С. Я. Маршак нима Коми Республикаса челядьлы национальнӧй библиотека

Босьтӧма Рувикиысь
«С. Я. Маршак нима Коми Республикаса челядьлы национальнӧй библиотека» Коми Республикаса канму сьӧмкуд учреждение
С. Я. Маршак нима Коми Республикаса челядьлы национальнӧй библиотека (Маршаковка)
Национальная детская библиотека РК им. С. Я Маршака.jpg
61°40′13″ с. ш. 50°50′22″ в. д.GЯO
Страна
Инпас Коми Республика, Сыктывкар, Сӧветскӧй ул., 20 к.
Лӧсьӧдӧма 1935 воын
Фонд
Мый пырӧ фондӧ Челядьлы коми национальнӧй литература, С.Я. Маршаклӧн литература фондысь босьтӧм небӧгъяс, финн—йӧгра челядьлы литература, челядьлӧн авторскӧй литература гижӧдъяс. Небӧгъяс, газет—журналъяс, нотаяс да электроннӧй документъяс
Фондлӧн ыджда 130000 (2023 во)
Вӧдитчанног
Условия записи Гижӧдӧны сэк, кор эм паспорт
Лыддьысьысь лыд 10000, верстьӧ йӧз да челядь (2019 во)
Мӧд юӧр
Директор Круглова Марина Юрьевна
Веб-сайт ndbmarshak.ru

С. Я. Маршак нима Коми Республикаса челядьлы национальнӧй библиотека (дженьыда «С. Я. Маршак нима ЧНБ» КР КСУ; библиотекасӧ сідзжӧ тӧдӧны Маршаковка бренд улын) (рочӧн Национальная детская библиотека Республики Коми им. С. Я. Маршака) — челядьлы да велӧдысьяслы библиотека фондъяс медшӧр видзанін, челядь лыддьысьӧм да челядьлы коми национальнӧй литературалысь библиография лӧсьӧдӧм серти научно—методическӧй да туялан шӧрин.

Библиотекаыс меститчӧ торъя стрӧйбаын, небӧг фондӧ пырӧ 130 сюрс документ: тайӧ небӧгъяс, газет—журналъяс, нотаяс да электроннӧй документъяс[1][2].

История

1935 воын Коми АССР-са Сыктывкарын воссис челядьлы медводдза библиотека. Сійӧ кадас библиотекаыс меститчис Удж уличаса (ӧні Куратов улича) неыджыд керкаын, фондын вӧлі 13 сюрс небӧг. Штатын уджалісны куим библиотекар, артавсис 1700 лыддьысьысь[3][1].

Айму вӧсна Ыджыд тыш воясӧ библиотекаыс эз дугдыв уджавны, нуӧдлісны сӧветскӧй воинъяслӧн подвигъяс йылысь сёрнияс, лыддьысьысьяс вайлісны небӧгъяс фашистъясӧн рӧзӧритӧм библиотекаяс бӧр лӧсьӧдӧм могысь.

1946 воын библиотека вуджис Интернациональнӧй уличаын сулалысь карса Пионер керкаӧ, а 1957 воын библиотекалы сетӧны жыр Пионеръяслӧн да школьникъяслӧн республикаса двореч керкаын (Орджоникидзе ул.). Библиотекаын гораа лыддисны небӧгъяс, петкӧдлісны диафильмъяс, аддзысьлісны челядьлы нималана гижысьяскӧд, на лыдын Сергей Баруздин, Виталий Губарев, Илья Туричин да мукӧд[3].

1958 восянь 1967 воӧдз библиотекаӧн веськӧдліс Мария Аксёновна Абрамова.

1958 воын библиотекалы сетӧма «РСФСР-са медбур библиотека» диплом.

1965 воын библиотека вуджис Сӧветскӧй уличавывса ӧнія стрӧйбаӧ, мӧд судтаас. Таӧдз тані вӧлі В. И. Ленин нима Коми республикаса библиотека, ӧнія Коми Республикаса национальнӧй библиотека. Сэні лоины ыджыд лыддьысян залъяс, 1—8 классъясын велӧдчысьяслы абонементъяс, небӧг видзан юкӧн. Библиотекалӧн небӧг фондыс содіс 28 сюрс небӧгӧдз, лыддьысьысьыс — 5 сюрсысь унджык мортӧдз. С. Я. Маршак нима Коми Республикаса челядьлы национальнӧй библиотекалӧн стрӧйба пырис «Сыктывкарса архитектура памятникъяс да историческӧй стрӧйбаяс — Коми Республикаын история да культура озырлун объектъяс» лыддьӧгӧ. «Сыктывкар» энциклопедияын (2010 во) индӧма, мый 1903—1904 воясӧ изйысь тайӧ стрӧйбасӧ кыпӧдлӧма купеч Павел Матвеевич Камбалов аслас семьяыслы[4].

