Большеземельскӧй тундра (барельеф)
Министерство культуры РФ
РФ-са культура министерство
 | |
| Вениамин Иванович Смирнов (скульптор) | |
| Большеземельскӧй тундра. 1989 | |
| Номенклатура серти: Скульптура "Большеземельская тундра" | |
| сов[d], глазур[d], глазур[d], сотӧм[d] | |
| Вӧркутаса музей-выставка шӧрин | |
| длина : 39см,ширина: 26см | |
| (инв.№ 13) |
Большеземельскӧй тундра — рельеф техникаын вӧчӧм барельеф. Авторыс — скульптор Вениамин Иванович Смирнов. Скульптурасӧ вӧчӧма 1989 воын. Номенклатура серти объектыслӧн нимыс роч кыв вылын: Скульптура «Большеземельская тундра»[1].
Гӧгӧрвоӧдӧм
Барельефыс петкӧдлӧ тундраса пейзаж. Воддза планын петкӧдлӧма серӧссьӧм ты. Ты гӧгӧрыс быдмӧ джуджыд турун, сійӧс тӧв пӧлыньтӧма мулань. Турунсӧ вӧчӧма веж, перкаль да руд рӧмъясӧн. Шӧр планын петкӧдлӧма ньывкӧс берегъяс, кодъясӧс краситӧма перкаль-виж рӧмӧн охра да руд рӧм сорӧн. Берегъясысь ылынджык куйлӧны ляпкыдик мылькъяс. На весьтын шлывгӧны еджыд кымӧръяс, на пыр тыдалӧ кельыдлӧз енэж. Серпассӧ крепитӧма кӧрт креплениеяса веськыд пельӧса пу рамаӧ.
Материал да техника
Барельефсӧ вӧчӧма шамотысь — торъя сёй сикасысь, коді сетӧ крепыдлун да термостойкость. Уна пӧлӧс рӧмъяс артмӧдӧм могысь вӧдитчӧмаӧсь оксидъясӧн да совъясӧн. Глазурӧн мавтӧма сы могысь, медым веркӧсыс югъяліс да эз жуглась. Лапкӧдан да бӧрынджык сотан техникаыс сетіс позянлун петкӧдлыны рельефлысь посниторъяс да лӧсьӧдны збыльвывса серпас.
Ин
Экспонатсӧ видзӧны Вӧркутаса музей-выставка шӧринын. Музейсӧ восьтӧмаӧсь 1960 вося ода-кора тӧлысь 3-ӧд лунӧ. Сійӧ Заполярьеын чужан му туялан медыджыд музейясысь ӧти. Музейлӧн экспозицияясыс сиӧмаӧсь регионлӧн историялы, из шом перъян промышленносьтлы да Вӧркутаын олысьяслӧн олӧм-вылӧмлы. Музейлӧн фондын 84 сюрсысь унджык экспонат.
Пасйӧдъяс
- ↑ Скульптура Большеземельская тундра. Госкаталог. Шыӧдчан кадпас: 11 рака тӧлысь 2025.
