Савельева Элеонора Анатольевна
| Савельева Элеонора Анатольевна | |
|---|---|
 | |
| Чужан лун | 1937-ӧд вося вӧльгым тӧлысь 15-ӧд лун (88 арӧс) |
| Чужанін | |
| Страна | |
| Мыйся уджыс | археолог, историк, университетын велӧдысь, культурный антрополог, социоантрополог |
| Ошканпасъяс да премияяс |
   |
Савельева Элеонора Анатольевна (1937 вося вӧльгым тӧлысь 15-ӧд лун, Сыктыв районса Поёл сикт) — коми войтырлысь история да археология туялысь, история наукаяс доктор (1995), Коми АССР-са наукаын нимӧдана уджалысь (1987), Россияса наукаын нимӧдана уджалысь (1998).
Олантуй
Чужис 1937 вося вӧльгым тӧлысь 15-ӧд лунӧ Сыктыв районса Поёл сиктын.
1959 воын Урал канмуса университетысь история факультет (Свердловск) помалӧм бӧрын сійӧс мӧдӧдісны Сыктывкарӧ СССР-са наукаяс академиялӧн Коми филиалӧ: уджаліс история, этнография да археология юкӧдын старшӧй лаборантӧн, 1961—1972 воясӧ — младшӧй научнӧй сотрудникӧн. 1969 воын СССР-са наукаяс академиялӧн археология Институтын (Москва) дорйис история наукаясса кандидат ним вылӧ диссертация (нимыс — «Пермь вычегодская по археологическим материалам»).
1972—1985 воясӧ уджаліс Сыктывкарса канму университетын: история-филология факультетса история кафедраын старшӧй велӧдысьӧн (1972—1975), СССР-са история кафедраын доцентӧн (1975—1977), история факультетса деканӧн (1977—1979), СССР-са история кафедраын доцентӧн (1979—1982), СССР-са история кафедраӧн веськӧдлысьӧн (1982—1985). 1985 восянь уджалӧ Кыв, литература да история институтын археология отделын веськӧдлысьӧн (бӧрйисны конкурс серти), 1991 восянь — институтса директорӧс вежысьӧн наука юкӧнын.
1995 воын Россияса наукаяс академиялӧн археологии Институтын (Москва) дорйис история наукаяс доктор ним вылӧ диссертация (нимыс — «Европейский Северо-Восток в эпоху средневековья»).
Туясян удж
Небӧгъяс
• Пермь вычегодская. — Москва, 1971;
• История Коми АССР. — Сыктывкар, 1978;
• Вымские могильники. — Л., 1987;
• Археология Коми АССР: учебное пособие. — Сыктывкар
• Археология Республики Коми. — Москва, 1997;
• Финно-угры Поволжья и Приуралья в средние века. — Ижевск, 1999.
Наградаяс
Коми Республикаса
• Коми АССР-са наукаын нимӧдана уджалысь (1987);
• Коми АССР-са Министръяслӧн Сӧветлӧн Почёт грамота;
• Коми АССР-са Вылыс Сӧветысь президиумлӧн Почёт грамота;
• «Бур уджысь» медаль (1970);
• Коми комсомоллысь премия босьтысь;
• Коми Республикаса канму премиа наука юкӧнын босьтысь (1998);
• Коми Республикаса наукаын почёта уджалысь 2017[1].
Россияса
• Россияса наукаын нимӧдана уджалысь (1998).
Ӧшмӧсъяс
• http://pyioldino.narod.ru/savelyeva.html
• Муравьева С. Элеонора САВЕЛЬЕВА: «Жить и работать по-другому я не умею» // Регион журнал, 2012 во, вӧльгым тӧлысь 30-ӧд лун
• Сивкова А. Элеонора Савельева: Археолог — мужская профессия // «Республика» газет, 2007 во, вӧльгым тӧлысь 16-ӧд лун