Шахов

Шахов – комияс пӧвстын тшӧкыда паныдасьлысь ов.

Медводдзаысь овсӧ казьтыштӧма 1646 воын Сыктыв вожса Ыбысь. Сэк сэн овлӧма «Петрушка Иванов сын Шахов» вит арӧса Офонко пиыскӧд. 1678 воын сэн жӧ – «крестьянин Афонька Андреев сын Шахов», сылӧн тыр арлыда пи Васька. 1720 воын Шаховъяс олӧны: ӧти – Елисей Борисов, 79 арӧса – Межадорын; мӧд – Павел Яковлев сын Шахов вокъясыскӧд, племянникъясыскӧд да внукъясыскӧд – Эжва йывса Пожöгын.

Ӧнія кадӧ Шаховъяс котырӧн олӧны Пожöг кустын.

Рочьяслӧн: «Князь Иван Васильевич Шах Чернятский, XVI-öд нэм шӧрын; Петр Селянин Шахов, поддячей, казьнитлӧмаӧсь 1570-öд воын Новгородын, Ярослав уездса Шахово сикт («Ономастиконысь»)

Шахов ов артмӧм йылысь абу ӧти видзӧдлас. С.В. Веселовский серти «шах» – тайӧ чери кыян кулӧм («мережа, вентерь с крыльями») кывйысь.

Ю. Федосюк чайтӧ, мый персияса «шах» роч кывйын лоӧма абу сӧмын прӧзвищеӧн, но и гортса, мирскӧй нимӧн.

Нималана йӧз

• Шахов Борис Федотович (Педот Борис) (1928–2002) — коми гижысь.
• Шахов Пётр Федотович (Педот Петыр) (1932–2006) — коми гижысь. Коми гижысь Шахов Борис Федотовичлӧн вок.
• Шахов Николай Александрович (Сандрик Микол) (1894 во–1942) — коми гижысь.
• Шахов Егор Александрович (Сандрик Ёгор, Ö.Е. Шаков) (1907—1938) — коми гижысь, редактор, вуджӧдчысь.

Ӧшмӧсъяс

• Плесовский Ф.В. Комиын овъяс / Сост. И.Л. Жеребцов. – Сыктывкар, 1997. – С. 132.