Приуральскӧй (Мылдін район)

Босьтӧма Рувикиысь
Тайӧ терминыслӧн эмӧсь мӧд вежӧртасъяс, видзӧд Приуральскӧй.
Посёлок
Приуральскӧй
Приуральскӧй
П. Приуральский Троицко-Печорский район.jpg
62°37′30″ с. ш. 57°28′00″ в. д.GЯO
Страна  Россия
РФ-са субъект Коми Республика
Муниципальнӧй район Мылдін район
Сикт овмӧдчӧмин Приуральскӧй (сикт овмӧдчӧмин, Мылдін)
История да география
Медводдзаысь пасйӧма 1950
Воддза нимъяс Октябрскӧй
Час кытш UTC+3:00
Йӧз
Олысь лыд
Официал кыв коми, роч
Лыдпаса идентификаторъяс
Телефон код +7 82138
Пошта индекс 169426
ОКАТО код 87236811001
ОКТМО код 87636411101
Приуральскӧй (Мылдін район) (Россия)
Точка
Приуральскӧй
Red pog.svg
Москва
Чилимдін районУскар кар кытшИнта кар кытшВӧркута кар кытшПечӧра районИзьва районУдора районЕмдін районСыктывдін районСыктыв районЛуздор районКойгорт районКӧрткерӧс районКулӧмдін районМылдін районВуктыл кар кытшСосногорск районУква кар кытшКняжпогост районЯран асвеськӧдлан кытшЯмал-Яран асвеськӧдлан кытшХанты-Вӧгул асвеськӧдлан кытш — ЮграПерым крайСвердловск обласьтАрхангельск обласьтКиров обласьтКострома обласьтВӧлӧгда обласьтПриуральскӧй (Мылдін район) (Республика Коми)
Описание изображения
Точка
Точка
Приуральскӧй

Приуральскӧй (рочӧн Приура́льский) — Россиялӧн Коми Республикаын Мылдін районса посёлок, Приуральскӧй сикт овмӧдчӧминлӧн административнӧй шӧрин.

Ним артмӧм

Посёлоклӧн нимыс роч, коми кыв вылӧ вуджӧдсьӧ кыдзи «Урал дорын меститчӧм», «Урал бердса»[2].

География

Посёлокыс меститчӧ Ылыдз юлӧн шуйга берегын (Печӧра ю вож), Мылдін кар кодь посёлоксянь, районлӧн административнӧй шӧринсянь, 117 километр ылнаын. Саридз веркӧсвесьтса вылнаыс — 121 метра[3].

Ывласям

Ывласямыс шӧркодь континентальнӧй, гожӧмыс дженьыд да ыркыдкодь, тӧлыс уна лымъя, кузь да кӧдзыд. Вогӧгӧрся шӧркодь температураыс −1,2 °C, та дырйи тӧвшӧр тӧлысьын шӧркодь температураыс −18 °C, сора тӧлысьын 16 °C. Ломтысян кадколастлӧн кузьтаыс 254 лун, суткинас шӧркодь температураыс −7,40 °C. Зумыд лым эшкын артмӧ шӧркодя йирым тӧлысь 26-ӧд лунӧ да сылӧ ода-кора тӧлысь 14-ӧд лунӧдз. Местаясын лым толаяслӧн шӧркодь джудждаыс воӧ 74 сантиметрӧдз. Медся джуджыд толаяс — 116 см, медся ляпкыд — 38 см[4].

Час кытш

Приуральскӧй, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[5].

История

1958 воын Мортъю вӧр участок вылын лэдзисны вӧр, буретш такӧд йитчӧма Приуральскӧй посёлоклӧн артмӧмыс. Посёлоксӧ заводитісны зіля стрӧитны. Та могысь татчӧ вайисны пӧвъясысь чукӧртӧм керкаяс, ӧттшӧтш Мортъю участокысь вайисны вӧр. Сӧветскӧй улича — посёлокын медводдза уличаяс пиысь ӧти.

