. А. Ушакова, И. А. Ефремова и др. — Горький: Волго-Вятское книжное издательство, 1972. — 26 с.
• Рощин И. И. Навечно в строю: альбом: в 2 вып. Выпуск 2. — М.: Воениздат, 1973. — С. 110. — 303 с.
• Минин Ф. П. Наши земляки. — Красные Баки, 2011. Архивса копия 23 сора тӧлысь 2014 Wayback Machine ресурсын
• Книга памяти Республики Коми. Т. 12 / составители А. А. Карпов, О. А. Сергичева, Л. Н. Двинская. — Сыктывкар, 2013.
• Днепр — река героев. Свидетельства всенародного подвига : [сборник] / составители: Н. И. Луцев, П. Я. Добровольский, В. А. Замлинский. – Киев, 1983.
• За Отчизну, свободу и честь! Кн. 1. – Горький, 1961.
• Фотолетопись Республики Коми. Книга первая. 1921 – 1970 годы. – Сыктывкар, 2011.

Документъяс

• Общедоступный электронный банк документов «Подвиг Народа в Великой Отечественной войне 1941—1945 гг.»  (неопр.) (недоступная ссылка — история). Шыӧдчан кадпас: 23 лӧддза-номъя тӧлысь 2013. Архивируйтӧма 13 рака тӧлысь 2012.

Представление к званию Героя Советского Союза  (неопр.). Шыӧдчан кадпас: 23 лӧддза-номъя тӧлысь 2013. Архивируйтӧма 28 лӧддза-номъя тӧлысь 2013.

19985809 Указ Президиума Верховного Совета СССР о присвоении звания Героя Советского Союза  (неопр.). Шыӧдчан кадпас: 23 лӧддза-номъя тӧлысь 2013. Архивируйтӧма 28 лӧддза-номъя тӧлысь 2013.

• Обобщенный банк данных «Мемориал»  (неопр.) (недоступная ссылка — история). Шыӧдчан кадпас: 23 лӧддза-номъя тӧлысь 2013. Архивируйтӧма 10 ода-кора тӧлысь 2012.

ЦАМО, ф. 33, оп. 11458, д. 180, л. 1  (неопр.).

ЦАМО, ф. 33, оп. 11458, д. 180, л. 2  (неопр.).

ЦАМО, ф. 33, оп. 594260, д. 71  (неопр.).

ЦАМО, ф. 33, оп. 563785, д. 8  (неопр.).

Ыстӧгъяс

• Прыгунов Александр Васильевич на www.az-libr.ru  (неопр.). Шыӧдчан кадпас: 23 лӧддза-номъя тӧлысь 2013.
• Книг памяти Республики Коми  (неопр.). Шыӧдчан кадпас: 23 лӧддза-номъя тӧлысь 2013.
• Вспомним павших героев  (неопр.) (недоступная ссылка — история). Шыӧдчан кадпас: 23 лӧддза-номъя тӧлысь 2013. Архивируйтӧма 28 лӧддза-номъя тӧлысь 2013.
• Навечно в строю  (неопр.). Шыӧдчан кадпас: 23 лӧддза-номъя тӧлысь 2013. Архивируйтӧма 28 лӧддза-номъя тӧлысь 2013.
• Твои люди, Автозавод  (неопр.). Шыӧдчан кадпас: 23 лӧддза-номъя тӧлысь 2013. Архивируйтӧма оригинала 30 рака тӧлысь 2014 года.
• Их именами названы наши улицы  (неопр.). Шыӧдчан кадпас: 23 лӧддза-номъя тӧлысь 2013. Архивируйтӧма 28 лӧддза-номъя тӧлысь 2013.