Вагнер Раиса Ивановна
| Вагнер Раиса Ивановна | |
|---|---|
 | |
| Чужан лун | 1947-ӧд вося тӧвшӧр тӧлысь 1-ӧд лун (79 арӧс) |
| Чужанін | |
| Страна | |
| Мыйся уджыс | велӧдысь |
Вагнер Раиса Ивановна (1947-ӧд вося тӧвшӧр тӧлысь 1-ӧд лун, Палаззя, Коми Автономнӧй Сӧветскӧй Социалистическӧй Республика) — коми велӧдысь, Коми Республикаса нимӧдана уджалысь.
Олантуй
Раиса Вагнер чужӧма 1947-ӧд вося тӧвшӧр тӧлысь 1 лунӧ Коми АССР-ын Сыктыв районса Палаззя сиктын. Батьыс — Иван Степанович Колипов — велӧдӧма ичӧт классъясын Кебраын. Армияын служитӧма Ылі Асыввылын, сэсся воюйтӧма японечьяскӧд, да сӧмын сизим во мысти локтӧма гортас. Воӧм бӧрын корӧмаӧсь веськӧдлыны Палаззяса колхозӧн. Мамыс — Нина Филаретовна — вӧлӧма коми да роч кыв, литература велӧдысьӧн. Нэмсӧ уджалӧма сиктса школаын, завучалӧма, директоралӧма, велӧдӧма челядьӧс.
Помалӧма И. А. Куратов нима медводдза номера педагогика училище, Коми канмуса педагогика институтысь коми юкӧн. Нёль во уджалӧма Палаззяса 8 класса школаын, 10 во — Сыктывкарса канму университетын[1].
1988-ӧд восянь уджалӧ Ю. А. Спиридонов нима Коми Республикаса Юралысь бердса искусствояс гимназияын: медводз коми кыв да литература велӧдысьӧн, сэсся содтӧд тӧдӧмлун сетан педагогӧн. Гимназияын велӧдігӧн Р. И. Вагнер котыртлӧма фольклор чукӧртан экспедициияяс Перым Коми кытшӧ, Коми Республикаса Емдін, Сыктыв, Уква да Сосногорск районъясӧ.
Наградаяс
• «Народнӧй просвещениеса отличник» пас (1991);
• А. С. Пушкинлы 200 во тыригкежлӧ роч словесносьт академиялӧн «Ревнителю Просвещения» медаль (1999);
• Коми Республикаса нимӧдана уджалысь (2001).
Пасйӧдъяс
- ↑ Пунегова Н. Коми му, чужан кыв да ас войтыр дорӧ муслунӧн. Коми му (21 урасьӧм тӧлысь 2022). Шыӧдчан кадпас: 24 йирым тӧлысь 2025.