Шевелёв Антон Антонович

Рувикиын эмӧсь мукӧд йӧз йылысь статьяяс, кодъяслӧн овыс Шевелёв.

Антон Антонович Шевелёв
Чужан лун	1918 вося тӧвшӧр тӧлысь 17-ӧд лун
Чужанін	Нейво-Шайтанский посёлок, Верхотурскӧй уезд, Перым губерня, РСФСР
Кулан лун	1981 вося ода-кора тӧлысь 10-ӧд лун
Куланін	Екатеринбург, РСФСР, СССР
Канму	СССР
Войска сикас	ылі бомбардируйтысь авиация
Служитан вояс	1942—1945
Звание
Часьт	ылӧдз лэбалан 8-ӧд авиация корпус
Тышъяс/вӧйнаяс	Айму вӧсна Ыджыд тыш
Наградаяс да премияяс

Шевелёв Антон Антонович (1918 вося тӧвшӧр тӧлысь 17-ӧд лун, Нейво-Шайтанский посёлок, Верхотурскӧй уезд, Перым губерня — 1981 вося ода-кора тӧлысь 10-ӧд лун, Екатеринбург, РСФСР, СССР) — Айму вӧсна Ыджыд тышын участвуйтысь, ылӧдз лэбалан авиациялӧн 8-ӧд авиация корпусса 48-ӧд авиация дивизияса 30-ӧд гвардейскӧй авиация полкса эскадрильяса командирӧс вежысь, гвардияса капитан. Комиысь Сӧветскӧй Союзса Герой.

Олантуй

Чужис 1918 вося тӧвшӧр тӧлысь 17-ӧд лунӧ Нейво-Шайтанский посёлокын (ӧні — Свердловск обласьтса Алапаевск кар муниципальнӧй юкӧнын) уджалысьяслӧн семьяын. Батьыс вӧлі нажӧтка вылӧ бокӧ ветлысь коми кресьтянинӧн Мордін сиктысь. Челядьдырыс колис Коми АССР-са Мордін сиктын. Помаліс 10 класс, 1938 воын Баранов нима гражданскӧй сынӧдса флотлысь Батайскса медводдза Краснознамённӧй школа. Уджаліс гражданскӧй сынӧдса флотлӧн Асыввыв Сибирса веськӧдланінын лётчикӧн.

Гӧрд Армияын 1942 вося рака тӧлыссянь. 1942 воын помаліс Военно-воздушнӧй вынъяслысь медвылыс лэбавны дасьтысян школа. Айму вӧсна Ыджыд тышын 1942 вося ода-кора тӧлыссянь. Тышкасис Волховса, Ленинградса, Калининса, медводдза, 2-ӧд да 3-ӧд Белорусскӧй фронтъяс вылын.

1943 вося рака тӧлысь 16-ӧд лунӧ задание вылӧ лэбигӧн А. А. Шевелевлысь самолётсӧ атакуйтіс противниклӧн истребитель. Самолётыслӧн вӧлі 30 розь, сійӧн лои сьӧкыд веськӧдлыны. Радист да стрелок вӧлі ранитчӧмаӧсь. Но А. А. Шевелев петкӧдліс зэв ыджыд повтӧмлун да бура пӧртіс олӧмӧ заданиесӧ, аслас аэродром вылын кужӧмӧн пуксьӧдіс самолётсӧ ӧти кӧлеса вылӧ, спаситіс самолётсӧ да экипажлысь олӧмсӧ.

30-ӧд гвардейскӧй авиация полкса эскадрильяса командирӧс вежысь гвардияса капитан Антон Шевелев 1944 вося йирым тӧлысь кежлӧ вӧчис противник тылын объектъяс бомбитӧм могысь 222 боевӧй рейс.

