Ускар

Босьтӧма Рувикиысь
Видлалӧм гижӧд
Кар
Усинск
комиӧн Ускар
Усинск вид с птичьего полёта.jpg
Канпас
Канпас
65°59′42″ с. ш. 57°33′25″ в. д.GЯO
Страна  Россия
РФ-са субъект Коми Республика
Муниципальнӧй кытш Ускар
История да география
Лӧсьӧдӧма 1966 воын
Кар  1984 восянь
Шӧрин вылна 71 м
Ывласям шӧркодь континентальнӧй
Час кытш UTC+3:00
Йӧз
Олысь лыд
Агломерацияын олысьяс ↘ 36 913 морт (2021)
Катойконим ускарса
Лыдпаса идентификаторъяс
Телефон код +7 82144
Пошта индексъяс 169710, 169711, 169712
ОКАТО код 87423
ОКТМО код 87523000001
Мукӧдтор
usinsk.gosuslugi.ru
Ускар (Россия)
Точка
Усинск
Red pog.svg
Москва
Логотип РУВИКИ.Медиа Медиафайлы на РУВИКИ.Медиа

Ускар (рочӧн Усинск) — тайӧ Россияын кар, Коми Республикаысь Ускар муниципальнӧй кытшлӧн шӧрин[2] (2005―2023 воясын — Ускар кар кытш). Промышленносьт, туялан да культура шӧрин.

Ним артмӧм

Кар ним артмӧма Усва ю нимсянь. Ю нимыс артмӧма финн-йӧгра вужйысь, Усва, Укса формаясын некымынысь паныдасьлӧ Россиялӧн Европаса юкӧнса Войвыв гидронимъясын; чайтӧм серти, вежӧртасыс лоӧ «вож»[3]. Манси кыв вылын — ус, унс «нельма», мӧд ногӧн кӧ Усва — «нельмаӧн озыр ю»[4].

География

Карыс меститчӧма Коми Республикалӧн асыв-войвылын, шӧр Печӧра да сылӧн веськыд вож Усва юлӧн ковтысын (4 км гӧгӧр): пукалӧ Усва юлӧн веськыд берегын, Печӧраӧ сылӧн усьӧмсянь матын, кӧрт туй станциясянь 3 км ылнаын. Сыктывкарсянь 757 км асыв-войвылын, Войвыв кытшсянь 90 км лунвылын.

Час кытш

Ускар, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[5].

Ывласям

Кӧть Россияса климатическӧй карта вылын ывласямыс пасйӧма кыдзи шӧркодь континентальнӧй, аслас параметръяс серти сійӧ матынджык субарктическӧй дінӧ. Тӧлын медічӧт температураыс овлӧ −45 °C-ӧдз да улынджык, а гожӧмын медыджыд температураыс мукӧддырйи овлӧ +35 °C-ӧдз. Медічӧт температураыс пасйӧма Усвавомын 1973 вося тӧвшӧр тӧлысь 28-ӧд лунӧ да вӧлӧма −53 °C. Ыласямлӧн медшӧр аслыспӧлӧслуныс — тшӧкыда вежласьӧмъяс да температуралӧн ӧти лун чӧжӧн ыджыд чеччалӧмъяс кыдзи гожӧмын, сідзи и тӧлын. Некымын часӧн температураыс вермас вежсьыны 20 да унджык градус вылӧ. Лымйыс овлӧ вонас 220 лун гӧгӧр, йирым тӧлысь шӧрсянь ода-кора тӧлысь шӧрӧдз. Арнас тшӧкыда кузя зэрлӧ. Медся шоныд кадыс — сора тӧлысь шӧрсянь моз тӧлысь шӧрӧдз.

