Сафронов Пётр Сергеевич

Пётр Сергеевич Сафронов
Пётр Сергеевич Сафронов
Чужан лун	1925 вося моз тӧлысь 25-ӧд лун
Чужанін	Моркваши, Елабуга район, Татарстан
Кулан лун	1995 вося вӧльгым тӧлысь 25-ӧд лун
Куланін	Сыктывкар, Коми Республика, Россия
Войска сикас	пехота
Звание
Тышъяс/вӧйнаяс	Айму вӧсна Ыджыд тыш
Отставкаын	1948 восянь

Сафронов Пётр Сергеевич (1925 вося моз тӧлысь 25-ӧд лун, Татарскӧй АССР-са Елабуга районса Моркваши грезд — 1995 вося вӧльгым тӧлысь 25-ӧд лун, Сыктывкар) — Айму вӧсна Ыджыд тышын участвуйтысь, Комиысь Сӧветскӧй Союзса Герой, Центральнӧй фронтса 61-ӧд армиялӧн 76-ӧд гвардейскӧй стрелкӧвӧй дивизияса 234-ӧд гвардейскӧй стрелкӧвӧй полкса стрелок, гвардияса ефрейтор^[1]^[2].

Олантуй

Пётр Сергеевич Сафронов чужліс 1925 вося моз тӧлысь 25-ӧд лунӧ Татарскӧй АССР-са Елабуга районса Моркваши грездын (ӧні пырӧ Поспеловскӧй сикт овмӧдчӧминӧ^[3]). Помаліс школалысь 8 класс да фабрично-заводскӧй школа, мый помалӧм бӧрын уджаліс химическӧй заводын слесарӧн.

1943 вося тӧвшӧр тӧлысьын босьтӧмаӧсь Гӧрд Армияӧ. Тӧвшӧр тӧлыссянь Айму вӧсна Ыджыд тыш вылын.

1943 вося кӧч тӧлысь 28-ӧд лунӧ Сафронов 9 морткӧд форсируйтіс Днепр, медым босьтны плацдарм да вуджӧдны полксӧ ю вомӧн. Десантыс муніс зэра поводдя дырйи, и противник казяліс десантникъясӧс сӧмын вадорлань матыстчигӧн нин. Гитлеровецъяс заводитісны лыйлыны пулемётысь да ружьеясысь, а сідзжӧ лыйисны артиллерийскӧй орудиеысь, но десантникъяс сяммисны петны берегӧ. Пулемётчикъяс Болодурин да Масляков бырӧдісны ӧрудиелысь расчётсӧ, а боечьяс, траншеяӧ пырӧмӧн, бырӧдісны противниклысь салдатъяссӧ. Сафронов ачыс бырӧдіс противниклысь дасысь унджык салдатӧс. Босьтӧм ӧрудиеӧн вӧдитчисны прӧтивниклӧн контратакуйтысь салдатъяслы паныд. Тышыс муніс лунтыр. Десантса командир Курманов да куим боеч тайӧ тышас пӧгибнитісны. Тыш мунан поле вылӧ вӧлі кольӧма противниклӧн 150 гӧгӧр салдат.

«Гӧрд Армияса генералъяслы, офицеръяслы, сержантъяслы да рядӧвӧйяслы Сӧветскӧй Союзса Герой ним сетӧм йылысь» СССР-са Медвылыс Сӧвет Президиумлӧн 1944 во тӧвшӧр тӧлысь 15-ӧд лунся Индӧдӧн «Днепр ю форсируйтігӧн командованиелысь боевӧй заданиеяс образцӧвӧя олӧмӧ пӧртӧмысь да та дырйи мужество да героизм петкӧдлӧмысь» сетӧма Сӧветскӧй Союзса Герой ним Ленин орден да «Зарни Кодзув» медаль сетӧмӧн^[4].

Вӧйна помасьӧм бӧрын Сафронов водзӧ служитіс армияын. 1948 воын лейтенант званиеын муніс запасӧ.

1963 воӧ воис Коми АССР-ӧ. Оліс Железнодорожнӧй посёлокын (ӧні — Коми Республикаса Княжпогост районса Емва кар).

