Говорухина Светлана Ювинальевна

Говорухина Светлана Ювинальевна
Говорухина Светлана Ювинальевна
Чужан лун	1959-ӧд вося косму тӧлысь 5-ӧд лун (67 арӧс)
Чужанін	Сыктывкар, Коми Автономнӧй Сӧветскӧй Социалистическӧй Республика, РСФСР, Сӧветскӧй Социалистическӧй Республикаяслӧн Союз;
Страна	Сӧветскӧй Социалистическӧй Республикаяслӧн Союз; Россия;
Мыйся уджыс	школаын велӧдысь, школаса директор, поэт, филолог, директор, гижысь

Говорухина Светлана Ювинальевна (1959-ӧд вося косму тӧлысь 5-ӧд лун, Сыктывкар, Коми Автономнӧй Сӧветскӧй Социалистическӧй Республика) — коми кывбуралысь.

Олантуй

Светлана Говорухина чужис 1959-ӧд вося косму тӧлысь 5-ӧд лунӧ Сыктывкарын. Быдмӧма Удорса районса Кослан сиктын.

1976-ӧд воын помалӧма Косланса шӧр школа, 1981-ӧд воын — Сыктывкарса канму университетысь филология факультет.

1981 восянь 1999 воӧдз уджалӧма Удора районса Ёдва шӧр школаын велӧдысьӧн да внекласснӧй удж котыртысьӧн. 1999—2004 воясӧ — Ёдва шӧр школаса директор.

2004—2008 воясӧ С. Говорухина уджалӧма Сыктывкарын Коми Республикаса финн-йӧгра культура шӧринын да веськӧдлӧма НКО-яскӧд удж нуӧдан юкӧдӧн.

Гижан удж

Светлана Ювинальевна босьтчӧма гижны челядьдырйиыс на. Гижӧ комиӧн да рочӧн. Аслас пӧжасъяснас лыддьысьысьясӧс тӧдмӧдӧма сёрӧн. Кывбуръясыс петавлӧма «Коми му» да «Выль туйӧд» газетъясын, «Капелька жизни» да «Сьӧлӧмшӧрӧй менам Удора» сборникъясын. Кывбуръяс вылас лӧсьӧдӧма сьыланкывъяс.

Гижӧ бур йӧз, чужанін дорӧ радейтӧм, сӧстӧм муслун йылысь. «Збыльмытӧм вӧт» медводдза небӧгсӧ сиӧма аслас мам Елена Павловна Долгиналы.

Общественнӧй удж

2004 воын С. Говорухина ветлӧма Фин-йӧгра войтырлӧн IV Ставмирса конгресс вылӧ (Таллинн, Эстония).

2016 восянь пырӧ «Коми войтыр» ӧтмунӧмса сыктывкарса представительствоӧ.

2006 восянь веськӧдлӧ Сыктывкарын Удора землячествоӧн. Сылӧн веськӧдлӧм улын Удораса землячество зіля пырӧдчӧ карса да республикаса мероприятиеясӧ, телевизионнӧй передачаясӧ, концертъясӧ, литературнӧй рытъясӧ, художественнӧй выставкаясӧ, национальнӧй сёян-юан кузя кулинарнӧй конкурсъясӧ да мастер-классъясӧ, мый отсалӧ видзны да водзӧ сӧвмӧдны коми войтырлысь материальнӧй да духовнӧй культурасӧ. Сы отсӧгӧн вӧліны сувтӧдӧмаӧсь культураын да велӧдӧмын нималана уджалысьясӧс казьтылан мемориальнӧй пӧвъяс: Б. И. Петровалы да Р. А. Павлековалы (Удора районса Важгорт сикт, 2015 во), И. К. Устиновалы (Удора районса Кослан сикт, 2016 во), а сідзжӧ Россияса гижысь А. И. Вурдовлы (Кослан сикт, Удора район, 2025 во).

Небӧгъяс

• «Збыльмытӧм вӧт»: кывбуръяс. — Сыктывкар: «Кола» небӧг лэдзанін, 2013. — 64 л.б. (тиражыс — 1000 экз.)^[1];
• «Шондіа нюм»: кывбуръяс. — Сыктывкар: ООО «Телесемь Коми», 2016. — 40 л.б.;
• «Дона сикӧтш»: кывбуръяс. — Сыктывкар: Анбур, 2019. — 79 л.б^[2];
• «Эзысь ёльяс» (2018 во);
• «Шондiа му» (2021 во);
• «Удора колыбель моя» (2024 во).

Наградаяс

• Коми Республикаса Почёта грамота (2018);
• Коми Республикаса нимӧдана уджалысь (2023)^[3].
• «Сыктывкарса почёта ветеран» пас;
• Россия Федерацияса велӧдан министерстволӧн Почёт грамота;
• Коми Республикаса культура да национальнӧй политика министерствосянь Почёт грамота;
• «Уджын заслугаясысь» медаль;
• «Коми Республикаса Удора районлы 95 во» медаль;
• «Уджысь да Айму вӧсна» медаль.

Пасйӧдъяс

↑ Председатель удорского землячества презентует свой первый поэтический сборник (рус.). Финноугория (30 тӧвшӧр тӧлысь 2013).
↑ Дона сикöтш (рус.). НБРК. Шыӧдчан кадпас: 15 йирым тӧлысь 2025.
↑ Ряд жителей Республики Коми награждены государственными наградами (рус.). Регион (22 ӧшым тӧлысь 2023). Шыӧдчан кадпас: 15 йирым тӧлысь 2025.

Ыстӧгъяс

[1] Председатель удорского землячества презентует свой первый поэтический сборник (рус.). Финноугория (30 тӧвшӧр тӧлысь 2013).

[2] Дона сикöтш (рус.). НБРК. Шыӧдчан кадпас: 15 йирым тӧлысь 2025.

[3] Ряд жителей Республики Коми награждены государственными наградами (рус.). Регион (22 ӧшым тӧлысь 2023). Шыӧдчан кадпас: 15 йирым тӧлысь 2025.

[1]

[2]

[3]