Хозяинова Галина Валерьяновна
| Хозяинова Галина Валерьяновна | |
|---|---|
 | |
| Чужан лун | 1957-ӧд вося рака тӧлысь 2-ӧд лун (69 арӧс) |
| Чужанін | |
| Страна | |
| Мыйся уджыс | школаын велӧдысь, методист |
Хозяинова Галина Валерьяновна (1957 вося рака тӧлысь 2-ӧд лун, Коми АССР-са Княжпогост районса Туръя сикт) — коми кыв да литература, роч кыв да литература, история велӧдысь. Медвылыс квалификация категорияа велӧдысь. Методист, коми кывйысь велӧдчан небӧгъяс лӧсьӧдысь.
Олантуй
Чужис 1957 вося рака тӧлысь 2-ӧд лунӧ Коми АССР-са Княжпогост районса Туръя сиктын.
1964-1974 воясын велӧдчис Туръяса шӧр школаын.
1974-1979 воясын велӧдчис Сыктывкарса канму университетлӧн историко-филологическӧй факультетын.
1979 воын университет помалӧм бӧрын сійӧс мӧдӧдісны Изьва районса Гамса кӧкъямыс класса школаӧ, кӧні ӧнӧдз уджалӧ коми кыв да литература, роч кыв да литература, история велӧдысьӧн[1][2].
Коми кыв сӧвмӧдӧм кузя удж
Хозяинова Г.В. уна во чӧж пырӧдчӧ ФГОС корӧмъяс серти коми кывйысь методическӧй комплектъяс лӧсьӧдӧмӧ[3][4].
Водзмӧстчис коми кыв да литература, история кузя методическӧй да дидактическӧй материалъяс лӧсьӧдӧмын[5].
Велӧдчысьяскӧд нуӧдӧны чужан му туялан удж, проектно-исследовательскӧй удж да петкӧдчӧны уна сикас конференцияяс вылын, пырӧдчӧны уна сикас тшупӧда конкурсъясӧ[6][7].
Общественнӧй удж
Хозяинова Г.В. пуктӧ ыджыд пай изьватаслысь культура да традицияяс видзӧмӧ да сӧвмӧдӧмӧ.
Небӧгъяс
• Грабежова В.М., Хозяинова Г.В. Коми кыв. 5 класс. 1 юкӧн: Учебник для изучающих коми язык как родной. - Сыктывкар: ООО "Анбур", 2016. - 144 с.
• Грабежова В.М., Каракчиева Н.И., Карманова Т.И., Хозяинова Г.В. Коми кыв: 5-ӧд класслы велӧдчан небӧг = Коми язык: Учебник для 5 класса. - Сыктывкар: ООО "Анбур", 2009. - 224 с.
• Грабежова В.М., Каракчиева Н.И., Хозяинова Г.В. Коми кыв. Морфология да орфография: Учебник для 6 класса. - Сыктывкар: ООО "Анбур", 2012. - 264 с.
• Грабежова В.М., Каракчиева Н.И., Карманова Т.И., Хозяинова Г.В. Коми кыв. Морфология да орфография: 7-ӧд класслы велӧдчан небӧг = Коми язык. Морфология да орфография: Учебник для 7 класса. - Сыктывкар: ООО "Анбур", 2013. - 224 с.
• Грабежова В.М., Хозяинова Г.В., Карманова Т.И., Захаренко А.М. Коми кыв. Синтаксис да пунктуация: 8-ӧд класслы велӧдчан небӧг = Коми язык: Синтаксис да пунктуация: Учебник для 8 класса. - Сыктывкар: ООО "Анбур", 2011. - 224 с.
• Грабежова В.М., Хозяинова Г.В. Грамматическое лото: Электронное пособие по коми языку как родному для обучающихся 5-9 классов. - Сыктывкар, 2012.
• Изьватаса-комиа-роча кывчукöр. Зырянский-русский словарь по ижемскому наречию/Составители: Т.В. Артеева, Г.В. Хозяинова. Сыктывкар, 2021.
• Изьва кыы йылысь. Об ижемском языке / Составители: Т.В. Артеева, Г.В. Хозяинова и др. – Киров: ООО «Кировская областная типография», 2022. – 208 с.
Наградаяс
• 1984 во — РСФСР-са педагогическӧй обществолӧн Коми отделениелӧн Почёт грамота.
• 1988 во — Коми АССР-са йӧзӧс велӧдан министерстволӧн, вылыс школаса да наука учреждениеясса уджалысьяслӧн профсоюзса Коми обкомлӧн Почёт грамота.
• 1996 во — Коми Республикаса йӧзӧс велӧдан да вылыс тӧдӧмлунъяс министерстволӧн Почёт грамота.
• 1999 во — Коми Республикаса Канму премияа лауреат (1999 вося общеобразовательнӧй школаса 6—7 классъяслы «Коми кыв» велӧдчан небӧгысь).
• 2005 во — «Изьватас» ӧтмунӧмлӧн Почёт грамота.
• 2007 во — «Изьва» муниципальнӧй районса Юралысьлӧн Почёт грамота.
• 2007 во — Россия Федерацияса ӧтувъя велӧдан юкӧнын почёта уджалысь.
• 2012 во — Коми Республикаса ичӧт Нобель премияа лауреат.
• 2013 во — «Изьва» АМР УО—лӧн Почёт грамота.
• 2017 во — «Изьва районса почёта гражданин» ним.
• 2018 во — Коми Республикаса велӧдан, наука да том йӧз политика министерстволӧн Почёт грамота.
• 2022 во — Коми Республикаса национальнӧй политика министерстволӧн Почёт грамота.
• 2023 во — «Томуловлысь туризм сӧвмӧдӧмын заслугаясысь» почёт пас.
• 2023 во — «Изьва» АМР ВВ—лӧн Почёт грамота.
Ыстӧгъяс
- ↑ Твои люди, Ижма. Хозяинова Галина Валерьяновна
- ↑ Хозяинова Галина Валерьяновна
- ↑ Коми кыв (Коми язык). 6 класс: Учебник для общеобразовательных организаций (в 2 частях). Часть 1
- ↑ Федеральный перечень учебников
- ↑ ПОРТАЛ ЭТНОКУЛЬТУРНОГО ОБРАЗОВАНИЯ «КОМИ ШКОЛА»
- ↑ Итоги республиканской олимпиады по коми языку, коми литературе, коми фольклору, переводу с русского языка на коми язык
- ↑ В Сыктывкаре торжественно поздравили победителей республиканских конкурсов «Эзысь борд» и «Видза, «Войвыв кодзув»!»