На пӧвстын, кодъяс медводдзаясӧн кутісны овмӧдны посёлоксӧ, вӧліны Валентин Григорьевич да Прасковья Ивановна Кармасевъяс, Хрестина Васильевна Бажукова, Семён Дмитриевич да Мария Семёновна Приборовичьяс, Анатолий Николаевич да Александра Павловна Родинъяс, Василий Фёдорович да Фрида Павловна Тышковецъяс, Дмитрий Давыдович да Екатерина Давыдовна Штыройяс, Федосья Петровна Бажукова, Сергей Петрович Бажуков, Хоптинъяслӧн, Урихъяслӧн, Мельниковъяслӧн, Клепиковъяслӧн, Богдановъяслӧн, Поповъяслӧн семьяяс да уна мукӧд.

1959 воын воссис кык койка-места вылӧ ФАП. Веськӧдліс сійӧн фельдшер Ионайтис Лидия Александровна. 1968 воын воссис участковӧй больнича. Некымын во участковӧй врачӧн уджаліс Власов Валентин Евгеньевич. Сійӧ жӧ воас посёлокын вӧлі восьтӧма медводдза магазин. Посёлокса дзолюкъяслы вӧлі восьтӧма ясли-сад, кӧні медводдза веськӧдлысьнас лоис Павленко Лилия Васильевна.

1959 вося йирым тӧлысь 3-ӧд лунся 238 №-а тшӧктӧдӧн Челачса вӧр пункт тупкысис, да Мортъюса вӧр участок подув вылын котыртчис Октябрскӧй выль вӧр пункт, посёлоклы сетісны Октябрьскӧй ним. Но во мысти нин посёлоксӧ нимтісны Приуральскӧйӧн.

1959 воын Октябрьскӧйын (Приуральскӧйын) стрӧитӧма ичӧт школа. Веськӧдлысьнас да медводдза велӧдысьӧн индӧма Тамара Александровна Яковлеваӧс. 1964 вося кӧч тӧлысь 1 лунсянь школаыс лои 8 класса. Медводдза директорӧн индӧма В. А. Бакунинӧс. 1979 вося кӧч тӧлысь 1 лунӧ сійӧ лои шӧр школаӧн, директор — В. Я. Уляшов. 1966 воын школасӧ помалісны медводдза велӧдчысьяс. 1968 воын лоисны медводдза параллельнӧй классъяс.

1960 воын комсомолечьяс кыпӧдісны культура керкалысь медводдза стрӧйбасӧ. 1960 воын вӧлі кыпӧдӧма 200 места вылӧ сиктса культура керкалӧн мӧд стрӧйба (типӧвӧй). Сійӧс стрӧитӧма Ыджыд Октябрьскӧй социалистическӧй революциялы 50 во тыригкежлӧ. Культура керкасӧ ас кадӧ пыртӧм могысь Приуральскӧй посёлокӧ вӧлі ыстӧма инженер-стрӧитчысь Герасим Петрович Пыстинӧс.

Кольӧм нэмся 60-70 воясӧ Вылыс Печӧраса леспромхозлӧн Приуральскӧй вӧр пункт вӧлі Мылдін районын медбур вӧр пунктъясысь ӧтиӧн. Сійӧ нималіс республика пасьтала[6].

Йӧз

Олысь лыд
1989[7]2000[8]2010[9]2021[10]
990↘646↘450↘437
100
200
300
400
500
600
700
800
900
1000
1989
2000
2010
2021

1989 воын посёлокын оліс 990 морт (на лыдын 47 % роч, 33 % коми). 2022 вося ӧшым тӧлысь вылӧ тані вӧлі 461 морт[11].