СССР-са Медвылыс Сӧвет Президиумлӧн 1944 во вӧльгым тӧлысь 5-ӧд лунся Индӧдӧн «немецко-фашистскӧй захватчикъяскӧд тыш нуӧдігӧн командованиелысь боевӧй заданиеяс образцӧвӧя олӧмӧ пӧртӧмысь да та дырйи повтӧмлун да героизм петкӧдлӧмысь» гвардияса капитан Шевелёв Антон Антоновичлы сетӧма Сӧветскӧй Союзса Герой ним Ленин орден да «Зарни Кодзув» медаль (5309 №-а) сетӧмӧн.

1945 вося ода-кора тӧлыссянь майор А. А. Шевелев запасын.

Помаліс Уралса лесотехническӧй институт, аспирантура. Видз-му овмӧс наукаяс кандидат, доцент. Уджаліс Ленинградса лесотехническӧй академияын, Уралса лесотехническӧй институтын.

Кувсис 1981 вося ода-кора тӧлысь 10-ӧд лунӧ. Дзебӧмаӧсь Свердловскын.

Наградаяс

• Сӧветскӧй Союзса Герой (1944.11.05);
• «Зарни Кодзув» медаль (1944.11.05);
• кык Ленин орден (1944.11.05, 1944.03.13),
• кык Гӧрд Дӧрапас орден (1942.12.31, 1943.04.10),
• Айму вӧсна Ыджыд тышса I тшупӧда орден (1945.07.13),
• медальяс.

Паметь

• Сӧветскӧй Союзса Герой А. А. Шевелёвлысь нимсӧ вӧлі сетӧма Сыктывкарса 37 №-а школаысь пионеръяслӧн дружиналы.
• 1987 воын Сӧветскӧй Союзса Герой А. А. Шевелёвлысь нимсӧ вӧлі сетӧма Мордінса школалы .
• «Юрган» телеканал дасьтіс «Герои. История подвига. Антон Шевелёв» документальнӧй фильм.
• «Морина Софья про Антона Антоновича Шевелёва» видеосюжет.

Пасйӧдъяс

Литература

• Золотые Звёзды свердловчан. — Свердловск: Средне-Уральское кн. изд. 1970.
• Кузнецов И. И. Золотые звёзды иркутян. — Иркутск, 1982.
• Навечно в сердце народном / Редкол.: И. П. Шамякин (гл. ред.) и др. — 3-е изд., доп. и испр. — Минск: Белорусская энциклопедия имени Петруся Бровки, 1984. — 607 с. — 65 000 экз.
• Сердца и звёзды. 2-е изд., доп. — Сыктывкар, 1971.
• Герои Советского Союза: крат. биогр. слов. Т.2. – Москва, 1988.
• Книга памяти Республики Коми. Т. 5 / составители В. М. Котельников, А. М. Калимова. — Сыктывкар, 1997.
• Книга памяти Республики Коми. Т.8 / составители В. М. Котельников, А. М. Калимова. — Сыктывкар, 1999.
• Книга памяти Республики Коми. Т. 10 / составители В. М. Котельников, А. М. Калимова, А. А. Карпов. — Сыктывкар, 2004.
• Книга памяти Республики Коми. Т. 12 / составители А. А. Карпов, О. А. Сергичева, Л. Н. Двинская. — Сыктывкар, 2013.
• Сердца и звёзды. 2-е изд., доп. — Сыктывкар, 1971.
• Сорокажердьев, В. В. Они сражались в Заполярье: Герои Советского Союза, 1939-1945 : Боевые биографии / В. В. Сорокажердьев. – Мурманск, 2007.
• Александров, А. Н. Звезды отважных. Наши земляки – Герои Советского Союза и полные кавалеры ордена Славы. – Сыктывкар, 1991.
• Голованов, А. Е. Дальняя бомбардировочная…: воспоминания Главного маршала авиации. 1941-1945. – М., 2008.

Ыстӧгъяс

Антон Антонович Шевелёв  (рус.). Сайт «Герои страны». Шыӧдчан кадпас: 8 лӧддза-номъя тӧлысь 2014.