1963 восянь Пётр Сафронов уджаліс МВД-ын. Кувсис 1995 вося вӧльгым тӧлысь 25-ӧд лунӧ Сыктывкарын^[1].

Бюст (веськыдвылын) Елабугаса Геройяс аллея вылын

Наградаяс

• Сӧветскӧй Союзса Герой ним (1944.01.15);
• Ленин орден (1944.01.15);
• «Зарни Кодзув» медаль (1944.01.15);
• Айму вӧсна Ыджыд тышса I тшупӧда орден;
• «Почёт пас» орден^[5].

Паметь

• Елабуга да Менделеевск карын Геройяс аллея вылын пуктӧма П.Сафроновлы паметник;
• 2009 воын Елабуга педагогика институтын пуктісны П.Сафроновлы казьтылан пӧв.

Пасйӧдъяс

↑ ¹ ² Книга памяти Республики Коми. Сафронов Пётр Алексеевич
↑ Александров А. Сафронов Пётр Сергеевич // Республика Коми. Энциклопедия. Том III. — Сыктывкар: Коми книжное издательство, 2000. — С. 16.
↑ Почтовые индексы населенных пунктов Елабужского района Республики Татарстан (неопр.). Шыӧдчан кадпас: 30 моз тӧлысь 2013. Архивируйтӧма 17 тӧвшӧр тӧлысь 2016.
↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 тӧвшӧр тӧлысь (№ 4 (264)). — С. 1. Архивировано 24 кӧч тӧлысь 2021 года.
↑ Репортаж 35. Наш Герой – ефрейтор пехоты, Герой Советского Союза Сафронов Пётр Сергеевич

Литература

• Сафронов Пётр Сергеевич (рус.). Сайт «Герои страны».
• Герои Советского Союза: краткий биографический словарь / составитель И. Н. Шкадов. — М.: Воениздат, 1988. — Т. 2. Любов – Ящук.
• Книга памяти Республики Коми. Т. 10 / составители В. М. Котельников, А. М. Калимова, А. А. Карпов. — Сыктывкар, 2004.
• Фотолетопись Республики Коми. Книга первая. 1921 – 1970 годы. – Сыктывкар, 2011.
• Александров А. Н. Звезды отважных: наши земляки – Герои Советского Союза и полные кавалеры ордена Славы. – Сыктывкар,1991.
• Фронтовики Республики Коми: Документальный фотоальбом «Память огненных лет». Книга вторая / И. Н. Кильдюшов, В. И. Кильдюшова. – Тверь, 1997.
• Герои Советского Союза – наши земляки : (Сб. докум. очерков и зарисовок. В 3-х кн.) / [составители З. И. Гильманов, А. К. Айнутдинов]. – Казань : Татар. кн. изд-во. – 22 см. Кн. 3. – Казань, 1985.
• Ханин Л. Герои Советского Союза – сыны Татарии. – Казань, 1963.
• Шёл парнишке в ту пору…: герои-комсомольцы в боях за Советскую Украину в годы Великой Отечественной войны 1941–1945 гг. / авт.-сост. В. Н. Немятый и др. — Киев, 1985.

[:1-1] ¹ ² Книга памяти Республики Коми. Сафронов Пётр Алексеевич

[2] Александров А. Сафронов Пётр Сергеевич // Республика Коми. Энциклопедия. Том III. — Сыктывкар: Коми книжное издательство, 2000. — С. 16.

[3] Почтовые индексы населенных пунктов Елабужского района Республики Татарстан (неопр.). Шыӧдчан кадпас: 30 моз тӧлысь 2013. Архивируйтӧма 17 тӧвшӧр тӧлысь 2016.

[4] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 тӧвшӧр тӧлысь (№ 4 (264)). — С. 1. Архивировано 24 кӧч тӧлысь 2021 года.

[5] Репортаж 35. Наш Герой – ефрейтор пехоты, Герой Советского Союза Сафронов Пётр Сергеевич

[1]

[2]

[3]

[4]

[5]