Самсонов Павел Владимирович

Павел Владимирович Самсонов
Чужан лун	1920 вося сора тӧлысь 12-ӧд лун
Чужанін	Луганск
Кулан лун	1997 вося тӧвшӧр тӧлысь 7-ӧд лун
Куланін	Волгоград, Россия
Канму	СССР
Тышъяс/вӧйнаяс	Айму вӧсна Ыджыд тыш
Наградаяс да премияяс

Самсонов Павел Владимирович (1920 вося сора тӧлысь 12-ӧд лун, Луганск — 1997 вося тӧвшӧр тӧлысь 7-ӧд лун, Волгоград) — медводдза Прибалтийскӧй фронтса 3-ӧд сынӧдса армиялӧн 211-ӧд штурмӧвӧй авиация дивизияса 723-ӧд штурмӧвӧй авиация полкса штурман, капитан, Айму вӧсна Ыджыд тышын участвуйтысь, Комиысь Сӧветскӧй Союзса Герой.

Олантуй

Чужис 1920 вося сора тӧлысь 12-ӧд лунӧ Украина ССР-лӧн Луганск карын. Уджаліс паровоз стрӧитан заводын разметчикӧн.

Гӧрд Армияын 1938 восянь. 1940 воын помаліс авиация школа. 1941 вося лӧддза-номъя тӧлыссянь Айму вӧсна Ыджыд тыш вылын. 1944 вося кӧч тӧлысь кежлӧ вӧчис 110 боевӧй лэбзьӧм противникӧс да боевӧй техникасӧ штурмуйтӧм могысь.

1945 вося урасьӧм тӧлысь 23-ӧд лунӧ командованиелысь боевӧй заданиеяс образцӧвӧя олӧмӧ пӧртӧмысь да та дырйи мужество да героизм петкӧдлӧмысь капитан Самсонов Павел Владимировичлы сетӧма Сӧветскӧй Союзса Герой ним Ленин орден да «Зарни Кодзув» медаль сетӧмӧн.

Вӧйна бӧрын водзӧ служитіс СССР-са ВВС-ын. 1960-1964 воясӧ вӧлі 45134 №-а воинскӧй часьтса командирӧн Вӧркутаын, Коми АССР. 1961 воын 12 партконференция вылын сійӧс бӧрйисны партиялӧн Вӧркута карса комитетӧ пырысьӧн.

1964 восянь полковник П. В. Самсонов запасын. Оліс да уджаліс Волгоград карын. Кувсис 1997 вося тӧвшӧр тӧлысь 7-ӧд лунӧ. Дзебӧмаӧсь Волгоградын Димитриевскӧй шойнаын.

Наградаяс

• Сӧветскӧй Союзса Герой ним (1945.02.23);
• «Зарни Кодзув» медаль (1945.02.23);
• Ленин орден (1945.02.23);
• Айму вӧсна Ыджыд тышса I тшупӧда орден (1943.12.25);
• Гӧрд Дӧрапас орден (1944.03.23);
• Александр Невскӧй орден (1944.09.03);
• медальяс .

Паметь

• Волгоградын пуктӧма казьтылан пӧв .
• Документальнӧй фильм «Освободители. 10 – Штурмовики».

Литература

• Самсонов, Павел Владимирович (рус.). Сайт «Герои страны». Шыӧдчан кадпас: 28 кӧч тӧлысь 2013.
• Булкин С. П. Герои Отечества. 2-е изд. Донецк: Донбас, 1977.
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Подвиги, ставшие легендой. Донецк: Донбас, 1985.
• Книга памяти Республики Коми. Т. 9/ сост. В. М. Котельников, А. М. Калимова, А. А. Карпов. — Сыктывкар, 2002.
• Книга памяти Республики Коми. Т. 10 / составители В. М. Котельников, А. М. Калимова, А. А. Карпов. — Сыктывкар, 2004.
• Книга памяти Республики Коми. Т. 12 / составители А. А. Карпов, О. А. Сергичева, Л. Н. Двинская. — Сыктывкар, 2013.
• Фотолетопись Республики Коми. Книга первая. 1921 – 1970 годы. – Сыктывкар, 2011.
• Слава и гордость нашего края : Герои-земляки и защитники Сталинграда / составитель А. В. Майоров. – Волгоград, 2000.

Ыстӧгъяс