Удальцов Ефим Григорьевич

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Удальцов.
Ефим Григорьевич Удальцов
Ефим Григорьевич Удальцов.jpg
Чужан лун 1922 вося кӧч тӧлысь 28-ӧд лун
Чужанін  Воскресеновка сикт, Александропольса уезд, Армян ССР, ЗСФСР[1]
Кулан лун 1973 вося ӧшым тӧлысь 7-ӧд лун
Куланін  Домодедово аэропорт,
Москва обласьт
Канму  СССР
Войска сикас ВВС
Служитан вояс 1941—1947
Звание Капитан ВВС СССР
Часьт 47-ӧд штурмӧвӧй авиация полк, 11-ӧд штурмӧвӧй авиация дивизия, Черноморскӧй флотса ВВС
Командуйтіс авиация эскадрильяӧн
Тышъяс/вӧйнаяс Айму вӧсна Ыджыд тыш
Наградаяс да премияяс
Сӧветскӧй Союзса Герой
Ленин орден Гӧрд Дӧрапас орден Гӧрд Дӧрапас орден Гӧрд Дӧрапас орден
Айму вӧсна Ыджыд тышса орден Орден «Знак Почёта» Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» «Кавказ дорйӧмысь» медаль
«1941—1945 воясся Айму вӧсна Ыджыд тышын Германияӧс вермӧмысь» медаль SU Medal Twenty Years of Victory in the Great Patriotic War 1941-1945 ribbon.svg SU Medal For the Capture of Koenigsberg ribbon.svg SU Medal 50 Years of the Armed Forces of the USSR ribbon.svg
Отставкаын Аэрофлотса лётчик

Удальцов Ефим Григорьевич (1922 вося кӧч тӧлысь 28-ӧд лун, Воскресеновка сикт, Александропольса уезд, Армян ССР[1] — 1973 вося ӧшым тӧлысь 7-ӧд лун, Домодедово аэропорт, Москва обласьт) — Айму вӧсна Ыджыд тышын участвуйтысь, сӧветскӧй офицер, военнӧй лётчик-штурмовик, Комиысь Сӧветскӧй Союзса Герой (1945)[2][3].

Олантуй

Удальцов Е. чужлӧма 1922 вося кӧч тӧлысь 28-ӧд лунӧ Александропольса уездса Воскресеновка сиктын (Армян ССР) роч кресьтянин семьяын. Помалӧма абу тыр шӧр школа да аэроклуб. Уджалӧма токарӧн Тбилисиса заводын.

Айму вӧсна Ыджыд тыш дырйи

Гӧрд Армияын 1941 восянь. Помаліс Ейскса военнӧй авиация училище 1943 воын. Участвуйтіс Кавказ, Крым да Прибалтика мездӧмын.

1943 вося лӧддза-номъя тӧлысь 24-ӧд лунсянь служитіс 47-ӧд штурмӧвӧй авиация полкса медводдза авиация эскадрильяын (11-ӧд штурмӧвӧй авиация дивизия, Черноморскӧй флотлӧн Военно-воздушнӧй вынъяс). Удальцовлӧн Ил-2 унаысь жугавліс боевӧй лэбӧмъяс дырйи. Ӧти лэбигӧн пикируйтӧмысь петӧм бӧрын Удальцов самолёт броня лэбйӧ веськаліс снаряд. Осколокъясыс веськалісны Удальцовлы веськыд син пӧлас, чужӧм кузяыс киссис вир. Но Удальцов водзӧ штурмуйтіс медбӧръя снарядӧдз. Группакӧд ӧтлаын бӧр воис аслас аэродромӧ. Сійӧ гӧгӧрвоис, мый сылӧн жугалӧм самолёт вӧснаыс мукӧдыс оз вермыны пуксьыны. И вешйис виччысян зонаӧ. Кор став группаыс пуксис, Удальцов мӧдӧдчис пуксьыны. Шуйга шассиыс эз пет, но лётчик кужӧмӧн пуксис ӧти кӧлеса вылӧ.

