Одиссей и Сирена (скульптура)
Министерство культуры РФ
РФ-са культура министерство
 | |
| Вениамин Иванович Смирнов (скульптор) | |
| Одиссей и Сирена. 1971 | |
| Номенклатура серти: Скульптура малых форм "Одиссей и Сирена" | |
| из[d], кисьтӧм[d] | |
| Коми Республикаса национальнӧй галерея | |
| высота: 16см,ширина: 27,7см,глубина: 4,5см | |
| (инв.№ 207) |
«Одиссей и Сирена» — 1971 воын вӧчӧм скульптура. Авторыс — скульптор Вениамин Иванович Смирнов[1].
Гӧгӧрвоӧдӧм
Композицияыс артмӧма кык фигураысь. Петкӧдлӧма мужичӧйӧс, коді босьтӧ кузь векни ладьялысь став пространствосӧ. Сылысь мыгӧрсӧ веськӧдӧма видзӧдысьлань, а вӧйӧм синъяса да банбокъяса чужӧмсӧ петкӧдлӧма профильӧн. Гырддзаас кусыньтӧм веськыд киыс куйлӧ балябӧжсяньыс шуйгавылын. Кӧмтӧм кокъяснас мыджсьӧ пыж бӧжас. Фигураыс пасьталӧма коклябӧрӧдзыс кузь хламида. Мужичӧйлӧн пидзӧсъяс вылын куйлӧ нывбаба юра лэбач. Лэбачлӧн чужӧмыс ёсь тшӧкаа, ляпкыдик кымӧса да балябӧжас гартӧм юрсиа. Ладьяыс мыджсьӧ гы кодь неыджыд подставка вылӧ, а став композициясӧ сувтӧдӧма джуджыд нёль пельӧса подставка вылӧ.
Материал да техника
Скульптурасӧ вӧчӧма бронзаысь да изйысь. Кисьтан техникаыс сетӧ позянлун петкӧдлыны став посниторсӧ. Изйыс лоӧ подулӧн.
Ин
Уджсӧ видзӧны Коми Республикаса национальнӧй галереяын. 1943 воын восьтӧм музейыс — Коми Республикаын дзик ӧти художественнӧй музей. Сылӧн фондъясын 10 сюрсысь унджык произведение, на лыдын рытыввыв Европаса, роч да коми мастеръяслӧн уджъяс.
Пасйӧдъяс
- ↑ Скульптура малых форм Одиссей и Сирена. Госкаталог. Шыӧдчан кадпас: 21 моз тӧлысь 2025.
