Рассыхаев Иван Егорович

Рувикиын эмӧсь мукӧд йӧз йылысь статьяяс, кодъяслӧн овыс Рассыхаев.

Рассыхаев Иван Егорович
Чужан лун	6 (19) косму 1906
Чужанін	Кулӧмдін, Коми Республика, РСФСР либӧ Усть-Сысольск уезд, Вӧлӧгда губерния, Россияса империя
Кулан лун	1974
Куланін	Сыктывкар, Коми Автономнӧй Сӧветскӧй Социалистическӧй Республика, РСФСР, Сӧветскӧй Социалистическӧй Республикаяслӧн Союз
Мыйся уджыс	велӧдысь, просветитель

Рассыхаев Иван Егорович (комиöн – Ёгор Вань) – Коми АССР-са просвещение министр (1947-1951).

Олан туй

• 1906, косму тöлысь 6 лун – чужис Кулӧмдiн сиктын.
• 1912–1916 – велöдчис Кулöмдiнса земскöй училищеын.
• Уджаліс Мыс сиктын изба-читальняын веськöдлысьöн.
• 1920–1922 – велöдчис Совпартшколаын.
• куим во веськöдліс Кулöмдін вöлöсьтса исполкомöн.
• 1926–1927 – вöлі Гöрд Армияын.
• 1929–1932 – студенталiс Ленинградын А.И. Герцен нима пединститутын.
• 1932, сора тöлысь–1934, йирым тöлысь – Уллянаса видз-му техникумын директор.
• кык во уджаліс Войвыв крайкомитетын кадръяс серти инструкторöн, куим во велöдіс Сыктывкарса 2-öд номера школаын.
• 1941, сора тöлысь – 1943 – вöлi Айму вӧсна Ыджыд тыш вылын, служитiс Медшöр веськöдлöмлöн резервын, 385 гаубица артиллерия полкын. Тышкасис Калинин, Балтикабердса, Рытыв-Войвыв да 3-öд Украинаса фронтъяс вылын. Вöлі армияса политотделын политуджалысьöн да лекторöн. Кыкысь ранитчыліс да контужитчыліс.
• 1945 – уджалiс ВКП (б) Коми обкомын, пропаганда да агитатия юкöнын веськöдлысьöс вежысьöн.
• 1946, öшым тöлысь 22 лун – ВКП (б) Коми обком индiс сiйöс Коми АССР-са просвещение министрöн.
• 1947, рака тöлысь 29 лун – 1951, косму тöлысь 6 лун – уджалiс Коми АССР-са просвещение министрöн.
• 1951, йирым тöлысь 3 лун – 1959 – веськöдлiс Сыктывкарса педагогика училищеöн.
• 1959 – сэні жö пенсия вылö петтöдз уджаліс история велöдысьöн.
• 1974 – куліс Сыктывкарын.

Мукöд удж

И.Е. Рассыхаевöс бöрйылісны Коми АССР-са Верховнöй Сöветö депутатöн, КПСС-са Коми обкомö пырысьöн.

Наградаяс

Кыдзи Айму вöсна Ыджыд тыш вылö ветлысь:

• Кык Гӧрд кодзув да II тшупӧда Айму тыш орденъяс;
• Збойлунысь да 1941-1945 воясӧ Айму вӧсна Ыджыд тышын Германия весьтын Вермӧмысь медальяс.
• Просвещениеса отличник морöс пас.

Öшмöсъяс

• Игнатов М.К. Усть-Куломский район: помни прошлое, зная настоящее, делай будущее (1620–2008). – Сыктывкар, 2009. – С. 313.
• Габов П.В. Народное образование в лицах (Коми АССР, XX век) // Известия Общества изучения Коми края: научно-популярный краеведческий журнал. – Сыктывкар, 2010. – Вып. 13. – С. 33-42.