Уляшев Александр Егорович

Уляшев Александр Егорович
Уляшев Александр Егорович
Чужан лун	1956-ӧд вося сора тӧлысь 30-ӧд лун (70 арӧс)
Чужанін	Скӧрӧдум, Помӧсдін (сикт овмӧдчӧмин), Кулӧмдін район, Коми АССР, РСФСР, Сӧветскӧй Социалистическӧй Республикаяслӧн Союз;
Страна	Сӧветскӧй Социалистическӧй Республикаяслӧн Союз; Россия;
Мыйся уджыс	гижысь, сьылысь

Уляшев Александр Егорович (1956-ӧд вося сора тӧлысь 30-ӧд лун, Кулӧмдін районса Скӧрӧдум сикт) — коми сьылысь, шылад тэчысь, гижысь.

Олантуй

Александр Уляшев чужӧма 1956-ӧд вося сора тӧлысь 30-ӧд лунӧ Помӧсдін районса (ӧні Кулӧмдін район) Скӧрӧдум сиктын.
Чужан сиктас помалӧма 8 класса школа.

1971 восянь ворсӧ да сьылӧ «Прометей», а сэсся «Юрган» эстраднӧй котырын. 1977 восянь веськӧдлӧ тайӧ котырнас.

1974 восянь сідзжӧ уджаліс культура керкаясын директорӧн да музыкальнӧй веськӧдлысьӧн, а сідзжӧ школаясын да детсадъясын нуӧдіс шылад урокъяс.

1985 воын Сыктывкарын муніс Ставсоюзса смотр-конкурс, кӧні «Юрган» лои лауреатӧн (2-ӧд места) "Уна нывъяс" коми йӧзкостса сьылан выль ног сьылӧмысь. 1994 воын «Юрган» котырлы сетісны народнӧй ним (звание), а веськӧдлысьыслы - А.Уляшевлы - нимӧдана уджалысьлысь ним. «Коми муӧй» сьыланкыв (кывъясыс Ген. Юшковлӧн) лои коми йӧзкостса гимнӧн эз сӧмын Коми Республикаын, но и ылі Мурманск обласьтса комияслӧн, Ловозеро сиктын. «Рӧднӧй школа» сьыланкыв (А.Ванеевлӧн кывъяс) босьтісны гимнӧн Скӧрӧдум, Пожӧг (Кулӧмдін р-н) да Шойнаты (Кӧрткерӧс р-н) школаяс.

Сьылӧм

Дасьтӧма 100 коми сьыланкывлы шылад, сы мында кымын жӧ кывбур. Гижны шыладсӧ босьтчывлӧма 1974-ӧд воын.

Наградаяс

• Коми Республикаса культураын нимӧдана уджалысь (1994)

Öшмöсъяс

• Кулӧмдінса овмӧдчӧминъяслӧн небӧгаин сайт
• Коми муӧй, став сьӧлӧмӧн ме тэкӧд!: Литературнӧй памятка / Сост. Ю. Н. Королева. — Кулӧмдін, 2021. — 16 л.б.
• Уляшев А. Е. Прометейсянь Юрганӧдз. И абу сӧмын... // Войвыв кодзув. — 2018. — 10-ӧд №.

Ыстӧдъяс