Сердитов Семён Алексеевич
| Сердитов Семён Алексеевич | |||
|---|---|---|---|
 | |||
| Чужан лун | 1904-ӧд вося кӧч тӧлысь 14-ӧд лун | ||
| Чужанін |
|
||
| Кулан лун | 1943-ӧд вося йирым тӧлысь 18-ӧд лун (39 арӧс) | ||
| Куланін | |||
| Канму |
 СССР |
||
| Войска сикас | пехота[d] | ||
| Служитан вояс | 1942—1943 | ||
| Звание |
 |
||
| Часьт | 269-ӧд стрелковӧй полк | ||
| Командуйтіс | взводӧн | ||
| Тышъяс/вӧйнаяс | |||
| Наградаяс да премияяс |
|
||
Сердитов Семён Алексеевич (1904 вося кӧч тӧлысь 14-ӧд лун, Луздор районса Ношуль сикт —1943 вося йирым тӧлысь 18-ӧд лун) — Айму вӧсна Ыджыд тышын участвуйтысь, Сӧветскӧй Союзса Герой (1944[1])[2].
Олантуй
Семён Сердитов чужис Луздор районса Ношуль сиктын 1904 вося кӧч тӧлысь 14-ӧд лунӧ[3]. Батьыс вӧлі вӧралысьӧн да вӧр пӧрӧдысьӧн[4]. Велӧдчис начальнӧй школаын[3].
Медводз уджаліс вӧр пӧрӧдысьӧн[3], сэсся электромонтёрӧн Ношульса механизированнӧй базаын[4].
Гӧрд Армияӧ вӧлі босьтӧма призван 1942 воын Коми АССР-са Лузберд райвоенкоматсянь[5].
Фронт вылын 1942 восянь[3], тышкасис Калининскӧй фронт вылын, сэсся Воронежскӧй фронт вылын[4].
Участвуйтіс Белгород да Харьков каръяс немечьясысь мездӧм вӧсна тышъясын.
269-ӧд стрелкӧвӧй полкса взводса командир сержант Семён Сердитов 1943 вося йирым тӧлысь 3-ӧд лунӧ Днепрса Казачӧй ді вылын тыш дырйи вит боечкӧд пырис траншеяӧ, ачыс бырӧдіс дас кык салдатӧс да босьтіс прӧтивниклысь пулемётсӧ. Киев обласьтса Вышгород районса Лютеж сикт вылӧ наступайтігӧн медводдзаӧн пырис сиктӧ, кӧні бырӧдіс квайт гитлеровецӧс[3].
Уси тыш дырйи 1943 вося йирым тӧлысь 18-ӧд лунӧ[3]. Гуалӧма Киев обласьтлӧн Вышгород районса Лютеж сиктын.
«Гӧрд Армияса генералъяслы, офицеръяслы, сержантъяслы да рядӧвӧйяслы Сӧветскӧй Союзса Герой ним сетӧм йылысь» СССР-са Верховнӧй Сӧвет Президиумлӧн 1944 во тӧвшӧр тӧлысь 10-ӧд лунся Индӧдӧн «немецко-фашистскӧй захватчикъяскӧд тыш нуӧдігӧн командованиелысь боевӧй заданиеяс образцӧвӧя олӧмӧ пӧртӧмысь да та дырйи повтӧмлун да геройство петкӧдлӧмысь» сетӧма Сӧветскӧй Союзса Герой ним кулӧм бӧрас[3][6].
Наградаяс
• Сӧветскӧй Союзса Герой почёт ним (1944.01.10)
• Ленин орден (1944.01.10)
• «Зарни Кодзув» медаль (1944.01.10)
Паметь
• Сылысь нимсӧ сетӧма Ношуль сиктын уличалы да шӧр школалы[3];
• Сувтӧдӧма казьтылан пӧв керка вылӧ, кӧні оліс С. А. Сердитов[3];
• 1976 вося кӧч тӧлысьын Сыктывкарын РСФСР-са ВДОАМ-лӧн республиканскӧй сӧвет медводдзаысь нуӧдіс Сӧветскӧй Союзса Герой С. А. Сердитовлы сиӧм автомашинаӧн вермасьӧм кузя спорт ордйысьӧмъяс, водзӧ вылӧ найӧс нуӧдлісны быд во кӧч тӧлысь 15-16 лунъясӧ[4];
• «Юрган» телеканал вӧчліс «Герои. История подвига. Семён Сердитов» кино:
«Герои. История подвига. Семён Сердитов»;
• 2000 воын Ношуль сиктын сувтӧдӧма казьтылан плита[7]
Литература
• «Герои страны» проектын С. А. Сердитов йылысь
• Сердца и звёзды. — 2-е изд., доп. — Сыктывкар, 1971.
• Александров А. Н. Семнадцать Золотых Звёзд. — Сыктывкар, 1984. — С. 30—35.
• Репортаж 36. Наш Герой — сержант пехоты Сердитов Семён Алексеевич
Ыстӧгъяс
- ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 января (№ 3 (263)). — С. 1
- ↑ Александров А. Сердитов Семён Алексеевич // Республика Коми. Энциклопедия. Том III. — Сыктывкар: Коми книжное издательство, 2000. — С. 40.
- ↑ 1 2 3 4 5 6 7 8 9 Сердитов Семён Алексеевич // Герои Советского Союза: краткий биографический словарь в 2-х тт. / редколл., предс. И. Н. Шкадов. — М.: Воениздат, 1988. — Т. 2. — С. 445.
- ↑ 1 2 3 4 Каракчиев В. За кубок Героя Советского Союза // Автомобильный транспорт: журнал. — 1976. — № 12. — С. 58.
- ↑ Книга памяти Республики Коми. Сердитов Семён Алексеевич
- ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 тӧвшӧр тӧлысь (№ 3 (263)). — С. 1.
- ↑ Памятная плита Герою Советского Союза А. С. Сердитову, с. Ношуль