1943 вося йирым тӧлысь 5-ӧд лунӧ младшӧй лейтенант Е. Г. Удальцов (сынӧдса стрелок — краснофлотеч Н. А. Щербаков) Феодосия портын плавсредствояс штурмуйтігӧн зенитнӧй артиллерия биӧн Ил-2 двигательсӧ тшыкӧдӧм вӧсна эз во берегӧдз 1 км Анапа районын. Лётчик пуксис ва вылӧ. Экипажсӧ спаситісны, самолётыс вӧйис.

1943 вося вӧльгым тӧлысь 1 лунӧ младшӧй лейтенант Е. Г. Удальцовлысь Ил-2 самолётсӧ (сынӧдса стрелок — младшӧй сержант В. И. Брайко) 56,4 отметка да «Инициатива» коммуна дорын противниклысь войскасӧ да би точкаяссӧ штурмуйтігӧн лыйліс Bf-109 мессершмитт. Лётчик эз во аэродромӧдз, пуксис Гастогаевса станция дорын фюзеляж вылӧ. Самолётыс вӧлі дзикӧдз жугӧдӧма, но экипажыс колис ловъя.

1944 восянь КПСС-са член.

47-ӧд штурмӧвӧй авиация полкса эскадрильяса командирӧс вежысь Е. Г. Удальцов война чӧжӧн бырӧдіс 4 транспорт, 3 сторожевӧй корабль, 2 тральщик да мукӧд плавсредство, 6 танк да пӧдтіс прӧтивниклысь 12 зенитнӧй батарея, вӧчис 105 боевӧй рейс.

1945 вося урасьӧм тӧлысьын авиация эскадрильяса командирӧс вежысь старшӧй лейтенант Удальцовӧс вуджӧдісны авиация эскадрильяса командир чинӧ кыпӧдӧмӧн орчча 8-ӧд гвардейскӧй штурмӧвӧй авиация полкӧ.

СССР-са Медвылыс Сӧвет Президиумлӧн 1945 во рака тӧлысь 6-ӧд лунся Индӧдӧн «немецко-фашистскӧй захватчикъяскӧд тыш нуӧдігӧн командованиелысь боевӧй заданиеяс образцӧвӧя олӧмӧ пӧртӧмысь да та дырйи повтӧмлун да героизм петкӧдлӧмысь» старшӧй лейтенант Ефим Григорьевич Удальцовлы сетӧма Сӧветскӧй Союзса Герой ним Ленин орден да 7406 №-а «Зарни Кодзув» медаль сетӧмӧн.

Пленын

Война помын Ефим Удальцов сюрис пленӧ, но пленӧ сюранногыс да весиг сылӧн кадпасыс разнӧй ӧшмӧсъясын ёна торъялӧны ӧта-мӧдсьыс.

В. Макаренков серти, 1944 вося йирым тӧлысь 6-ӧд лунӧ лэбзис штурмовикъяслӧн группаӧн нуӧдысьӧн, аддзис да бырӧдіс враг суднояс караван. Сылысь самолётсӧ уськӧдісны зенитнӧй биӧн, и Удальцов пуксис саридз вылӧ. Штурман да экипажса стрелок-радист пӧгибнитісны, а Удальцовӧс босьтіс немецкӧй катер, да тадзи сійӧ веськаліс пленӧ. Вӧлі Францияса лагерын. Военнопленнӧйяслысь лагерсӧ, кӧні вӧлі Удальцов, мездіс америкаса армия. Военнопленнӧйясӧс вӧлі сетӧма сӧвет властьяслы, и Удальцовлы сетісны позянлун бӧр мунны Тбилисиӧ[4][5].