Здание библиотеки начала XX века.jpg

1965 воын библиотекалы вӧлі сетӧма Самуил Яковлевич Маршаклысь ним. Библиотекалӧн фондъясын видзӧны аслыспӧлӧс йӧзӧдӧмторъяс, С. Я. Маршак рӧдвужлысь да матыссаяслысь письмӧяс.

1967 воын Коми АССР-са Министръяс Сӧветлӧн шуӧм серти Сыктывкарса челядьлы библиотека бердын вӧлі восьтӧма С. Я. Маршак нима республикаса челядьлы библиотека, коді веськӧдліс республикаын челядьӧс могмӧдӧм серти став котыртан-методическӧй уджӧн. Библиотекаса директорӧн индӧны Августа Степановна Васькинаӧс, Коми Республикаса культураын нимӧдана уджалысьӧс. Библиотека тэчасын лоӧны выль юкӧнъяс: литература комплектуйтан да обработайтан, научно-методическӧй, справочно-библиографическӧй, школаӧдзса челядьӧс да 1—4 класса велӧдчысьясӧс да 5—8 класса велӧдчысьясӧс могмӧдан юкӧнъяс.

Кольӧм нэмся 60-ӧд вояс помсянь библиотека зіля лӧсьӧдӧ челядьлы национальнӧй библиография (коми национальнӧй литература, ас му туялӧм, Коми мулӧн история, коми гижысьяслӧн творчество серти торъя библиография индӧдалысь чукӧр, коми литература да искусство серти ӧтувъя юӧртан индалысьяс, «Коми гижысьяс — челядьлы» библиография кывкудъяс). Россияса наукаяс академиялӧн Коми филиалын кыв да литература институткӧд ӧтув библиотека лэдзис школаын велӧдчысьяслы «Коми литература» энциклопедия кывкуд. 2007 воын петіс школаын велӧдчысьяслы «Литература Коми» кывкуд.

1970-ӧд воясӧ библиотекаӧ локтӧ уна том специалист, Н. К. Крупская нима Ленинградса канму культура институтын библиотека факультет помалысьяс. Библиотека лоӧ студентъяслы практика нуӧдан базаӧн. 1972 восянь библиотекаын нуӧдсьӧ С. Я. Маршаклысь творчествосӧ челядьӧн да томуловӧн гӧгӧрвоӧм серти наука—туялан удж.

1976 воын Августа Степановна Васькиналӧн юрнуӧдӧм улын заводитчис библиотекалы ставнас стрӧйбасӧ сетӧм серти удж. 1981 воын библиотекасӧ капитальнӧя дзоньталӧм да выльмӧдӧм бӧрын сійӧ тырвыйӧ кутіс меститчыны кык судта керкаас.

1985 восянь библиотекаӧн веськӧдлӧ Валентина Николаевна Головина, Россия Федерацияса культураын нимӧдана уджалысь, Коми Республикаса нимӧдана уджалысь. Сылӧн веськӧдлӧм улын выль ног котыртӧны библиотекалысь тэчассӧ, лӧсьӧдӧны выль юкӧнъяс да секторъяс, вежӧны библиотекалысь пытшкӧсса ӧбликсӧ, лӧсьӧдӧны челядьлы национальнӧй библиотека статусӧн сӧвмӧдан концепция. 2000 вося лӧддза-номъя тӧлысьын библиотека босьтӧ «Коми Республикаса челядьлы национальнӧй библиотека» статус (Россияын дзик ӧти), пырӧ Россияса челядьлы библиотекаяслӧн ассоциацияӧ, «Евразияса библиотечнӧй ассамблея» абу коммерческӧй партнёрствоӧ, Коми Республикаын ӧтувъя юӧртан пространство лӧсьӧдӧм, национальнӧй электроннӧй библиотека лӧсьӧдӧм серти «Чукӧр» корпорацияӧ. Библиотека пырӧдчӧ «Россияса культура», «Россияса челядь» федеральнӧй уджтасъясӧ, уна сикас проектӧ, конкурсӧ. Библиотека — челядькӧд библиотека удж нуӧдан, челядьлы коми национальнӧй литературалысь библиография лӧсьӧдан юалӧмъяс серти научно-методическӧй, аналитическӧй да туялан удж нуӧдан шӧрин[3].

