Энку (скульптура)
Министерство культуры РФ
РФ-са культура министерство
 | |
| Вениамин Иванович Смирнов (скульптор) | |
| Энку. 1983 | |
| Номенклатура серти: Скульптура "Энку" | |
| сов[d], сотӧм[d] | |
| Вӧркутаса музей-выставка шӧрин | |
| высота : 66см,ширина: 53см,глубина: 33см | |
| (инв.№ 44) |
Э́нку — 1983 воын вӧчӧм скульптура. Авторыс — скульптор Вениамин Иванович Смирнов[1].
Гӧгӧрвоӧдӧм
Скульптура чукӧрыс артмӧма ӧти шӧр фигураысь да куим ичӧтысь, кодъяс меститчӧмаӧсь шӧр элементсянь бокъясас да водзладорас. Фигураясыс сулалӧны топыда ӧта-мӧд бердас, найӧс вӧчӧма пемыдгӧрд рӧмӧн. Шӧр фигураыслӧн чужӧмыс асыввывса, кузьмӧс пель помъяса да джынвыйӧ тупкӧм синлапъяса. Чужӧмыс гӧгрӧс: паськыд бордъяса веськыд ныр, неыджыд вом, неуна мылькъя банбокъяс да ичӧтик тшӧка. Юрыс овальнӧй формаа, плешкыс джуджыд да шыльыд, а юрсиыс абу. Тушасӧ петкӧдлӧма коскӧдзыс, киясыс абуӧсь. Туша вылыс юкӧнас мунӧ паськыд диагональнӧй нёптов, коді имитируйтӧ паськӧм чукыр. Ичӧт фигураяссӧ вӧчӧма кокньӧдӧмӧнджык. Найӧс петкӧдлӧма джуджыд параллельнӧй серъяса кузь паськӧмӧн, а юркышӧдъяссӧ вӧчӧма таблетка либӧ вундалӧм пирамида ногӧн. Шӧр фигура бокъясас сулалысь фигураяс вылын эмӧсь паськӧм вылын вомӧна джынъя круг вундасъяс, найӧ имитируйтӧны паськӧм чукырсӧ.
Материал да техника
Скульптурасӧ вӧчӧма шамотысь совъяс содтӧмӧн, мый сетӧ сылы текстурируйтӧм веркӧс да аслыспӧлӧс рӧм. Лапкӧдан техникаыс сетіс позянлун лӧсьӧдны стӧч формаяс, а бӧрынджык сотӧмыс фиксируйтіс материаллысь тэчассӧ да рӧмторсӧ. Вӧдитчан методъясыс лӧсялӧны японскӧй скульптуралы.
Ин
Экспонатсӧ видзӧны Вӧркутаса музей-выставка шӧринын. Музейсӧ восьтӧмаӧсь 1960 вося ода-кора тӧлысь 3-ӧд лунӧ. Сійӧ Заполярьеын чужан му туялан медыджыд музейясысь ӧти. Музейлӧн экспозицияясыс сиӧмаӧсь регионлӧн историялы, из шом перъян промышленносьтлы да Вӧркутаын олысьяслӧн олӧм-вылӧмлы. Музейлӧн фондын 84 сюрсысь унджык экспонат.
Пасйӧдъяс
- ↑ Скульптура Энку. Госкаталог. Шыӧдчан кадпас: 31 сора тӧлысь 2025.
