Тимонин Николай Иосифович

Тимонин Николай Иосифович
Тимонин Николай Иосифович
Чужан лун	1934-ӧд вося тӧвшӧр тӧлысь 2-ӧд лун
Чужанін	Поруб, Спаспоруб сикт овмӧдчӧмин[d], Луздор район, Коми Республика, РСФСР, Сӧветскӧй Социалистическӧй Республикаяслӧн Союз или ; Коми (Зыряна) асвеськӧдлан обласьт, Войвыв край, РСФСР, Сӧветскӧй Социалистическӧй Республикаяслӧн Союз;
Кулан лун	2016-ӧд вося лӧддза-номъя тӧлысь 19-ӧд лун (82 арӧс)
Куланін	Сыктывкар, Россия;
Страна	Сӧветскӧй Социалистическӧй Республикаяслӧн Союз; Россия;
Мыйся уджыс	геолог

Тимонин Николай Иосифович (1934 вося тӧвшӧр тӧлысь 2-ӧд лун, Луздор районса Поруб грезд — 2016 вося лӧддза-номъя тӧлысь 19-ӧд лун, Сыктывкар) — геолог-туялысь, геология-минералогия наукаяс доктор.

Олантуй

Николай Тимонин чужис Коми обласьтысь Луздор районса Поруб грездын 1934 вося тӧвшӧр тӧлысь 2-ӧд лунӧ^[1].

1952 воын помаліс Изьва районса Мокчой шӧр школа, 1957 воын — В. В. Вахрушев нима Свердловскса горнӧй институтысь геолого-разведка факультет, босьтіс гӧрд диплом «Техника разведки» специальносьт серти.

1957—1961 воясӧ уджаліс Лунвыв Уралса да Оренбургса геология управленньӧяслӧн геолоразведкаясын, корсис изшом да ыргӧн куйланінъяс. 1961 восянь уджаліс СССР-са наукаяс академияысь Коми филиаллӧн Геология институтын: старшӧй лаборант, младшӧй да старшӧй научнӧй сотрудникӧн, институтса туясян секретарӧн, ведушӧй да главнӧй научнӧй сотрудникӧн.

Уджысь орӧдчытӧг помаліс аспирантура. 1983—1996 воясӧ — СССР-са наукаяс академияысь Коми филиаллӧн (ӧні — Россияса наукаяс академиялӧн Коми наука шӧрин) Президиумын веськӧдлысьӧс наукаысь вежысь.

Вӧчис ыджыд удж Коми муын туясьӧмъяс котыртӧмын, академическӧй учреждениеяс лӧсьӧдӧмын да ёнмӧдӧмын. Н. И. Тимонин унатор вӧчис СССР-са наукаяс академиялысь Коми филиалысь Коми наука шӧрин артмӧдігӧн.

Куліс Сыктывкарын 2016 вося лӧддза-номъя тӧлысь 19-ӧд лунӧ.

Туясян удж

25 во чӧж нуӧдіс туясьӧмъяс Тиманын, Войвыв да Полярнӧй Уралын, Пай-Хойын, Вайгач да Выльму діясын. Туясян уджъясыс йитчӧмаӧсь Урал-Из гӧраяс артмӧмкӧд.

Кандидат ним вылӧ диссертация дорйис 1971 воын СССР-са наукаяс академиялӧн Геология институтын.

1998 воын Коми наука шӧринса Геология институтын дорйис геология-минералогия наукаяс доктор ним вылӧ диссертациа. Йӧзӧдіс 300 сайӧ туясян удж, на лыдын 20 монографиа.

Общественнӧй удж

Н. И. Тимонин вӧчис ыджыд общественнӧй удж.

Котыртіс да веськӧдліс туясян экологическӧй уджтасъясӧн: «Сӧстӧм Печора» (1986), «Коми Республикаса видзана вӧр-ва мутасъяс» (1996). Вӧлі куим тома «Коми Республика» энциклопедияын медшӧр редакторӧс вежысьӧн.

Небӧгъяс

• «Тектоника гряды Чернышева». — Л., 1975.
• «Новоземельский мемориал». — Сыктывкар, 1995. 297 с.
• «Печорская плита: история геологического развития в фанерозое». — Екатеринбург, 1998. 240 с.
• «Палеогеодинамика Пай-Хоя». — Екатеринбург, 2004. 226 с.
• «Минералогия Пай-Хоя». — Екатеринбург: УрО РАН, 2007. 292 с.
• «Атлас литолого-палеогеографических карт палеозоя и мезозоя Северного Приуралья м-ба 1: 2500000». — Л.: Наука, 1972.
• «Структура платформенного чехла Европейского Севера СССР». — Л.: Наука, 1982. 200 с.
• «Тектонические критерии прогноза нефтегазоносности Печорской плиты». — Л.: Наука, 1986. 216 с.
• «Структурно-тектоническая карта Печорской плиты м-ба 1: 1000000». — М.: Центргеология, 1985.
• "Национальный парк «Югыд ва». — М.: ДИК, 2001. 208 с.

Наградаяс

• Коми Республикаса наукаын нималана уджалысь (1992);
• «Почёт пас» орден (1967);
• Коми Республикаса канму премия (2001);
• СССР-са «Знание» котырлӧн «Зіль уджысь» пас (1983);
• «Коми Республикаса мупытшса озырлунъяс корсьӧмын уджысь» пас (2000);
• «Уджвывса ветеран» медаль (1983);
• СССР-са Наукаяс Академия Президиумлӧн Почёт грамота (1974);
• Россияса Наукаяс Академия Президиумлӧн Почёт грамота (1999);
• Россияса Наукаяс Академия Урал юкӧнса Президиумлӧн Почёт грамота (1985);
• Коми АССР-са Министръяс Сӧветлӧн Почёт грамота (1985);
• Коми АССР-са Медвылыс Сӧветлӧн Президиумлӧн Почёт грамота (1985);
• СССР-са ВДНХ-лӧн бронза медаль (1977);
• «Ӧкмысӧд пятилеткаса ударник» почёт пас (1976)^[2].

Литература

• Дедеев В. Тимонин Николай Иосифович // Республика Коми: Энциклопедия: В 3-х т. — Сыктывкар: Коми кн. изд-во, 2000. — Т. 3. — С. 149.
• Тимонин Николай Иосифович // Известия Коми научного центра УрО РАН. — 2010. — №. 1. — С. 119.

Ыстӧгъяс

↑ Дедеев В. Тимонин Николай Иосифович // Республика Коми: Энциклопедия: В 3-х т. — Сыктывкар: Коми кн. изд-во, 2000. — Т. 3. — С. 149.
↑ Тимонин Николай Иосифович (неопр.). Институт геологии КНЦ УрО РАН. Шыӧдчан кадпас: 19 лӧддза-номъя тӧлысь 2025.

[1] Дедеев В. Тимонин Николай Иосифович // Республика Коми: Энциклопедия: В 3-х т. — Сыктывкар: Коми кн. изд-во, 2000. — Т. 3. — С. 149.

[2] Тимонин Николай Иосифович (неопр.). Институт геологии КНЦ УрО РАН. Шыӧдчан кадпас: 19 лӧддза-номъя тӧлысь 2025.

[1]

[2]