Фонд

Библиотекалӧн фондын 130 сюрс сайӧ документ, сэтчӧ пырӧны небӧгъяс, газет-журналъяс, нотаяс, аудио, видео да электроннӧй документъяс. Библиотекаын лӧсьӧдӧны челядьлы коми национальнӧй литературалысь, С. Я. Маршаклӧн литература фондысь босьтӧм небӧгъяслысь, сы лыдын Россияса войтырлӧн да суйӧрсайса кывъяс вылын йӧзӧдӧм небӧгъяслысь, депозитарнӧй фонд, челядьлы финн-йӧгра литературалысь, челядьлӧн авторскӧй литература гижӧдъяслысь фонд[1][2][5].

Тэчас

Челядьлы лыддьысян шӧрин — уна мога юкӧн, кодлӧн медшӧр могыс — сӧвмӧдны челядьлы небӧг, челядьлы да семьялы лыддьысьӧм дорӧ муслунсӧ.

Медшӧр нырвизьяс:

• Маркетинг, методика да уна йӧза удж;
•Челядьлы литература вӧзъян библиография;
•Бать-мамкӧд да велӧдысьяскӧд удж;
•Выставкаяс нуӧдӧм;
•Библиотека могмӧдӧм;
•«Филин» шӧринын экологическӧй культура сӧвмӧдӧм.

Абонементъяс юкӧн — став библиография ресурсӧн да выль юӧртан технологияясӧн вӧдитчӧмӧн могмӧдӧ юӧрӧн школаӧдзса челядьӧс, школаын велӧдчысьясӧс, студентъясӧс, бать-мамӧс да велӧдысьясӧс.

Медшӧр нырвизьяс:

• Литература паськӧдӧм;
•Юӧр боксянь тӧдӧмлун сӧвмӧдӧм.

Чужан му туялан да коми литература юкӧн — юкӧнын эмӧсь Коми мулӧн история, география, литература да искусство серти материалъяс. Юкӧн котыртӧ республикаса гижысьяскӧд, учёнӧйяскӧд, чужан му туялысьяскӧд, артистъяскӧд да том авторъяскӧд аддзысьлӧмъяс.

Фондъяс лӧсьӧдан, на серти учёт нуӧдан да найӧс видзан юкӧн — котыртӧ библиотекалысь фондсӧ, сикасалӧ воысь документъяссӧ да котыртӧ библиотекалысь каталогъяссӧ[6].

Наградаяс

1958 воын библиотекалы сетӧма «РСФСР-са медбур библиотека» диплом.

Библиотекаса авторскӧй котыръяслы кыкысь вичмыліс ыджыд награда — Коми Республикаса Веськӧдлан котырлӧн культура юкӧнын премия:

• 2006 во — «Небӧг да лыддьысьӧм пыр челядьӧс коми культуралӧн донаторъясӧн да традицияясӧн тӧдмӧдӧм» тема серти творческӧй уджтасъяс збыльмӧдӧмысь.
•2010 во — «Библиотерапия да лыддьысьӧм да небӧг культура пыр дзоньвидзалунын дзескӧдӧм позянлуна челядьлы отсӧг сетӧм» проект лӧсьӧдӧмысь да збыльмӧдӧмысь.

2007 воын библиотекалы вичмис федеральнӧй награда — быдмысь войтырӧс патриотическӧя быдтӧм-сӧвмӧдӧм серти почёта медаль.

Проектъяс

• «Менам республикаса каръяс» — Коми Республика артмӧдӧмсянь 90 во тырӧмлы сиӧм проект, кодлӧн бӧртасӧн лои школаын велӧдчысьяслы татшӧм жӧ нима электроннӧй справочник лэдзӧм (2011 во);
•«Чолӧм, Куратов!» — проект збыльмӧдны сьӧмӧн отсӧгсӧ сетіс Матиас Кастрен котыр (Финляндия). Вӧлі лэдзӧма коми кыв вылын челядьлӧн литература творчество серти альманах. Небӧг дорӧ содтӧдӧн лои челядьлӧн чужан кыв вылын юрган гижӧдъяса диск (2012 во);
•«Светлячок» литература-шылада гостинӧй лӧсьӧдӧм. Зал оборудуйтӧм вылӧ ньӧбӧма 3D-телевизор, ворсан приставка, синтезатор, шылада центр, мольбертъяс да уна мукӧдтор (2013 во)[1].

