Бажуков Иван Данилович

Иван Данилович Бажуков
Иван Данилович Бажуков
Чужан лун	1924-ӧд вося сора тӧлысь 7-ӧд лун
Чужанін	Мылдiн район, Коми (Зыряна) асвеськӧдлан обласьт, РСФСР, Сӧветскӧй Социалистическӧй Республикаяслӧн Союз;
Кулан лун	1958-ӧд вося ода-кора тӧлысь 16-ӧд лун (33 арӧс)
Куланін	Коми АССР, РСФСР, Сӧветскӧй Социалистическӧй Республикаяслӧн Союз;
Канму	СССР
Тышъяс/вӧйнаяс	Айму вӧсна Ыджыд тыш

Бажуков Иван Данилович (1924-ӧд вося сора тӧлысь 7-ӧд лун, Мылдiн район, Коми (Зыряна) асвеськӧдлан обласьт — 1958-ӧд вося ода-кора тӧлысь 16-ӧд лун, Коми АССР) — 2-ӧд Украинскӧй фронтса 40-ӧд армиялӧн 42-ӧд гвардейскӧй стрелкӧвӧй дивизияса 127-ӧд гвардейскӧй стрелкӧвӧй полкысь автоматчикъяс взводса командирлы отсасьысь, гвардияса сержант; гвардияса старшина, Комиысь Слава ордена тыр кавалер (1944, 1945, 1946).

Олантуй

Иван Бажуков чужис Коми (Зыряна) асвеськӧдлан обласьтысь Мылдін районса Максим грездын 1924 вося сора тӧлысь 7-ӧд лунӧ. Чужлӧма кресьтянин семьяын. Коми. Велӧдчӧма абу тырвыйӧ шӧр тшупӧда школаын. Уджаліс вӧрпунктын.

Гӧрд Армияын 1942 восянь. Айму вӧсна Ыджыд тышын 1942 вося рака тӧлыссянь. ВКП(б)-са член 1944 восянь^[1].

127-ӧд гвардейскӧй стрелкӧвӧй полкса автоматчикъяслӧн взводса командирлы отсасьысь гвардияса сержант Иван Бажуков 1944 вося моз тӧлысь 27-ӧд лунӧ Пятра-Нямц кар дорын прӧтивниклысь контратакаяссӧ водзсалігӧн ачыс бырӧдіс вӧрӧглысь дас салдат. 1944 вося кӧч тӧлысь 21-ӧд лунся приказӧн «немецко-фашистскӧй захватчикъяскӧд тышын командованиелысь заданиеяс образцӧвӧя олӧмӧ пӧртӧмысь» гвардияса сержант Бажуков Иван Даниловичӧс наградитӧма 3-ӧд тшупӧда Слава орденӧн^[1].

1944 вося ӧшым тӧлысь 20-ӧд лунӧ гвардияса старшина Иван Бажуков, захват группаӧн юрнуӧдӧмӧн, гусьӧн пырӧма противник расположениеӧ Сендрия кар дорӧ, босьтӧма вражескӧй пикет, кытчӧ пырисны офицер да квайт салдат, кодъяс сетісны бур разведданнӧйяс. Кужӧмӧн сайӧдіс захват группалысь бӧрыньтчӧмсӧ. 1945 вося урасьӧм тӧлысь 11-ӧд лунся приказӧн «немецко-фашистскӧй захватчикъяскӧд тышын командованиелысь заданиеяс образцӧвӧя олӧмӧ пӧртӧмысь» гвардияса старшина Бажуков Иван Даниловичӧс наградитӧма 2-ӧд тшупӧда Слава орденӧн^[1].

1945 вося рака тӧлысь 20-ӧд лунӧ Банска-Бистрица кар дорӧ матыстчигӧн тышъясын Иван Бажуков, вӧрӧглысь босьтӧм орудиеӧн вӧдитчӧмӧн, пӧдтіс некымын вражескӧй би точка, бырӧдіс кызь гитлеровецӧс. СССР-са Верховнӧй Сӧвет Президиумлӧн 1946 во ода-кора тӧлысь 15-ӧд лунся Индӧдӧн «немецко-фашистскӧй захватчикъяскӧд тышын командованиелысь заданиеяс образцӧвӧя олӧмӧ пӧртӧмысь» гвардияса старшина Иван Данилович Бажуковӧс наградитӧма 1 тшупӧда Слава орденӧн, лоӧма Слава орденлӧн тыр кавалерӧн^[1].

1947 восянь И. Д. Бажуков запасын. Воис чужанінас Коми АССР-ӧ. Уджаліс егерӧн лесхозын. Куліс 1958 вося ода-кора тӧлысь 16-ӧд лунӧ чужан грездас. Гуалӧма Максим грездса шойнаын.

Наградаяс

• III тшупӧда Слава орден (№ 163503) (1944.09.21).
• II тшупӧда Слава орден (№ 8940) (1945.02.11).
• I тшупӧда Слава орден (№ 1790) (1946.05.15).
• Гӧрд Кодзув орден.
• Айму вӧсна тышса II тшупӧда орден.

Паметь

Коми Республикалӧн Мылдін районса Приуральскӧй посёлокын уличалы сетӧма Слава ордена тыр кавалер И. Д. Бажуковлысь ним.

Пасйӧдъяс

↑ ¹ ² ³ ⁴ Бажуков Иван Данилович (рус.). Шыӧдчан кадпас: 14 сора тӧлысь 2025.

Литература

Кавалеры ордена Славы трёх степеней: Краткий биографический словарь / Пред. ред. коллегии Д. С. Сухоруков. — М.: Воениздат, 2000. — 703 с. — 10 000 экз. — ISBN 5-203-01883-9.
Сердца и звезды. 2-е изд., доп. — Сыктывкар, 1971

Ыстӧгъяс

Иван Данилович Бажуков (рус.). Сайт «Герои страны». Шыӧдчан кадпас: 14 сора тӧлысь 2025.

[Г-1] ¹ ² ³ ⁴ Бажуков Иван Данилович (рус.). Шыӧдчан кадпас: 14 сора тӧлысь 2025.

[1]