Шумилова Елена Борисовна

Елена Шумилова Борисовна
Елена Шумилова Борисовна
Россия Федерацияса Федеральнӧй Собраниелӧн Федерация Сӧветӧ пырысь — Коми Республикаса оланпас пыртысь канму власьт органсянь РФ-са ФС-лӧн ФС-ын петкӧдлысь
	2020.09.24 — 2025.06.18
Водзвывса уджалысь	Марков Валерий Петрович
Удж водзӧ нуӧдысь	Екатерина Грибкова
Чужис	1978-ӧд вося косму тӧлысь 1-ӧд лун (48 арӧс); Койгорт, Койгорт район, Коми АССР, РСФСР, СССР
Ютыр	Единая Россия
Велӧдчӧм	Q4229553? (2011);
Уджсикас	политик

Шумилова Елена Борисовна (1978-ӧд вося косму тӧлысь 1-ӧд лун, Койгорт, Коми АССР) — россияса журналист, канморт, Федеральнӧй Собраниелӧн Федерация Сӧветӧ пырысь (2020—2025)^[1].

Олантуй

Елена Шумилова чужліс 1978 вося косму тӧлысь 1 лунӧ Койгорт районса Койгорт сиктын (Коми АССР).

2000 восянь Шумилова уджаліс Коми Республикаса телевизионнӧй компанияясын корреспондентӧн, 2007 восянь йӧзӧдіс «Медиа-группа ДОМ» ичӧт кывкутана котырлысь быд тӧлысся журнал да веськӧдліс «Филомена» ичӧт кывкутана котырлӧн проектӧн, 2008 восянь уджаліс «Сыктывкарса оланін стрӧитан фонд» ичӧт кывкутана котырын, 2009 воын бӧр локтіс телевидениеӧ. 2011 воын помаліс Коми канмуса педагогика институт да 2018 воӧдз вӧлі «Телезащитник» да «Ревизор» уджтасъясса редакторӧн да нуӧдысьӧн, а сідзжӧ вӧлі «Юрган» Коми республиканскӧй телевизионнӧй каналлӧн торъя проектъяс серти директорӧн.

2018 воын помаліс Россия Федерацияса вӧр-ва озырлун да экология министерствоысь общественнӧй экологическӧй инспекторъяслысь школа да мӧд восянь вӧлі Росприроднадзорлӧн Коми Республикаын веськӧдланінын гӧгӧртас видзӧм серти общественнӧй инспекторӧн, а 2020 восянь — Росреестрлӧн Коми Республикаын веськӧдланін бердын общественнӧй сӧветӧ пырысьӧн. 2018 восянь 2020 воӧдз — «Лузалес» ичӧт кывкутана котырса пиар-директор^[2].

2015 восянь 2019 воӧдз Шумилова вӧлі Койгорт районса сӧветса депутатӧн. 2015 восянь вӧлі Ставроссияса народнӧй фронтлӧн Комиын регионса штабса экспертӧн, 2016 восянь — ОНФ-лӧн регионса штабӧ пырысьӧн, 2017 воын лои сылӧн регионса штабӧн сопредседательӧн. 2016 восянь пырис «Меставывса асвеськӧдлан ставроссияса сӧвет» организацияӧ, 2018—2019 воясӧ уджаліс Коми Общественнӧй палатаӧ пырысьлы отсасьысьӧн^[3].

2020 вося кӧч тӧлысь 13-ӧд лунӧ бӧрйисны Коми Республикаса Каналан Сӧветӧ ӧтувъя республиканскӧй кытшын «Единая Россия» партиясянь (лыддьӧгын муніс 3 № улын)^[4].

2020 вося кӧч тӧлысь 24-ӧд лунӧ Коми Республикаса Каналан Сӧветса депутатъяс индісны Шумиловаӧс Федерация Сӧветӧ пырысьӧн — регионса канму власьт оланпас пыртысь органӧс петкӧдлысьӧн^[5]. 2020 вося йирым тӧлыссянь 2021 вося кӧч тӧлысьӧдз вӧлі уджаланарт да парламентлысь удж котыртӧм кузя комитетӧ пырысьӧн, сэсся пырис федеральнӧй тэчасног, регионса политика, меставывса асвеськӧдлӧм да Войвывлӧн могъяс кузя сенатса комитетӧ^[1].

2023 вося моз тӧлысь 30-ӧд лунӧ Уква университетса Учёнӧй сӧвет шуис сетны Елена Шумиловалы Почёта профессор ним^[6].