Ывласям Ускарын
Петкӧдлас Тӧвшӧр тӧлысь Урасьӧм тӧлысь Рака тӧлысь Косму тӧлысь Ода-кора тӧлысь Лӧддза-номъя тӧлысь Сора тӧлысь Моз тӧлысь Кӧч тӧлысь Йирым тӧлысь Вӧльгым тӧлысь Ӧшым тӧлысь Во
Шӧркодь максимум, °C −15,2 −13,9 −6,5 0,0 6,3 15,4 20,6 16,4 9,4 0,3 −7,4 −12 1,1
Шӧркодь температура, °C −19,7 −18,4 −11,9 −5,3 1,8 10,0 14,9 11,6 6,0 −2,4 −10,9 −16 −3,4
Шӧркодь минимум, °C −24,1 −22,8 −17,2 −10,6 −2,7 4,6 9,3 6,8 2,6 −5 −14,3 −19,9 −7,7
Енэжва норма, мм 33 26 25 28 36 47 59 67 62 51 44 39 517
Ӧшмӧс: [1]

История

Медводдза олысьясыс татчӧ воӧмаӧсь уна нэм сайын. Усва ю ковтысын вӧлі аддзӧма важ из нэмся важся мортлысь сулаланінъяс. Важысянь тані местаяссӧ лыддьылісны сьӧкыда воӧдчанаӧн, лӧсяланаӧн сӧмын вужвойтырлы, кодъяс велалӧмаӧсь коми войвывлӧн вӧр-ваӧ да лёк ывласямӧ. Тані кыйисны чери, прӧмышляйтісны вӧрпасӧс, видзлісны гортса скӧт да кӧръясӧс, удитлісны быдтыны уна град выв пуктас. Уна нэм чӧж олісны тані яранъяс, сэсся воисны комияс — изьватас. ХVIII нэм помын чужис Усвавом сикт. ХІХ нэмын ӧти бӧрся мӧд ӧнія Ускар районлӧн мутасын чужӧны сэтшӧм сиктъяс, кыдзи Праскан, Лыжавом, Колва, Шеллябӧж, Акись, Сем Ӧндрей да мукӧд[6].

Ускар посёлок вӧлі котыртӧма 1966 воын. 1970 вося рака тӧлысьын заводитісны стрӧитны Ускар кар, медводзсӧ тайӧ вӧліны брусысь вӧчӧм прӧстӧй пу керкаяс, 1974 вося ӧшым тӧлысь 24-ӧд лунӧ вӧлі стрӧитӧма медводдза шӧр школа, а 1975 вося ода-кора тӧлысь 1 лунӧ нин — медводдза 5 судта панельнӧй керка. Та бӧрын стрӧитчӧмыс муніс зэв ӧдйӧ, кар быдмис син водзын. СССР пасьталаысь том йӧз нюръяс вылын кыпӧдісны мечта-кар.

1984 воын Ускарлы сетісны карлысь статус. СССР киссьӧм бӧрын карын стрӧитчан ӧдъясыс чинісны.

1994 воын Ускар районын «Возей — Головные сооружения» трубопровод вылын лоис неминуча: Харьягаса куйлӧдысь киссис уна мусир да вӧлі ойдӧдӧма уна сё гектар мусӧ[7]. Киссис 200 сюрс тонна гӧгӧр мусир. Мусир да мусир прӧдуктъяс веськалісны Колва, Усва, Печӧра юясӧ[8].

2020 вося йирым тӧлысьын Яран асвеськӧдлан кытшын Харьягаса куйлӧдса «ЛУКОЙЛ-Коми» компаниялӧн уджавтӧм мусир проводысь выльысь ёна киссис мусир Ускар районын Колва юӧ[9][10]. 2021 вося ода-кора тӧлысь 11-ӧд лунӧ Ускарса юралысь бӧръя сизим тӧлысь чӧжӧн мӧдысь[11] пыртіс муниципалитетын виччысьтӧм лоӧмтор режим: Яран асвеськӧдлан кытшын Ошса куйлӧдса мусир чукӧртан коллекторысь муӧ да Колва юӧ киссис 90 тонна гӧгӧр мусир[12]. Ӧшкамӧшка рӧма плёнкасӧ казялӧмаӧсь Колва ю веркӧсысь нёльӧд пос дорысь[8]. Мусир прӧдуктаясӧн няйтчӧдӧм ыдждаыс воис матӧ 13 сюрс м²[13]. Ода-кора тӧлысь 13-ӧд лунӧ мусирыс воис Колва сиктӧдз[14][15].

