Габова Елена Васильевна
| Габова Елена Васильевна | |
|---|---|
 | |
| Чужан лун | 1952-ӧд вося лӧддза-номъя тӧлысь 7-ӧд лун (74 арӧс) |
| Чужанін | |
| Страна | |
| Мыйся уджыс | гижысь, вуджӧдчысь |
| Ошканпасъяс да премияяс | |
Габова Елена Васильевна (1952-ӧд вося лӧддза-номъя тӧлысь 7-ӧд лун, Сыктывкар, Коми Автономнӧй Сӧветскӧй Социалистическӧй Республика) — челядьлы гижысь, Коми Республикаса нимӧдана уджалысь, И. А. Куратов нима Коми Республикаса канму премияа лауреат, Россия Федерацияса культураын нимӧдана уджалысь, Коми Республикаса гижысь котырӧ пырысь, Коми Республикаса нимйӧза гижысь (2012).
Олантуй
Елена Габова чужис 1952 вося лӧддза-номъя тӧлысь 7-ӧд лунӧ Сыктывкарын.
Помаліс 1 №-а сыктывкарса школа. 1970 воын пырӧма велӧдчыны Ставсоюзса канму кинематография институтӧ (ВГИК) сценарий факультетӧ (мастерскӧйӧн веськӧдлысьыс — Николай Фигуровский) да 1976 воын сійӧс помалӧма, босьтӧма «кинодраматург» специальносьт[1].
Уджаліс «Молодёжь Севера» газетын (Сыктывкар), телевидение студияын редакторӧн (Джесказган), художествоа самодеятельность керкаын (Сыктывкар), Ставроссияса театральнӧй обществолӧн Коми юкӧнын инструкторӧн. 1985 восянь 2007 воӧдз уджаліс литературнӧй консультантӧн Коми гижысь котырын[2].
Гижан удж
Гижӧ рочӧн. Йӧзӧдсьӧ 1966 восянь республикаса да ставсоюзса печатьын. «Ветер» медводдза кывбурыс вӧлі йӧзӧдӧма 1966 воын «Пионер» журналын[3].
Велӧдчис том гижысьяслӧн ставроссияса семинарын, мый муніс 1983 воын Льӧмьюын С.Залыгин веськӧдлӧм улын, да том гижысьяслӧн ставсоюзса совешанньӧын Москваын (1984). СССР-са гижысь котырын 1989 восянь. Е.Габовалысь висьтъяссӧ да повесьтъяссӧ вуджӧдлісны англия, немеч, норвег, япония да мукӧд кывйӧ.
Гижис челядьлы да томуловлы 40 сайӧ небӧг. Найӧ петісны Москваын, Киевын, Сыктывкарын. Кык небӧг петіс Японияын. Гижӧдъяссӧ позьӧ аддзыны татшӧм журналъясысь, кыдзи: «Кукумбер», «Костер», «Пионер», «Юность», «Слово», «Наш современник», «Таллинн», Япония да Коми Республикаса журналъясын, и с.в.
Елена Габова тӧдса кыдзи и вуджӧдчысь. Коми кыв вылысь роч вылӧ вуджӧдіс В. Тиминлысь «Эжва Перымса зонка» повесьт, А. Поповлысь, Е. Козловалысь висьтъяс да повесьтъяс, Г. Юшковлысь мойдъяс. Сідзжӧ коми кыв вылысь сылысь вуджӧдӧмъяссӧ йӧзӧдӧны «Наш современник», «Мурзилка», «Север» журналъясын, «Литературная Россия» газетын.
Небӧгъяс
Рочӧн
• Гришуня на планете Лохматиков. — Сыктывкар, 1983.
• Невидимки в лагере. — Сыктывкар, 1987.
• Двойка по поведению. — М.: Молодая гвардия, 1989.
• Тайкина тайна. — Сыктывкар, 1991.
• Вареная сосулька. — Сыктывкар, 1993.
• Никто не видел Рыжего. — Сыктывкар, 2000.
• Не вставайте с левой ноги. — Сыктывкар, 2004.
• Зануда Дёма. — Сыктывкар, 2007.
• Жизнь и фантазии Сени Ёлкина. — Сыктывкар, 2007.
Украина кывйӧн
• Грицик на планетi Кудлатикiв. — Киев: Изд. Веселка, 1991.
Япония кывйӧн
• Шалун Антон и сыщики девчонки (Никто не видел Рыжего). — Токио: Гаккен, 1999.
• Приветствие всегда «Ленивый день» (Гришуня на планете Лохматиков). — Токио: Гаккен, 2002.
Норвег кывйӧн
• Вчерашнее молоко с медом (буклет на норвежском языке). — Трёмсе 2005.
Наградаяс
Коми
• Коми Республикаса нимӧдана уджалысь (1999);
• Коми Республикаса канму премия босьтысь (2002);
• Коми Республикаса нимйӧза гижысь (2012);
• Литература юкӧнын И. А. Куратов нима Коми Республикаса Веськӧдлан котырлысь премия босьтысь (2013).
Россия
• Россияса культураын нимӧдана уджалысь (2006);
• В. Крапивин нима Войтыркостса литературнӧй премия босьтысь (2006);
• «Заветная мечта» национальнӧй литературнӧй премияын («За лучшее произведение о подростках и их взаимоотношениях со взрослыми» нимпасын) финалӧ петысь (2008);
• Челядьлы да ныв-зонлы художествоа литератураысь им. А. Н. Толстой нима Войтыркостса литературнӧй премия босьтысь (2009);
• П. Бажов нима Ставроссияса литературнӧй премия босьтысь (2010);
• «Добрая лира» литературно-педагогическӧй конкурсын диплом босьтысь (2010).
Семья
• Сылӧн ыджыд батьыс — коми гижысь Николай Попов (Жугыль).
• Верӧсыс — Коми Республикаса нимйӧза гижысь Пётр Столповский, нылыс — Полина Романова, журналист.
Пасйӧдъяс
- ↑ Габова Елена Васильевна (Столповская) (рус.). Имена Коми. Шыӧдчан кадпас: 14 йирым тӧлысь 2025.
- ↑ Габова Елена Васильевна (рус.). НБРК. Шыӧдчан кадпас: 14 йирым тӧлысь 2025.
- ↑ Елена Габова (рус.). Литрес. Шыӧдчан кадпас: 14 йирым тӧлысь 2025.