Рассыхаев

Рассыхаев – коми йӧз пӧвстын тшӧкыда паныдасьлысь ов, Рассыхаевъясыс унаӧнӧсь Кулӧмдiн сиктын.

Тайö овыс Роч муысь локтöм мортлöн. 1678 воын Сереговын, сов вöчанiнын, аслас керкаын овлöма дорччысь (кузьнеч) «Иван Михайлов сын Рассыхаев», кодлöн вöлöма 12 арöса Якушка да 5 арöса Васька пиян. Гижалан небöгас пасйöма, мый сiйö воöма Совдорысь (рочӧн Соль Вычегодская).

Этимология

Коми фольклор туялысь Плесовский Ф.В. "Комиын овъяс" небӧгын гижӧма, мый овыс артмöма «рассохнуть» роч кывйысь, вежöртасыс «косьмыны».

Эм и мукöд видзöдлас ов артмöм вылас. Рассыхаев овыс артмö роч «рассоха» кывйысь. Сылöн вежöртасыс – «вожа пу». Вермас лоны, ов новлöдлысьясыс вöлi вöчалöны быдсяматорсö вожöдöм пуясысь.

Öти вужъя овöн лоö Рассохин.

Нималана йöз

• Рассыхаев Иван Степанович (1878, вӧльгым тӧлысь 16-ӧд лун, Кулӧмдiн – 1968, тӧвшӧр тӧлысь 16-ӧд лун, Кулӧмдiн) – коми гижысь.
• Рассыхаев Василий Николаевич (1922, моз тӧлысь 20-ӧд лун, Кулӧмдiн – 1990, вӧльгым тӧлысь 19-ӧд лун, Сыктывкар) – коми актёр, Коми АССР-са народнöй артист (1971).
• Рассыхаев Иван Егорович (1906, косму тӧлысь 6-ӧд лун, Кулӧмдiн – ?) – Коми АССР-са просвещение министр (1947-1951).
• Рассыхаев Денис Александрович (1981, Зеленеч) – В.Савин нима Драма театрын ворсысь.
• Рассыхаев Алексей Николаевич (1977, Кулӧмдін) - наукаын уджалысь, коми фольклор туялысь.

Ӧшмӧсъяс

• Плесовский Ф.В. Комиын овъяс / Сост. И.Л. Жеребцов. – Сыктывкар, 1997. – 141 с.

Кывлӧн либӧ кывтэчаслӧн вежӧртасъяс лыддьӧг лӧсялана статьяяс вылӧ ыстӧгӧн.
Ті кӧ сюринныд татчӧ Рувики проектын мӧд статьяысь, корам бергӧдчыны и стӧчмӧдны ыстӧгсӧ, медым сійӧ вайӧдіс колана статьяӧ.
Тайӧ лист бокын вайӧдӧма:

Ӧткодь ова йӧз йылысь статьяяс лыддьӧг.

Мӧд вежӧртасъяс. Видзӧд тшӧтш: статьяяслысь тырвыйӧ лыддьӧг, кодъяслӧн нимыс заводитчӧ «Рассыхаевсянь».

Видзӧд тшӧтш: статьяяслысь тырвыйӧ лыддьӧг, кодъяслӧн нимыс заводитчӧ «Рассыхаевсянь».