Шахов Николай Александрович

Рувикиын эмӧсь мукӧд йӧз йылысь статьяяс, кодъяслӧн овыс Шахов.

Шахов Николай Александрович
Шахов Николай Александрович
Чужан лун	1898-ӧд вося ӧшым тӧлысь 13-ӧд лун(1898-12-13)
Чужанін	Пожӧг, Кулӧмдін район, Коми Республика, РСФСР либӧ Усть-Сысольск уезд, Вӧлӧгда губерния, Россияса империя
Кулан лун	1942-ӧд вося ода-кора тӧлысь 22-ӧд лун(1942-05-22) (43 арӧс)
Куланін	Уфа, РСФСР, Сӧветскӧй Социалистическӧй Республикаяслӧн Союз
Страна	Россияса империя  РСФСР  Сӧветскӧй Социалистическӧй Республикаяслӧн Союз
Мыйся уджыс	коми гижысь

Шахов Николай Александрович (сідзжӧ Сандрик Микол, Ваш) (1898 вося ӧшым тӧлысь 13-ӧд лун, Усть-Сысольск уездса Пожӧг сикт — 1942 вося ода-кора тӧлысь 22-ӧд лун, Уфа) — коми гижысь.

Олантуй

• 1898 вося ӧшым тӧлысь 13-ӧд лун — чужис Вӧлӧгда губерняын Усть-Сысольск уездса Пожӧгын (ӧні — Кулӧмдiн районса Пожӧг сикт) уна челядя кресьтянин семьяын.
• Кык во велӧдчис сиктса школаын.
• 1910 — дас кык арӧса зонкаӧн босьтчис гӧрны, тӧвнас кыскаліс вӧр. Медасьліс потребительяслӧн котырӧ. Во мысти лои тайӧ котырса лавкаас приказчиклӧн отсасьысьӧн.
• 1912 — лои вӧлӧсьтса писарлӧн отсасьысьӧн, 1913 — Усть-Сысольск уездса письмоводительлӧн отсасьысьӧн, а сэсся письмоводительӧн.
• 1918, урасьӧм тӧлысь — мобилизуйтчис армияӧ, но сійӧс лэдзисны лёка аддзӧм вӧсна. Лои Пожӧг вӧлӧсьтса земскӧй управаын секретарӧн.
• 1919, тӧвшӧр тӧлысь — велӧдіс Вапӧлкаса начальнӧй школаын, сэсся — Скӧрӧдумса начальнӧй школаын.
• 1920 — босьтчис уджавны йӧзкостса велӧдӧмлӧн уездса отделын.
• 1922 — лои Коми небӧг лэдзанінын веськӧдлысьӧн.
• 1925—1929 — велӧдчис журналистика Институтын, сэсся гӧрд профессура Институтын.
• 1936 — сійӧс ыстісны Таджикистанӧ, кӧні веськӧдліс педагогикаысь туясян институтӧн, редактируйтіс таджикъяслы кык буквар да вит учебник.
• 1939 — уджалӧ Москваын РСФСР-са Наркомпросын.
• 1941, моз тӧлысь — Айму вӧсна Ыджыд тыш пансьӧм бӧрын гижсис в народнӧй ополчениеӧ, фронт вылӧ мунігӧн висьмис.
• 1942 вося ода-кора тӧлысь 22-ӧд лун — кувсис Уфаын госпитальын.

Гижан удж

• Коми ёртъяс дiнö. Москва: Парма, 1992. 214 лб.
• Шахов Н.А. Краткий коми-русский словарь.- Устьсысольск: Коми издательство, 1924.- 85 с.
• Коми в прошлом и настоящем / Н. А. Шахов. - Архангельск : Партиздат, 1932. - 50 с.
• Сандрик Миколлӧн гижӧдъясыс коми онлайн небӧгаинын

Литература

• Торлопов Г. И. Н. А. Шахов (Сандрик Микол) : гижӧд // Бикинь. 1991. №5. Лб. 2.
• Торлопов Г. Коми культура вӧсна тӧждысьысь : водзкыв // Сандрик Микол (Н. А. Шахов). Коми ёртъяс дінӧ. Москва, 1992. Лб. 3-16
• Беляев Геннадий. Габсиктысь Сандрик Микол : статья // Войвыв кодзув. 2003. №12. Лб. 52-71.

Ыстӧгъяс