Йӧзӧдӧмторъяс

Ас му туялӧм

• Книжные миры Елены Габовой: электронный методический сборник проектов / сост. О. И. Худяева. — Сыктывкар: Национальная детская библиотека Республики Коми им. С. Я. Маршака, 2022.
•Коми гижӧдлӧн вужъяс: памятка к 650-летию коми письменности / сост. О. И. Худяева. — Сыктывкар: Национальная детская библиотека Республики Коми им. С. Я. Маршака, 2022. — 8 с.
•«Восьтам ӧшинь паськыда» («У открытого окна»): литературная памятка к 125-летию коми детской писательницы Юстины Аверкиевны Поповой (1896—1980) / сост. М. В. Коданёва. — Сыктывкар: Национальная детская библиотека Республики Коми им. С. Я. Маршака, 2021. — 10 с.
•Юрий Константинович Васютов: комплект плакатов на коми яз. / сост. Н. В. Коваль. — Сыктывкар: Национальная детская библиотека Республики Коми им. С. Я. Маршака, 2021.
•Менам мойд: челядьлöн гижöд öктöд / сост. А. Н. Нестерова, Национальная детская библиотека Республики Коми им. С. Я. Маршака. — Сыктывкар: ООО «Анбур», 2020. — 84 с.
•«Изьваыс му вылас öти, Öти — и медмуса мем…» («Ижма — одна на планете, Ижма — прекраснее всех…»): материалы республиканской творческой лаборатории / сост. Н. В. Коваль, А. Н. Нестерова. — Сыктывкар: Национальная детская библиотека Республики Коми им. С. Я. Маршака, 2020. — 95 с.
•Дзордзав жӧ, Коми му = Расцветай, Коми край: литературная памятка к 125-летию коми писателя Василия Ильича Лыткина / сост. Н. В. Коваль. — Сыктывкар: Национальная детская библиотека Республики Коми им. С. Я. Маршака, 2020. — 19 с.
•Соломония Васильевна Пылаева: комплект плакатов на коми языке / сост. Н. В. Коваль. — Сыктывкар: Национальная детская библиотека Республики Коми им. С. Я. Маршака, 2020.
•Пантелеймон Александрович Образцов: биобиблиогр. указ. / сост. Н. В. Коваль. — Сыктывкар: Национальная детская библиотека Республики Коми им. С. Я. Маршака, 2019. — 91 с.
•Иван Куратов — детям = Иван Куратов — челядьлы: биобиблиографический обзор к 170-летию со дня рождения Ивана Алексеевича Куратова: на рус., коми, англ. яз. / сост. Л. З. Втюрина. — Сыктывкар: Национальная детская библиотека Республики Коми им. С. Я. Маршака, 2009. — 56 с.
•Елена Васильевна Козлова: комплект плакатов на коми языке / сост. Н. В. Коваль. — Сыктывкар: Национальная детская библиотека Республики Коми им. С. Я. Маршака, 2019.
•Александр Константинович Журавлёв: библиогр. указ. / сост. А. Н. Нестерова. — Сыктывкар: Национальная детская библиотека Республики Коми им. С. Я. Маршака, 2019. — 61 с.
•Ас вöр-ва: челядьлöн гижöд öктöд = Родная природа: на коми языке / сост. Л. З. Втюрина. — Сыктывкар: Кола, 2015. — 106 с.
•«Незабудки»: сборник работ участников республиканского конкурса детского литературного творчества к 70-летию Победы в Великой Отечественной войне / сост. Т. В. Киселёва. — Сыктывкар: Национальная детская библиотека Республики Коми им. С. Я. Маршака, 2015. — 56 с.
•Нюмсер куд: челядьлöн гижöд öктöд [кывбуръяс да висьтъяс = Лукошко улыбок: [детские стихи, рассказы]: на коми языке] / сост. А. Н. Нестерова. — Сыктывкар: Кола, 2014. — 58 с.
•Какие народы живут в Коми: справочник для школьников: на рус. яз. / сост. Л. З. Втюрина. — Сыктывкар: Национальная детская библиотека Республики Коми им. С. Я. Маршака, 2014. — 118 с.
•Природа и природные богатства нашего края: библиографический указатель для школьников / сост. Л. Ф. Корнаухова. — Сыктывкар: Национальная детская библиотека Республики Коми им. С. Я. Маршака, 2011. — 56 с.
•Растительный мир нашего края: рекомендательный указатель для школьников / сост. Л. Ф. Корнаухова. — Сыктывкар: Национальная детская библиотека Республики Коми им. С. Я. Маршака, 2010. — 35 с.
•Животный мир нашего края: библиографический указатель для школьников / сост. Л. Ф. Корнаухова. — Сыктывкар: Национальная детская библиотека Республики Коми им. С. Я. Маршака, 2008. — 36 с.