Нималана йӧз

• Касатина Нина Васильевна — Коми Республикаса Почёта лесовод[12].
• Михаил Иванович Мельников — соцордйысьӧмъясын унаысь вермысь, коммунистическӧй уджын ударник, пятилеткаясса ударник. 1967 воын вӧлі СССР-са ВДНХ-ын участвуйтысьӧн. Сылысь нимсӧ пыртӧма Коми леспром ставсоюзса вӧр промышленнӧй ӧтувлӧн да вӧр, бумага да вӧр переработайтан промышленносьтын уджалысьяслӧн профсоюз обкомлӧн Почёт небӧгӧ. Вӧр да вӧр заптан почёта мастер. Сійӧ юрнуӧдіс том йӧзлӧн комсомольскӧй бригадаӧн, коді 1976 воын босьтіс коммунистическӧй удж котырлысь эскӧдангижӧд. Уджвывса ветеран, наградитӧма «Уджвыса Гӧрд Знамя» орденӧн да «Почёт пас» орденӧн.
• Федосья Петровна Бажукова — сетӧма «Почёт пас» орден.
• Николай Филиппович Клепиков — Вылыс Печӧраса леспромхозысь тракторист. 1972 вося ӧшым тӧлысь 1 лунӧ сылы сетӧма «Коми АССР-са йӧзкостса овмӧсын нимӧдана уджалысь» ним. 1976 вося рака тӧлысь 10-ӧд лунӧ СССР-са Медвылыс Сӧветса Президиумлӧн Индӧдӧн сетӧма «Почёт пас» орден.
• Осадчий Иван Иванович — тракторист, бульдозерист. Медводдза морт, кодлы сетӧма «Приуральскӧй» сикт овмӧдчӧминаса Почёта гражданин" ним. Наградитӧма «Почёт пас» орденӧн.
• Рассошных Виктор Петрович — сылӧн сьӧлӧмсянь уджалӧмӧн вӧлі стрӧитӧма уна дас километр вӧр кыскалан туй. Унаысь вермывліс соцордйысьӧмъясын. Сетӧма «Коммунистическӧй уджын ударник» ним, 3 во дорвыв вӧлі Профсоюзлӧн районса Сӧветлӧн да Вылыс Печӧраса ЛПХ-лӧн Почёт пӧв вылын. Виктор Петровичӧс наградитӧма «Зэв бура уджалӧмысь» медальӧн (1976 во). 1977 вося косму тӧлысь 25-ӧд лунӧ сылы сетӧма «Уджвыса Гӧрд Знамя» орден.
• Артеменко Николай Дмитриевич — Приуральскӧй вӧр пунктса шофёр. Наградитӧма «Уджвыса Гӧрд Знамя» орденӧн.
• Анатолий Яковлевич Михайлов — грейдерса оператор. Наградитӧма «Уджвыса Гӧрд Знамя» орденӧн.
• Степанюк Евгений Васильевич — тракторист. Наградитӧма «Уджвыса Гӧрд Знамя» орденӧн.
• Степан Бенедиктович Клявзуник — бригадир, СССР-са Медвылыс Сӧветлӧн 1975 во йирым тӧлысь 19-ӧд лунся Индӧдӧн сетӧма III тшупӧда Уджвывса Слава орден. Пятилеткаясса ударник, соцордйысьӧмъясын вермысь, некымын во вӧлі Вылыс Печӧраса ЛПХ-лӧн да районса Почёт пӧвъяс вылын. Вӧр переработайтан промышленносьтлӧн Коми профсоюзлӧн шуӧм серти сетӧма «Зарни киа мастер» диплом (1991 во).
• Геннадий Григорьевич Воложанин — сетӧма III тшупӧда Уджвывса Слава орден.
• Яков Васильевич Пыстин — сетӧма III тшупӧда Уджвывса Слава орден.
• Архип Константанович Шпак — унаысь вермывліс соцордйысьӧмъясын, сетӧма «Коммунистическӧй уджын ударник» пас, III тшупӧда Уджвывса Слава орден.
• Фарит Ахатович Хакимов — вӧр лэдзысь. 1979 воын ВЛКСМ-лӧн Шӧр комитет сетіс сылы Ленинскӧй комсомоллысь премия.
• Уляшов Алексей Иванович — уджалысь. 1983 воын сылы сетісны Ленинскӧй комсомоллысь премия[13].

