Чукча (скульптура)
Министерство культуры РФ
РФ-са культура министерство
 | |
| Вениамин Иванович Смирнов (скульптор) | |
| Чукча. 1973 | |
| Номенклатура серти: Скульптура "Чукчанка" | |
| сов[d], глазур[d], сотӧм[d] | |
| Вӧркутаса музей-выставка шӧрин | |
| высота : 37см,ширина: 30см,глубина: 25см | |
| (инв.№ 17) |
Чукча (рочӧн Чукчанка) — 1973 воын вӧчӧм скульптура. Авторыс — скульптор Вениамин Иванович Смирнов. Номенклатура серти объектыслӧн нимыс роч кыв вылын:«Скульптура "Чукчанка"»[1].
Гӧгӧрвоӧдӧм
Тайӧ кусыньтӧм бокъяса шар сяма скульптура, кытчӧ серпасалӧма нывбабалысь чужӧмсӧ профильӧн. Чужӧмсӧ серпасалӧма кыз сьӧд визьӧн яй эж рӧма фон вылын. Ныр вылас, тшӧка вылас, кӧсича вылас да банбокас куйлӧны татуировка кодь визьяс. Юрсӧ йитӧма воронка кодь паськыд подувкӧд, коді кажитчӧ сьылі кодьӧн. Капюшон гӧгӧр ортсысяньыс куйлӧны эмаль да ӧмидз рӧма глазурь декоративнӧй визьяс, а сьылі водзладорсӧ мичмӧдӧма вертикальнӧй орнаментӧн.
Материал да техника
Скульптурасӧ вӧчӧма шамотысь, мый сетӧ сылы зумыдлун. Скульптурасӧ вевттьӧма эмальӧн, совъясӧн да пигментъясӧн, кодъяс эмӧсь сёйын да глазурьын. Вӧдитчӧма лапкӧдан, глазуритан да бӧрынджык сотан техникаӧн, мый сетӧ позянлун фиксируйтны посниторъяссӧ да рӧмъяссӧ.
Ин
Экспонатсӧ видзӧны Вӧркутаса музей-выставка шӧринын. Музейсӧ восьтӧмаӧсь 1960 вося ода-кора тӧлысь 3-ӧд лунӧ. Сійӧ Заполярьеын чужан му туялан медыджыд музейясысь ӧти. Музейлӧн экспозицияясыс сиӧмаӧсь регионлӧн историялы, из шом перъян промышленносьтлы да Вӧркутаын олысьяслӧн олӧм-вылӧмлы. Музейлӧн фондын 84 сюрсысь унджык экспонат.
Пасйӧдъяс
- ↑ Скульптура Чукчанка. Госкаталог. Шыӧдчан кадпас: 11 рака тӧлысь 2025.