2025 вося лӧддза-номъя тӧлысьын Шумилова шуис кадысь водз, уджалан кад помасьтӧдз куим тӧлысьӧн водзджык, эновтчыны сенатор уджысь да петны «Единая Россия» партияысь^[1].

Сенатор уджысь эновтчӧм бӧрын бӧр кутіс уджавны журналистӧн — «Шторм-ТВ» юӧр сетан агентствоын военкорӧн^[7]^[8].

Санкцияяс

Веськалӧма Европаса Союзлӧн, Ыджыд Британиялӧн, АӦШ-лӧн, Канадалӧн, Швейцариялӧн, Австралиялӧн, Выль Зеландиялӧн санкцияяс улӧ.

Пасйӧдъяс

↑ ¹ ² ³ РБК, 16 июня 2025. Сенатор-единоросс Шумилова решила досрочно сложить полномочия
↑ Шумилова, Елена Борисовна (неопр.). Энциклопедия. ТАСС. Шыӧдчан кадпас: 14 йирым тӧлысь 2020.
↑ Елена Шумилова сменила Валерия Маркова на посту сенатора от Госсовета Коми (неопр.). БНК (24 кӧч тӧлысь 2020). Шыӧдчан кадпас: 18 йирым тӧлысь 2020.
↑ Опубликован список избранных депутатов Госсовета Коми (неопр.). Комиинформ (18 кӧч тӧлысь 2020). Шыӧдчан кадпас: 18 йирым тӧлысь 2020.
↑ Новым сенатором от Госсовета Коми стала Елена Шумилова, Деловой Петербург (24 кӧч тӧлысь 2020). Шыӧдчан кадпас: 18 йирым тӧлысь 2020.
↑ Елена Шумилова – почетный профессор УГТУ (рус.). УГТУ (5 йирым тӧлысь 2023). Шыӧдчан кадпас: 13 йирым тӧлысь 2025.
↑ Замараева Ю. Экс-сенатор от Коми Шумилова стала военкором (рус.). Источник (23 лӧддза-номъя тӧлысь 2025). Шыӧдчан кадпас: 14 йирым тӧлысь 2025.
↑ Ушедшая с поста сенатора Елена Шумилова подалась в военкоры (рус.). Первоисточник (23 лӧддза-номъя тӧлысь 2025). Шыӧдчан кадпас: 14 йирым тӧлысь 2025.

Ыстӧгъяс

РБК, 16 июня 2025. Сенатор-единоросс Шумилова решила досрочно сложить полномочия
Шумилова Елена Борисовна (неопр.). Совет Федерации. Шыӧдчан кадпас: 14 йирым тӧлысь 2020.
Шумилова Елена Борисовна (неопр.). Единая Россия. Шыӧдчан кадпас: 14 йирым тӧлысь 2020.

[Отставка-1] ¹ ² ³ РБК, 16 июня 2025. Сенатор-единоросс Шумилова решила досрочно сложить полномочия

[2] Шумилова, Елена Борисовна (неопр.). Энциклопедия. ТАСС. Шыӧдчан кадпас: 14 йирым тӧлысь 2020.

[3] Елена Шумилова сменила Валерия Маркова на посту сенатора от Госсовета Коми (неопр.). БНК (24 кӧч тӧлысь 2020). Шыӧдчан кадпас: 18 йирым тӧлысь 2020.

[4] Опубликован список избранных депутатов Госсовета Коми (неопр.). Комиинформ (18 кӧч тӧлысь 2020). Шыӧдчан кадпас: 18 йирым тӧлысь 2020.

[5] Новым сенатором от Госсовета Коми стала Елена Шумилова, Деловой Петербург (24 кӧч тӧлысь 2020). Шыӧдчан кадпас: 18 йирым тӧлысь 2020.

[6] Елена Шумилова – почетный профессор УГТУ (рус.). УГТУ (5 йирым тӧлысь 2023). Шыӧдчан кадпас: 13 йирым тӧлысь 2025.

[7] Замараева Ю. Экс-сенатор от Коми Шумилова стала военкором (рус.). Источник (23 лӧддза-номъя тӧлысь 2025). Шыӧдчан кадпас: 14 йирым тӧлысь 2025.

[8] Ушедшая с поста сенатора Елена Шумилова подалась в военкоры (рус.). Первоисточник (23 лӧддза-номъя тӧлысь 2025). Шыӧдчан кадпас: 14 йирым тӧлысь 2025.

[1]

[2]

[3]

[4]

[5]

[6]

[7]

[8]