Рыцарь (скульптура)

	Вениамин Иванович Смирнов (скульптор)
	Рыцарь. 1972
	Номенклатура серти: Скульптура "Рыцарь. Средневековый мотив"
	эмаль[d], сотӧм[d]
	Коми Республикаса национальнӧй галерея
	высота: 49см,ширина: 26см,глубина: 29см
	(инв.№ 76)

РФ-са культура министерство

Статьяын вӧдитчӧма материалъясӧн Россия Федерацияса Музей фондса канму каталогысь

Паськыдджыка

«Рыцарь» — 1972 воын вӧчӧм декоративнӧй скульптура. Авторыс — скульптор Вениамин Иванович Смирнов^[1].

Гӧгӧрвоӧдӧм

Скульптураыс серпасалӧ мужичӧйлысь юр. Чужӧмыс гӧгрӧс, синъяс местаас кузьмӧс розьяс. Синкымъяслысь мегыръяссӧ мичмӧдӧма рельефа квайт гӧгрӧс бляшкаӧн. Нырсӧ вӧчӧма ёсь йыла кузь треугольникӧн. Мыччысьысь вом доръяса неыджыд вомыс нюммунӧма.

Шлемыс тупкӧ юрлысь да плешлысь вылыс юкӧнсӧ. Сылӧн воддза юкӧныс повторяйтӧ синкым визьсӧ да лэччӧ ныр улӧдзыс. Шлем шӧрас — ӧта-мӧд вылас сувтӧдӧм кык рельефнӧй гӧгрӧс бляшка. Конуса вевдорас пуктӧма шар. Тошкыс тырвыйӧ тупкӧ чужӧмлысь улыс юкӧнсӧ. Шлем увсянь тыдалысь кудриа юрсиыс куйлӧ сьыліӧдзыс, сылысь подувсӧ тупкӧма кольчуга звенояс куим радӧн вӧчӧм паськыд вӧрӧтникӧн.

Материал да техника

Скульптурасӧ вӧчӧма терракотаысь. Лапкӧдан техникаыс петкӧдлӧ став посниторсӧ. Материалсӧ сотӧмыс содтӧ сылысь крепыдлунсӧ. Еджыд рӧма эмальыс содтӧд тӧдчӧдӧ скульптуралысь торъя элементъяссӧ.

Ин

Уджсӧ видзӧны Коми Республикаса национальнӧй галереяын. 1943 воын восьтӧм музейыс — Коми Республикаын дзик ӧти художественнӧй музей. Сылӧн фондъясын 10 сюрсысь унджык произведение, на лыдын рытыввыв Европаса, роч да коми мастеръяслӧн уджъяс.

Пасйӧдъяс

↑ Скульптура Рыцарь. Средневековый мотив (неопр.). Госкаталог. Шыӧдчан кадпас: 27 моз тӧлысь 2025.

[1] Скульптура Рыцарь. Средневековый мотив (неопр.). Госкаталог. Шыӧдчан кадпас: 27 моз тӧлысь 2025.

[1]