Скӧрӧдум (Кулӧмдін район)
Скӧрӧдум Скородум | |
Му: | Рочму |
Статус: | грезд |
республика: | Коми республика |
район: | Кулӧмдін район |
Медводдза казьтыштӧм: | 1719 во |
Инлыдпасъяс: | 62°08′ с. ш. 54°14′ в. д.GЯO |
Официал кыв | коми, роч |
Олысьяс | 501 морт (2007) |
Час кытш: | UTC+3 |
Телефон код: | +7 8 2137 |
Пошта индӧс: | 168095 |
Автомобиль код: | 11, 111 |
Скӧрӧдум (рочӧн Скородум) – Коми Республикаын Кулöмдiн районса Помӧсдін сикт овмӧдчӧмин улӧ пырысь грезд.
Ним артмӧм
Фольклор
География
Грезд пукалӧ Эжва ю веськыд вадорын, Скӧрӧдумъёль вомланьын. Скӧрӧдумсянь Помӧсдін шӧрсиктӧдз 7 км войвылӧ, Кулӧмдін юрсиктӧдз 68 км, Сыктывкар юркарӧдз км.
Орчча оланінъяс[вежны | Вежны кодировкаын]
Сиктлӧн юкӧнъяс[вежны | Вежны кодировкаын]
- Ягвыв — важ шӧрин, сійӧ пукалӧ мир туй дорті, Сидӧр Ваньӧ керка дорсянь школа весьтӧдз кымын, Вась Анна керкасянь Сурнин керкаяс дорӧдз кымын.
- Ыбвыв либӧ Кулацкӧй посёлок — Ягвывсянь рытыввылын.
- Чоййыв — Ыбвывсянь войвылын, пос дорсянь Миколай Ваньӧ керка дорӧдз (сикт помӧдз)
- Ласей — Ягвывсянь лунвылын, Скӧрӧдумъёль талапӧлас
- Мӧдлапӧв — Скӧрӧдумъёль мӧдлапӧлас
- Кырув — грезд шӧрын (Ягвыв да Мöдлапöв костас, Культура Керкасянь горув, Эжваланьыс, асыввылö и лунвылö)
Орчча ландшафтъяс[вежны | Вежны кодировкаын]
Вӧръяс: Дзоля вöр, Из гöра, Ошкасён, Гажаяг, Дзоля яг, Кöрчомдор, Рöмановскöй яг.
Видзьяс: Маил видз, Еремвидзсьöрт, Лазаркулига, Конö Иван видз.
Керӧсъяс: Дубрава, Рöмановскöй нöрыс, Еджыд бужöд, Сьöд кöтшас, Кирöиздiн.
Шор-ёль: Ульвашор, Кöбылашор, Гусьтышор, Дубровашор, Миняшор, Скӧрӧдумъёль, Скöрöдумвом (Ёльыслöн Эжваö усянiн), Поскашор, Понсинъю-ёль (визувтö Скöрöдум весьтса ягсянь Скöрöдума-Кырныша костö, усьö Эжва юö).
Тыяс: Ыджыдты, Гусьты, Польчи видз гöп (дзоляник ты кодь), Кузьты, Сёртты, Пышты, Ягувты.
Нюръяс: Гусьты нюр, Нюрвыв (Скöрöдум поссянь Хозяиновъяс керка дорöдз), Оль бок (сэтчӧ пырӧны футбольнӧй поле и орчча видзьяс).
История
- Артмис 1707 во бӧрын.
- 1719 — Медводдзаысь казьтыштӧма Ревизскӧй сказкаясын: Скородум пӧчинӧк, 1 овмӧс. Медводдза олысьяяӧн вӧліны: Пётр Андреевич Паршуков, сылӧн племянник Семён Паршуков Ефим пияскӧд, сылӧн зять Семён Якимович Ефремов Андрей пияскӧд.
- 1782 — «Скородумская» грезд: 16 овмӧс, 95 морт.
- 1919, тӧвшӧр тӧлысь — Воссис «Заря» коммуна.
- 1926 — Грездын 152 овмӧс, 722 морт.
- 1930 — Грездын эм школа да потребительяслӧн котыр.
- 2000 — 203 овмӧсын олӧ 617 морт.
- 2012 — Скӧрӧдумын эм Фельдшерско-акушерскӧй пункт, челядьлы «Малышок» сад, Шӧр школа, Культура керка (пырӧ «Кулӧмдінса Шӧр клуб системаӧ».[1]
Йӧз
Грездын олӧны кызвыйӧ комияс. Сёрнитӧны коми кыв вылын (эжвайывса сёрнисикас). Эм некымын украинеч, найӧ тшӧтш тӧдӧны коми кыв. Став челядьыс коми кывъяӧсь жӧ.
Татчӧс олысьӧс шуӧны скӧрӧдумса. Кывберд тшӧтш скӧрӧдумса.
Олысь лыд
Йӧзӧс пасъялан вояс | |||||||
---|---|---|---|---|---|---|---|
1782 | 1926 | 1970 | 1979 | 1989 | 1992 | 2000 | 2007 |
95 | 722 | 730 | 678 | 570 | 579 | 617 | 501 |
Овъяс
Медводдза овъяс Скӧрӧдумын вӧліны Паршуков да Ефремов (1719). Ӧнія кадӧ медунаӧн Пашнинъяс да Ефремовъяс.
Наысь кындзи эмӧсь: Денисов, Дёмин, Жангуров, Игнатов, Карманов, Курочкин, Липин, Мингалёв, Третьяков, Уляшев, Шомысов, Хозяинов.
Шоч овъяс: Беляев, Божко, Долигодин, Князев, Конин, Королёв, Лажанев, Левшенков, Макалюк, Напалков, Никитин, Отев, Прудников, Сенькин, Чисталёв.
Бырӧм овъяс: Сурнин, Козлов, Шахов, Когутяк, Макаров.
Культура
Велӧдӧм
- 1905 — Скӧрӧдумын воссис земскӧй начальнӧй училишӧ.
Нималана йӧз
Уляшев Александр Егорович (1956) — коми сьылысь, шылад тэчысь, гижысь.
Тӧдчана эмторъяс
Ӧтуввез
Ӧшмӧсъяс
- Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
- Игнатов М.К. Взгляд сквозь годы. – Сыктывкар: Коми небöг лэдзанiн, 1998. – 224 с.
- Игнатов М.К. Усть-Куломский район: помни прошлое, зная настоящее, делай будущее (1620–2008). – Сыктывкар, 2009. – 366 с.
- История Коми с древнейших времен до конца XX века: В 2-х т. / По общей редакцией А.Ф. Сметанина. – Сыктывкар, 2004.
- Кор чужис Скöрöдум
- Республика Коми: Административно-территориальное деление на 1 августа 1992 г. Издание пятое. – Сыктывкар, 1992. – 175 с.
- Республика Коми: Энциклопедия. – Сыктывкар, 1997-2000. – Т. 1-3.
- Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
Ыстӧдъяс
![]() |
Тайӧ гижӧдыс помавтӧм на. Тэ верман ачыд сійӧс веськӧдны да содтыны. Тайӧ пасйӧдсӧ колӧ гижны стӧчджыка. |
Помӧсдін сикт овмӧдчӧминса оланінъяс | ![]() |
![]() | |
---|---|---|---|
|