«Авиаторы Второй мировой» сайтын мыччӧдъяс серти, 1944 вося йирым тӧлысь 6-ӧд лунӧ «пара Ил-2 производила барражирование без прикрытия истребителей над своими плавсредствами в 15 км северо-восточнее Курессаре. Самолёты были атакованы восьмёркой Fw-190. В результате воздушного боя экипаж младшего лейтенанта В. Д. Жиманова (воздушный стрелок мл. сержант В. А. Устяхин) с задания не возвратился. Экипаж Е. А. Удальцова (со штурманом эскадрильи капитаном А. А. Румянцевым) в воздушном бою был атакован. Лётчик получил ранение в голову, а штурман — в ноги». Немечьяс кыйсисны экипаж бӧрся. Удальцовлы да Румянцевлы быть лои дзебсьыны штурмовик мотор улӧ. Ас йӧз дорӧ экипаж писькӧдчис войнас да регыд мысти бӧр воис частьӧ[6].

Ыджыд биографическӧй энциклопедия серти (2009), 1944 вося йирым тӧлысь 6-ӧд лунӧ сынӧдса тышын Курессаре кӧрт туй станция дорын Удальцовлысь самолётсӧ таранитіс противниклӧн истребитель (сыкӧд ӧтлаын самолётас вӧлі штурман Румянцев)[7].

«Войтырлӧн паметь» мыччӧдъяс базаын Е. Г. Удальцовлӧн учётнӧй-послужнӧй карточка серти, сійӧс пыртісны юӧртӧг вошӧмаяс лыдӧ, кыдзи 1945 вося рака тӧлысь 16-ӧд лунӧ боевӧй рейсысь бӧрсӧ воӧм мортӧс. Но тайӧ луннас сылӧн самолётсӧ вӧлі уськӧдӧма да сійӧ веськаліс пленӧ (Удальцовӧс пасйӧма ВВС-лӧн бергӧдны позьтӧм воштӧмъяс лыддьӧгын, кыдзи 1945 вося рака тӧлысь 16-ӧд лунӧ боевӧй рейсысь бӧрсӧ вотӧм мортӧс)[8][9]. Вӧлі мездӧма пленысь 1945 вося косму тӧлысь 22-ӧд лунӧ. 1945 вося лӧддза-номъя тӧлыссянь моз тӧлысьӧдз вӧлі 12-ӧд запаснӧй стрелкӧвӧй дивизияын спецпроверка вылын, сійӧс помалӧм бӧрын бӧр бергӧдісны аслас частьӧ[10].

Гражданскӧй авиацияын

1947 воын помаліс Военно-Морскӧй Вынъяслӧн авиацияса медвылыс офицерскӧй курсъяс[11].

1947 воын уволитӧмаӧсь запасӧ. Вуджис овны Сыктывкарӧ (Коми АССР). Уджаліс гражданскӧй авиациялӧн Сыктывкарса авиация отрядын пилотӧн По-2, Ил-14 самолётъяс вылын[12].

1960 восянь оліс Тбилисиын да уджаліс Грузияса гражданскӧй авиацияӧн веськӧдланінлӧн (Аэрофлот) Тбилисиса ӧтувтӧм авиаотрядса Ту-104 корабльса командирӧн.

Пӧгибнитіс Ту-104 самолётлӧн катастрофа дырйи 1973 вося ӧшым тӧлысь 7-ӧд лунӧ Москваса Домодедов аэропортӧ пуксигӧн[13].

Наградаяс

• Сӧветскӧй Союзса Герой (1945.03.06);
• Ленин орден (1945.03.06);
• «Зарни Кодзув» медаль (1945.03.06);
• Айму вӧсна Ыджыд тышса I тшупӧда орден;
• куим Гӧрд Дӧрапас орден;
• «Почёт Пас» орден[4];;
• медальяс.

Паметь

Е. Г. Удальцовлысь нимсӧ сетӧма Тбилиси карса 11 №-а шӧр школалы[4].