Олысь лыд

Олысь лыд
19701979[16]1989[17]199820002001
700↗19 513↗47 219↗49 600↘47 700↗47 800
2002[18]200620072008[19]2009[20]2010[21]
↘45 358↘44 800↘44 400↘44 100↘43 596↘40 827
2012[22]2013[23]2014[24]2015[25]2016[26]2017[27]
↘40 518↘40 021↘39 831↘39 431↘39 025↘38 800
2018[28]2019[29]2020[30]2021[31]
↘38 376↘38 038↘37 155↘32 182
10 000
20 000
30 000
40 000
50 000
1979
2002
2010
2016
2021

Экономика

Ускар районса промышленносьт — тайӧ Коми Республикаса став промышленносьтлӧн 70%-ысь унджык. Карын уджалӧ 1300 сайӧ предприятие, кӧні уджалӧ 27 сюрсысь унджык морт. Карлӧн медшӧр отрасльӧн лоӧ мусир да биару перйӧм.

Мусир перъян предприятиеясысь медся гырысьясыс — «ЛУКОЙЛ-Коми» ИКК, «РН — Северная нефть» ИКК, «Енисей» ИКК, «Колванефть» ИКК да мукӧд. Талун Комиын перйӧм став мусирысь ускарса мусирыс артмӧдӧ 70 %[32].

Карсянь 60 км ылнаын (Войвыв кытшӧдз 20 км ылнаын), Ускар районын, 2011 восянь уджалӧ мирын медся войвывса нефтеперерабатывающӧй завод «Енисей» компаниялӧн вонас 1,3 млн тонна вынйӧрӧн[33].

Культура

Ускарын эм Культура двореч, театр-студия «Дилижанс».

Велӧдӧм

Усинскын эм 5 шӧр школа, ӧти начальнӧй школа, ӧти восьса сменаа школа да челядьлы содтӧд тӧдӧмлун сетан шӧрин. Уджалӧ 11 детсад да ӧти детдом. Таысь кындзи карын эм вуз — Укваса канму техническӧй университетлӧн филиал. Сідзжӧ Ускарын уджалӧ Политехническӧй техникум (вӧвлӧм 36-ӧд номера лицей), кӧні позьӧ босьтны шӧр профессиональнӧй тӧдӧмлун.

Нималана йӧз

Тӧдчана эмторъяс

  • Нималанаторъяс
  • А. Босовалы паметник

    А. Босовалы паметник

  • Айму дорйысьяслы паметник

    Айму дорйысьяслы паметник

  • В.Ф.Маргеловлы паметник

    В.Ф.Маргеловлы паметник

  • Мусир перйысьлы паметник

    Мусир перйысьлы паметник

  • Номлы паметник

    Номлы паметник

  • Стрӧитчысьяслы паметник

    Стрӧитчысьяслы паметник

  • Самолёт Як-40 RA-87234

    Самолёт Як-40 RA-87234

  • Вертолёт Ми-6 RA-21080

    Вертолёт Ми-6 RA-21080

  • Милиционерлӧн мотоцикл

    Милиционерлӧн мотоцикл

Литература

  • Атлас Республики Коми. — Москва, 2000.
  • Жеребцов И. Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
  • История Коми с древнейших времен до конца XX века: В 2-х т. / Под общей редакцией А. Ф. Сметанина. — Сыктывкар, 2004.
  • Республика Коми: Энциклопедия. — Сыктывкар, 1997—2000. — Т. 1—3.
  • Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
  • Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.