Нималана эмторъяс

«Родное Приуралье» музейын

• «Родное Приуралье» музей. «Родное Приуралье» музей лоӧ Ылыдз ю вожын Урал бердса материальнӧй да духовнӧй культура медшӧр видзанінӧн. Сэні нуӧдӧны наука-туялан да наукаӧн йӧзӧс тӧдмӧдан удж. Музейын 1500 гӧгӧр экспонат[14].
• Айму вӧсна Ыджыд тышын участвуйтысьяслы памятник. Сувтӧдӧма 2010 воын[15].

Посёлокса уличаяс

2016 воын Приуральскӧй посёлокын вӧлі 9 улича да 1 уличкост[16].

Пасйӧдъяс

  1. ↑ https://rosstat.gov.ru/storage/mediabank/Tom1_tab-5_VPN-2020.xlsx
  2. ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
  3. ↑ История п. Приуральский. Официальный сайт администрации сельского поселения «Приуральский». Шыӧдчан кадпас: 21 йирым тӧлысь 2025.
  4. ↑ Городское поселение «Троицко-Печорск». Генеральный план. Обоснование. Пояснительная записка. Том 2. Федеральная государственная информационная система территориального планирования (2016). Шыӧдчан кадпас: 21 йирым тӧлысь 2025.
  5. ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
  6. ↑ Клепикова Таисия. История создания посёлка Приуральский // МОУ «СОШ» пст. Приуральский Троицко-Печорского района : Исследовательская работа. — 2015. — С. 4—6.
  7. ↑ Троицко-Печорский район. Троицко-Печорск. Краткая справка.
  8. ↑ Троицко-Печорский район. Троицко-Печорск. Краткая справка.
  9. ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
  10. ↑ https://rosstat.gov.ru/storage/mediabank/Tom1_tab-5_VPN-2020.xlsx.
  11. ↑ История п. Приуральский. Официальный сайт администрации сельского поселения «Приуральский». Шыӧдчан кадпас: 21 йирым тӧлысь 2025.
  12. ↑ Почетные граждане. Официальный сайт администрации сельского поселения «Приуральский». Шыӧдчан кадпас: 21 йирым тӧлысь 2025.
  13. ↑ Клепикова Таисия. История создания посёлка Приуральский // МОУ «СОШ» пст. Приуральский Троицко-Печорского района : Исследовательская работа. — 2015. — С. 6—9.
  14. ↑ Достопримечательностип. Приуральский. Официальный сайт администрации сельского поселения «Приуральский». Шыӧдчан кадпас: 21 йирым тӧлысь 2025.
  15. ↑ Сельское поселение «Приуральский». Официальный сайтМБУК Троицко-Печорский районный музей Республика Коми. Шыӧдчан кадпас: 21 йирым тӧлысь 2025.
  16. ↑ Приуральский (посёлок сельского типа). Справочник почтовых индексов. Шыӧдчан кадпас: 21 йирым тӧлысь 2025. Архивируйтӧма оригинала 7 рака тӧлысь 2012 года.

Литература

  • Жеребцов И. Л. Где ты живешь: Населенные пункты Республики Коми. Историко-демографический справочник. — Сыктывкар: Коми книжное издательство, 1994. — 272 с. — ISBN 5-7555-0488-1.
  • Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
  • Республика Коми: Энциклопедия. — Сыктывкар: Коми книжное издательство, 1997—2000. — Т. 1—3.
  • Административно-территориальное и муниципальное устройство Республики Коми (на 1 августа 2006 г.). Издание шестое, официальное. — Сыктывкар: ГУ «ТФИ РК», 2006. — С. 278.

Ыстӧгъяс

Босьтӧма "https://kv.ruwiki.ru/w/index.php?title=Приуральскӧй_(Мылдін_район)&oldid=482497"-ысь