С. Я. Маршак йылысь йӧзӧдӧмторъяс

• Высокое и трудное искусство: С. Я. Маршак — переводчик: литературная памятка / сост. Е. Н. Геркиял. — Сыктывкар: Национальная детская библиотека Республики Коми им. С. Я. Маршака, 2022. — 26 с.
•Маршак на вырост: рекомендательный указатель литературы для детей среднего и старшего возраста / сост. Н. В. Коваль. — Сыктывкар: Национальная детская библиотека Республики Коми им. С. Я. Маршака, 2012. — 30 с.
•Наш Маршак: библиографический список / сост. Л. З. Втюрина. — Сыктывкар: Национальная детская библиотека Республики Коми им. С. Я. Маршака, 2009. — 6 с.
•Маршак — детям: к 110-летию со дня рождения Самуила Яковлевича Маршака: памятка / сост. Л. Ф. Корнаухова, Л. З. Втюрина. — Сыктывкар: Национальная детская библиотека Республики Коми им. С. Я. Маршака, 1997. — 6 с.
•Поезд стихов: методико-библиографические рекомендации в помощь руководителям детского чтения: [о творчестве С.Я. Маршака-переводчика] / сост. Е. В. Домбровская, С. В. Колегова. — Сыктывкар: Коми книжное издательство, 1985. — 37 с.
•«Маршак Советского Союза»: беседы о С.Я. Маршаке для учащихся 7 — 8 классов / сост. В. П. Раскина. — Сыктывкар: Коми книжное издательство, 1976. — 21 с.
•С.Я. Маршак — детям: методико-библиографические материалы в помощь работе с учащимися 1 — 3 классов / сост. Л. В. Жаринова. — Сыктывкар: Коми книжное издательство, 1976. — 34 с.[7].

Пасйӧдъяс

  1. ↑ 1 2 3 4 История Национальной детской библиотеки Республики Коми им. С. Я. Маршака. Национальная детская библиотека Республики Коми им. С. Я. Маршака. Шыӧдчан кадпас: 26 тӧвшӧр тӧлысь 2026.
  2. ↑ 1 2 Национальная детская библиотека Республики Коми им. С. Я. Маршака. Культура.РФ. Шыӧдчан кадпас: 19 тӧвшӧр тӧлысь 2026.
  3. ↑ 1 2 3 История Национальной детской библиотеки Республики Коми им. С.Я. Маршака. Национальная детская библиотека Республики Коми им. С. Я. Маршака. Шыӧдчан кадпас: 26 тӧвшӧр тӧлысь 2026.
  4. ↑ Золотарев Олег Васильевич. Город Сыктывкар. Энциклопедия. — Сыктывкар: Коми НЦ УрО РАН, 2010. — 408 с. // Человек. Культура. Образование. — 2012. — № 2 (4). .
  5. ↑ Марина Круглова: «Маршаковка – особый мир». Ежемесячный журнал о регионе «Регион». Шыӧдчан кадпас: 21 тӧвшӧр тӧлысь 2026.
  6. ↑ Структура, отделы и руководство Национальной детской библиотеки Республики Коми им. С.Я. Маршака. Национальная детская библиотека Республики Коми им. С.Я. Маршака. Шыӧдчан кадпас: 21 тӧвшӧр тӧлысь 2026.
  7. ↑ Наши издания. Национальная детская библиотека Республики Коми им. С. Я. Маршака. Шыӧдчан кадпас: 22 тӧвшӧр тӧлысь 2026.

Литература

Ыстӧгъяс

Босьтӧма "https://kv.ruwiki.ru/w/index.php?title=С._Я._Маршак_нима_Коми_Республикаса_челядьлы_национальнӧй_библиотека&oldid=482488"-ысь