Булышева Вера Витальевна
| Булышева Вера Витальевна | |
|---|---|
 | |
| Чужан лун | 1973-ӧд вося сора тӧлысь 26-ӧд лун (53 арӧс) |
| Чужанін | |
| Страна | |
| Мыйся уджыс | сьылысь, велӧдысь, общественнӧй удж вӧчысь |
Булышева Вера Витальевна (1973-ӧд вося сора тӧлысь 26-ӧд лун, Парч (Кулӧмдін район), Коми АССР) — коми сьылысь, Коми Республикаса нимйӧза артист.
Олантуй
Вера Булышева чужӧма 1973 вося сора тӧлысь 26-ӧд лунӧ Кулӧмдін районса Парч сиктын. 1994 воын помаліс Сыктывкарса искусствояс училище (ӧні — Коми Республикаса искусствояс колледж) «Йӧзкостса хор» нырвизь серти, велӧдысьнас вӧлі Коми Республикаса искусствоясса нимӧдана уджалысь Лидия Чувьюрова[1]. Помаліс Ипполитов-Иванов нима Москваса шылада педагогика институт.
2000 восянь уджалӧ Коми республикаса филармонияын сьылысьӧн[1].
2008 восянь уджаліс велӧдысьӧн Коми Республикаса искусствояс колледжса сольнӧй да хорӧвӧй йӧзкостса сьылӧм юкӧнын[2].
2020 восянь уджалӧ «Асъя кыа» канму ансамбль бердын национальнӧй студияса вокальнӧй группаын велӧдысьӧн[1].
Сьылӧм
Вера Булышевалӧн репертуарын коми и роч йӧзкостса сьыланкывъяс, а сідзжӧ ӧнія коми да роч авторъяслӧн.
1997 воын пырӧдчылӧма том сьылысьяслӧн «Юрган» йӧзкостса сьыланкыв конкурсӧ. Унаысь сьыланкывъяснас петкӧдчылӧма «Василей» конкурс-фестиваль дырйи да шедӧдлӧма нимпасъясын местаяс да Гран-при.
2024 воын «Зарни ёль» ансамблькӧд ӧтув лэдзисны «Асъя сьыланкыв» выль альбом.
Общественнӧй удж
Уна во чӧж веськӧдліс Сыктывкарын Кулӧмдінса землячествобердса «Медбур кад» котырӧн. 2015 вося косму тӧлысьын восьтӧма челядьлы йӧзкостса сьылан школа-студия[3].
Наградаяс
• Коми Республикаса нимӧдана артистка (1994);
• Валентина Есева нима премия босьтысь (2004);
• Коми Республикаса Веськӧдлан котырлысь премия босьтысь (2013);
• Коми Республикаса нимйӧза артист (2018 вося вӧльгым тӧлысь 2-ӧд лун) — культура да искусство юкӧнын торъя заслугаясысь[4].
Пасйӧдъяс
- ↑ 1 2 3 Вера Булышева (рус.). Коми республиканская филармония. Шыӧдчан кадпас: 6 йирым тӧлысь 2025.
- ↑ Преподаватели отделения СХНП (рус.). Коми Республикаса искусствояс колледж. Шыӧдчан кадпас: 6 йирым тӧлысь 2025.
- ↑ Ме радейта ассьым муӧс (рус.). Коми му (23 вӧльгым тӧлысь 2023). Шыӧдчан кадпас: 6 йирым тӧлысь 2025.
- ↑ В Коми появился еще один народный артист (рус.). БНКоми (3 вӧльгым тӧлысь 2018). Шыӧдчан кадпас: 6 йирым тӧлысь 2025.
Ыстӧгъяс
• Ас му вылын. О весне и творчестве! Народная артистка Республики Коми Вера Булышева