Пасйӧдъяс

  1. ↑ 1 2 Ӧні — Лермонтово посёлок, Лори обласьт, Армения.
  2. ↑ Книга памяти Республики Коми. Удальцов Ефим Григорьевич
  3. ↑ Симакова С.А. Удальцов Ефим Григорьевич // Город Сыктывкар. Энциклопедия.. — Сыктывкар, 2010. — С. 307.
  4. ↑ 1 2 3 Макаренков В., 2004.
  5. ↑ Но Макаренковлӧн небӧгын мыччӧдъясыс оз лӧсявны вӧйна кадся документъяслы
  6. ↑ Ефим Григорьевич Удальцов. Авиаторы Второй мировой. Шыӧдчан кадпас: 3 лӧддза-номъя тӧлысь 2012. Архивируйтӧма 5 рака тӧлысь 2016.
  7. ↑ Удальцов, Ефим Григорьевич // Большая биографическая энциклопедия. — 2009.
  8. ↑ Донесение и список безвозвратных потерь 8 ГШАП за февраль 1945. // ОБД «Память народа» Архивса копия 5 косму тӧлысь 2022 Wayback Machine ресурсын.
  9. ↑ Список безвозвратных потерь по ВВС КБФ за февраль 1945 г. // ОБД «Память народа» Архивса копия 5 косму тӧлысь 2022 Wayback Machine ресурсын.
  10. ↑ Учетно-послужная карточка на Е. Г. Удальцова. // ОБД «Память народа» Архивса копия 5 косму тӧлысь 2022 Wayback Machine ресурсын.
  11. ↑ Вабищевич Г. Э. Офицерские курсы авиации флота (1940—1960 гг.) // «Военно-исторический журнал». — 2019. — № 3 (707). — С.18—27.
  12. ↑ Репортаж 39. Наш Герой – капитан ВВС Удальцов Ефим Григорьевич
  13. ↑ Катастрофа Ту-104Б Грузинского УГА в а/п Домодедово. Авиационные происшествия, инциденты и авиакатастрофы в СССР и России. Шыӧдчан кадпас: 3 лӧддза-номъя тӧлысь 2012. Архивируйтӧма 22 тӧвшӧр тӧлысь 2013.

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • Герои Советского Союза Военно-Морского Флота. 1937—1945. — М.: Воениздат, 1977.
  • Книга о героях. — Ереван, 1985.
  • Цкитишвили К. В., Чинчилакашвили Т. Г. Герои Советского Союза из Грузии. — Тбилиси, 1981.
  • Макаренков В. Время неумолимо летит вперёд // Книга Памяти Республики Коми. — 2004. — Т. 10. — С. 754.
  • Книга памяти Республики Коми. Т. 9 / сост. В. М. Котельников, А. М. Калимова, А. А. Карпов. — Сыктывкар, 2002.
  • Книга памяти Республики Коми. Т. 10 / составители В. М. Котельников, А. М. Калимова, А. А. Карпов. — Сыктывкар, 2004.
  • Книга памяти Республики Коми. Т. 12 / составители А. А. Карпов, О. А. Сергичева, Л. Н. Двинская. — Сыктывкар, 2013.
  • Бобылёв, Ю. А. Крепнущие крылья. – Сыктывкар, 2013.
  • Фотолетопись Республики Коми. Книга первая. 1921 – 1970 годы. – Сыктывкар, 2011.
  • Гиляревский, В. П. Война: Морские летчики. О боевом пути 47-го штурмового авиаполка ВВС ВМФ. В 2-х томах. — М., 1992.
  • Герои битвы за Кавказ : [Очерки о Героях Совет. Союза] / Под общ. ред. ген. армии И. В. Тюленева. – Цхинвали, 1975.
  • Герои Советского Союза Военно-Морского Флота, 1937-1945 : Биогр. справочник / составители П.Г. Тарасов, Ш. Я. Биллевич, В. А. Блохин и др. ; под общ. ред. адм. В. Н. Алексеева ; М-во обороны СССР. – М., 1977.
  • Кибизов, Г. Н. В те суровые годы : (Воспоминания о боевых друзьях) / Г. Н. Кибизов. – Орджоникидзе, 1985.

Ыстӧгъяс

Босьтӧма "https://kv.ruwiki.ru/w/index.php?title=Удальцов_Ефим_Григорьевич&oldid=473279"-ысь