Ыстӧгъяс

  1. ↑ https://rosstat.gov.ru/storage/mediabank/tab-5_VPN-2020.xlsx
  2. ↑ Закон Республики Коми от 27 декабря 2022 года N 131-РЗ «О наделении муниципального образования городского округа „Усинск“ статусом муниципального округа и внесении в связи с этим изменений в Закон Республики Коми „О территориальной организации местного самоуправления в Республике Коми“»
  3. ↑ Поспелов Е. М. Географические названия России: топонимический словарь. — Москва: АСТ; Астрель, 2008.. — С. 460. — 523 с. — ISBN 978-5-17-054966-5.
  4. ↑ Коми Республикаса топонимия (А. П. Афанасьев серти) | Коми кывтӧдӧм (рус.). Шыӧдчан кадпас: 13 урасьӧм тӧлысь 2022. Архивируйтӧма 23 ӧшым тӧлысь 2021.
  5. ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
  6. ↑ История, Usinsk. Шыӧдчан кадпас: 10 рака тӧлысь 2025.
  7. ↑ Как в Республике Коми ликвидировали крупнейший в истории нефтеразлив на суше
  8. ↑ 1 2 Иван Журавков, Юлия Полушина. «Традиционно мы не верим компании». Что экологи Коми думают о втором за последние семь месяцев нефтеразливе на реке Колве Архивса копия 16 ода-кора тӧлысь 2021 Wayback Machine ресурсын // «7x7». Горизонтальная Россия, 12 Май 2021
  9. ↑ В НАО объявлена ЧС из-за отравления водоема нефтепродуктами. Шыӧдчан кадпас: 16 ода-кора тӧлысь 2021. Архивируйтӧма 26 йирым тӧлысь 2020.
  10. ↑ На северо-востоке Коми ввели режим ЧС из-за разлива нефтепродуктов Архивса копия 16 ода-кора тӧлысь 2021 Wayback Machine ресурсын, 2020
  11. ↑ На северо-востоке Коми ввели режим ЧС из-за нефтеразлива. Это уже второй случай за последние семь месяцев Архивса копия 16 ода-кора тӧлысь 2021 Wayback Machine ресурсын, 2021
  12. ↑ В Коми после аварии на «дочке» «Лукойла» в почву вылилось 90 тонн нефтепродуктов Архивса копия 16 ода-кора тӧлысь 2021 Wayback Machine ресурсын, 2021
  13. ↑ Площадь загрязнения нефтепродуктами в Коми возросла Архивса копия 16 ода-кора тӧлысь 2021 Wayback Machine ресурсын, 2021
  14. ↑ Очередной крупный разлив нефти произошёл в Республике Коми. Нефтяное пятно уже дошло до села Колва Архивса копия 18 ода-кора тӧлысь 2021 Wayback Machine ресурсын, 13/05/2021
  15. ↑ Новый крупный разлив нефти произошёл в Республике Коми Архивса копия 16 ода-кора тӧлысь 2021 Wayback Machine ресурсын, 13 мая 2021
  16. ↑ Всесоюзная перепись населения 1979 года Численность городского населения РСФСР, ее территориальных единиц, городских поселений и городских районов по полу.
  17. ↑ Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу.
  18. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более.
  19. ↑ Города Республики Коми. Оценка численности населения на 1 января 2008 года (тысяч человек).
  20. ↑ Численность постоянного населения Российской Федерации по городам, посёлкам городского типа и районам на 1 января 2009 года.
  21. ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
  22. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года.
  23. ↑ Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов).
  24. ↑ Оценка численности населения по городским округам, муниципальным районам, поселениям и городским населённым пунктам Республики Коми на 1 января 2014 года.
  25. ↑ Численность населения Российской Федерации по муниципальным образованиям на 1 января 2015 года.
  26. ↑ Численность населения Российской Федерации по муниципальным образованиям на 1 января 2016 года.
  27. ↑ Численность населения Российской Федерации по муниципальным образованиям на 1 января 2017 года.
  28. ↑ Численность населения Российской Федерации по муниципальным образованиям на 1 января 2018 года.
  29. ↑ Численность населения Российской Федерации по муниципальным образованиям на 1 января 2019 года.
  30. ↑ Численность населения Российской Федерации по муниципальным образованиям на 1 января 2020 года.
  31. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более.
  32. ↑ Город республиканского значения Усинск, usinsk. Шыӧдчан кадпас: 10 рака тӧлысь 2025.
  33. ↑ Глава Республики Коми Вячеслав Гайзер принял участие в торжественном открытии нового нефтеперерабатывающего завода компании «Енисей» в Усинском районе. // rkomi.ru. Шыӧдчан кадпас: 2011-8-18. Архивируйтӧма оригинала 16 йирым тӧлысь 2013 года.


Ускар муниципальнӧй кытшса овмӧдчанiнъяс
Акись | Васькин | Возей | Денисов | Закарвань | Колва | Колвайыв | Кушшор | Лыжавом | Мичаёль | Нӧвикбӧж | Парма | Праскан | Приполярнӧй | Сем Ӧндрей | Сынянырд | Усвавом | Усвадор | Ускар | Шеллябӧж


Коми Республикаса каръяс Coat of arms of the Komi Republic Flag of the Komi Republic
Вӧркута | Вуктыл | Емва | Инта | Микунь | Печӧра | Сосногорск | Сыктывкар | Уква | Ускар
Босьтӧма "https://kv.ruwiki.ru/w/index.php?title=Ускар&oldid=424094"-ысь